Войти в систему
Войти с помощью соц. сетей:
Стена еси крепкая всем, к твоему предста́тельству прибега́ющим, праведный Иосифе, те́мже не пре́зри и нас, к твоему заступлению притека́ющих, в бурях искушений, в беда́х и ско́рбех житейских взывающих ти:
Радуйся, скорый засту́пниче наш в ну́ждах и напа́стех;
радуйся, сильный предста́телю о нас пред Богом.
Радуйся, твердое упование наше в буре смущения и недоумений;
радуйся, скорое избавление от клеветы́ человеческия.
Радуйся, пита́телю Того, Иже носит вся́ческая глаголом силы Своея;
радуйся, избавля́ющий нас от глада душевнаго и всякия скорби.
Ра́дуйся, пра́ведный Ио́сифе,
ско́рый помо́щниче и моли́твенниче о душа́х наших.
Пение всеумиле́нное приносим ти, богому́дре Иосифе, и молим тя: якоже хранил еси от всякаго вре́да и озлобле́ния самого Христа́ Господа, сохрани своим предстательством пред Ним Церковь Его Святую Православную от всякаго озлобления врагов видимых и невидимых, огради заступлением твоим от всякия ко́зни страну нашу Российскую, да тихое и безмолвное житие провожда́юще, вопием Богу: Аллилу́ия.
Светопода́тельна светильника, су́щим во тьме неразумия я́вльшагося, узре́л еси во храме двоенадесятоле́тняго Отрока Иисуса, подаю́ща свет истиннаго ве́дения учи́телям закона Божия и открыва́юща тайну Своего великаго служения по предопределе́нию Отца Нeбеснаго. Темже вопием ти:
Радуйся, верный храни́телю закона Отеческаго;
радуйся, яко ревнуя о соблюде́нии закона, и Отрока Иисуса в дом Отца Небеснаго приводил еси
Радуйся, яко егда оста́ся Отрок Иисус в Иерусалиме, мневше Его в дружине суща, вкупе с Материю Его отечески печалился еси о Нем;
радуйся, яко искал еси Его во сро́дницех и знаемых, и не обре́т, возвратился еси во Иерусалим и по трие́х днех обрел еси Его в церкви, седя́ща посреде́ учи́телей и послу́шающаго их, и вопроша́ющаго их.
Радуйся, яко слышал еси открове́ние тайны, егда́ глаго́лаше Отрок Иисус: «Не ве́сте ли, яко в тех, яже Отца Моего, достоит быти Ми?»;
радуйся, видевый и свиде́тельствовавый, яко Иисус преспева́ше прему́дростию и возрастом, и благода́тию у Бога и человек.
Ра́дуйся, пра́ведный Ио́сифе,
ско́рый помо́щниче и моли́твенниче о душа́х наших.
Благода́тию у Бога и челове́ков видя преспева́юща Отрока Иисуса и с возрастом тела в прему́дрости возрастающа, вся слагал еси в сердце твоем, яко раб верный, храня вве́ренное сокровище в тайне до дне, егда нача́ша вопити Ему вси верующии яко Богу и Спасителю мира: Аллилу́ия.
Пою́ще труды и подвиги твоя, славим и блаженное успение твое: на руках бо Бога Слова и Матере Его сла́дце почил еси от трудов твоих, праведный Иосифе, блаже́нныя вечности имея несомненное увере́ние. Темже вопием ти:
Радуйся, верный в великом служении;
радуйся, сего ради велича́йшия по́чести от Бога сподобивыйся.
Радуйся, содружи́выйся на земли́ со славою и красотою неба;
радуйся, Отце́м будущаго века в будущий век с миром отпу́щенный.
Радуйся, благовествова́вый Давиду радость велию;
радуйся, всем сущим во аде весть известную прине́сший, яко прии́де Христос, имеяй свободити и спасти род человеческий.
Ра́дуйся, пра́ведный Ио́сифе,
ско́рый помо́щниче и моли́твенниче о душа́х наших.
О святы́й и пра́ведный Ио́сифе! Приими́ сие малое моление наше и твоим сильным хода́тайством ко Христу Богу умоли Его, да благода́тию Своею соде́лает нас тве́рды и непоколеби́мы в православной вере, ре́вностны и непреткнове́нны в соблюдении за́поведей Его, и да́рует вся полезная к временному и вечному житию́ нам, вопиющим Ему: Аллилу́ия.
Этот кондак читается трижды, и снова 1-й икос и 1-й кондак:
Ангелом непостижи́мую та́йну рожде́ния Бо́га Сло́ва от Пренепоро́чныя Де́вы соблюда́я чи́сту от клеветы́ люде́й и кова́рства диа́вола, тебе́, пра́ведный Ио́сифе, смиреннаго те́ктона, избра́ Бог бы́ти храни́теля и свиде́теля де́вства Пресвятыя Марии. Темже прославля́юще тя, яко избра́ннаго таи́нника Бо́жия, взыва́ем ти:
Ра́дуйся, честна́я о́трасле от ко́рене Иессе́ова;
радуйся, внутрь украше́нный ца́рским вели́чием.
Радуйся, ску́достию в земно́м духо́вное стяжа́вый бога́тство;
радуйся, безве́стностию сла́ву ве́чную обреты́й.
Радуйся, сла́вный па́че царе́й;
радуйся, пра́ведный па́че патриа́рхов и пра́отцев.
Ра́дуйся, пра́ведный Ио́сифе,
ско́рый помо́щниче и моли́твенниче о душа́х наших.
Избра́нный храни́телю Пресвяты́я Де́вы Мари́и, пе́стуне и корми́телю Богочелове́ка, пра́ведный Ио́сифе, прославля́юще служе́ние твое́ неизрече́нной та́йне воплоще́ния Бо́га Сло́ва, похва́льная воспису́ем ти. Ты же, ны́не предстоя́ престо́лу Христа́ Бо́га на́шего и име́я ве́лие дерзнове́ние к Не́му, моли́ся о нас, взы́вающих ти:
Ра́дуйся, пра́ведный Ио́сифе,
ско́рый помо́щниче и моли́твенниче о душа́х наших.
О святы́й пра́ведный Ио́сифе! Ты еще на земли́ сый, велие имел еси дерзновение к Сыну Божию, иже благоизволи именовати тя отца Своего, яко обручника Своея́ Ма́тере, и послушати тя: веруем, яко ныне с ли́ки праведных во оби́телех небесных водворяяся, услы́шан будеши во всяком твоем прошении к Богу и Спасителю нашему. Темже, ко твоему покрову и заступлению прибега́юще, смире́нно молим тя: якоже сам от бури сумнительных помышле́ний изба́влен был еси, си́це избави и нас, волна́ми смущений и страстей обурева́емых; якоже ограждал еси Всенепорочную Деву от клеветы́ челове́ческия, огради и нас та́кожде от всякия клеветы напрасныя; якоже хранил еси от всякого вре́да и озлобле́ния воплотившагося Господа, сице сохраняй твоим заступлением Церковь Его православную и всех нас от всякаго озлобления и вре́да. Ве́си, свя́тче Божий яко и Сын Божий во днех пло́ти Своея в телесных потре́бах нужду име́яше, и ты послужил еси им: того ради молим тя, и нашим временным ну́ждам благопоспеши́ твоим хода́тайством, подая́ нам вся благая, в житии сем потре́бная. Изря́дне же просим тя: исхода́тайствуй нам оставление грехов прия́ти от нареченнаго ти сына, Единороднаго же Сына Божия, Господа нашего Иисуса Христа, и достойны быти наследия Царства Небеснаго предста́тельством твоим нас сотвори, да и мы, в го́рних селе́ниих с тобою водворя́ющеся, прославим Единаго Триипоста́снаго Бога, Отца и Сына и Свята́го Духа, ныне и при́сно и во веки веков. Ами́нь.
Текст акафиста приводится по следующему изданию: Акафист святому и праведному Иосифу, обручнику Пресвятыя Девы Марии. – СПб., 1873.
Войти с помощью соц. сетей: