Войти в систему
Войти с помощью соц. сетей:
Удалився мира и водворився в пустыни, добрым подвигом подвизался еси, злостраданием и вниманием и молитвами: отонудуже и по смерти источаеши исцеления, Савватие, отче наш, моли Христа Бо́га, спастися душам нашим.
О, раби Божии Схимонаше Кирилле, Схимонахине Марие! Аще и скончали есте временную жизнь свою телом но духом не оступаете от нас, руководствуете же ны ко Христу Бо́гу, наставляете шествовати по заповедем Господним и носити крест свой и последовати Владыце нашему. Вы, Преподобнии, вкупе с Преподобным и Богоносным отцем нашим Сергием, Вашим возлюбленным Сы́ном, имеете дерзновение ко Христу Бо́гу нашему и ко святей Его́ Богоматери. Будите молитвенницы и ходатаи о нас, недостойных жительствующих во Святей обители вашей, ей же вы и начальницы. Будите помощницы и заступницы Богом собранном дружине сей, да жительствующии на месте сем, и приходящии с верою вашими молитвами сохраняеми невредимы от бесов и от человек злых пребудем, славяще Святую Троицу, Отца́ и Сы́на и Свята́го Ду́ха, ныне и присно и во веки веко́в. Ами́нь.
В 1771 году сочинена эта молитва во время смертоносной язвы для чтения на славах в неусыпаемой псалтири при гробе святых родителей преподобного Сергия, схимонаха Кирилла и схимонахини Марии в Хотьковом монастыре между Москвой и Тро́ице-Сергиевой лаврой и читана была с августа до декабря месяца и молитвами угодников Божиих от язвы избавлена вся обитель. И из других стран с верою приходящих к ним для моления и во время моровой язвы служили молебен Тихвинской Богоматери, прилагая молитву эту преподобным.
О, священная главо, преподобне отче, преблаженне авво Григорие! Не забуди чад твоих, ихже породил еси́ богоугодными трудами и молитвенными подвиги: поминай во святых твоих благоприятных молитвах и назидай предстательством твоим стадо твое, еже сам пасл еси: моли за ны, отче священный, дети твоя духовныя, яко имея дерзновение к небесному Царю́: не премолчи за ны ко Христу и не презри нас, верою и любовию чтущих тя. Поминай недостойных нас пред престолом Вседержителя, тебе бо дадеся благодать молитися за ны. Аще бо телом представился еси́ от нас, но и по смерти жив во Христе́ пребываеши. Не отступи от нас духом, сохраняй нас от стрел вражиих, от прелести бесовския и козней диавольских, пастырьнаш добрый. Се бо, ракою мощей твоих пребывая с нами, святою твоею душею с небесными силами у престола Вседержителева предстоя, достойно славиши Го́спода. Темже, припадающе со умилением, молимся тебе о спасении душ наших: испроси нам время на покаяние и невозбранно прейти от земли на небо чрез мытарства горьких бесов, да, твоим предстательством вечныя муки избавльшеся, Небе́сное Ца́рствие наследовати сподобимся со всеми праведными, от века угодившими Христу Господу нашему: Емуже подобает всякая слава, честь и поклонение, ныне и в безконечные веки веко́в. Ами́нь.
О, добрый наш пастырю и богомудрый наставниче, преподобне отче Григорие! Услыши нас, молящихся тебе и призывающих в помощь скорое предстательство твое. Виждь нас грешных, в толицех обстояниих сущих, виждь нас немощных, отвсюду уловляемых, и всякаго блага лишенных, и умом от малодушия помраченных. Потщися, угодниче Бо́жий, не оставити нас во греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Спа́са Го́спода, Емуже ты со безплотными лики предстоиши. Милостива к нам сотвори Содетеля нашего в нынешнем веце и в будущем, да не воздаст нам по делом нашим и по нечистоте сердец наших: но по Своей благости да воздаст нам. На твое бо ходатайство уповающе, твоим предстательством хвалимся, твое заступление на помощь призываем и, к цельбоносному гробу твоему припадающе недостойнии, исцеления просим. Избави нас, угодниче Христов, от злых, находящих на ны, и укроти волны страстей и бед востающих на нас, да ради святых твоих молитв не объемлет нас напасть, и не погрязнем в пучине греховней и в тине страстей наших. Моли, преподобне отче наш Григорие, Христа Бо́га нашего, да подаст нам мирное жительство, оставление грехов и душам нашим спасение и велию милость, ныне и во веки веко́в. Ами́нь.
О, великий угодниче, преславный чудотворче и обители сея богодухновенный наставниче, Савво всеблаженне, душею на небеси престолу все́х Царя́ предстояй, телом же во святей обители сей почиваяй и различная чудеса повсюду молитвами твоими совершаяй! Призри́ милостивно на люди предстоящия и твоего ко Господу Бо́гу ходатайства во обдержащих нуждех просящия: вси бо мы, по множеству грехов наших, не точию смеем принести когда молебный глас, но ниже возвести очес своихна небо: ты же, яко стяжавый дерзновение, принеси за все́х ко честней раце твоей притекающих теплыя молитвы ко Господу, еже избавитися нам от глада, потопа, труса, огня, меча и брани, от людей и от диавола бывающия и от всякия душевныя и телесныя болезни: да, избавившеся сих и работающе Господу, Емуже предстоиши, внидем в некончаемый покой и прославим тамо с тобою все́х благих подателя Бо́га всегда, ныне и присно и во веки веко́в. Ами́нь.
Войти с помощью соц. сетей: