Войти в систему
Войти с помощью соц. сетей:
Ирмо́с: На Сина́йстей горе́ ви́де Тя в купине́ Моисе́й, неопа́льно огнь Божества́ заче́ншую во чре́ве; Дании́л же Тя ви́де Го́ру несеко́мую, Жезл прозя́бший, Иса́иа взыва́ше, от ко́рене Дави́дова.
Припев: Ми́лостиве Го́споди, услыгши моли́тву раб Своих, молящихся Тебе́.
Исто́чниче жи́зни, Пода́телю ми́лости, Христе́, не отврати́ лица́ Твоего́ от нас, но облегчи́ боле́зни утружде́нному боле́знию и воздви́гни его́, я́коже Фадде́ом Авга́ря, да при́сно Тебе́ сла́вит со Отце́м и Ду́хом Святы́м Еди́наго Бога.
Припев: Ми́лостиве Го́споди, услыгши моли́тву раб Своих, молящихся Тебе́.
Ева́нгельскому ве́рующе глаго́лу, Твое́ и́щем обеща́ние, Христе́: проси́те, бо рекл еси́, и да́стся вам. Тем и ны́не предстоя́ще мо́лим Тя, воста́ви от одра́ здра́ва лю́тым пове́рженнаго неду́гом, да Тя с на́ми вку́пе велича́ет.
Сла́ва: Му́чимый неду́гом и внутрь неви́димыми ра́нами Тебе́, Христе́, на́ми вопие́т: не нам, Го́споди, ни нас ра́ди, вси бо мы испо́лнени грехо́в, но Ма́терними и Предте́чи Твоего́ моли́твами пода́ждь исцеле́ние боля́щему, да Тя вси возвели́чим.
И ны́не: Бо́жия Ма́ти Пречи́стая, со все́ми святы́ми призыва́ем Тя, со Ангелы и Арха́нгелы, с проро́ки и патриа́рхи, со апо́столы и святи́тели, с преподо́бными и пра́ведными моли́ся Христу́ Бо́гу на́шему пода́ти здра́вие боля́щему, да Тя вси́ велича́ем.
Боже Сильный, милостию строяй вся на спасение роду человеческому, посети раба Своего сего (имярек), нарицающа имя Христа Твоего, исцели его от всякаго недуга плотскаго и отпусти грех и греховныя соблазны, и всяку напасть, и всяко нашествие неприязнено далече сотвори от раба Твоего. И воздвигни от одра греховнаго, и устрой его во святую Твою Церковь здрава душею и телом, и делы добрыми славящаго со всеми людьми имя Христа Твоего, яко Тебе славу возсылаем, со Безначальным Ти Сыном, и со Святым Духом, ныне и присно, и во веки веков. Аминь.
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без нетления Бога Слова рождшую, сущую Богородицу Тя величаем.
Слава и ныне:
Го́споди, помилуй. 3 раза
Молитвами святых отец наших Го́споди Иису́се Христе́ Бо́же наш, помилуй нас. Ами́нь.
Бо́же, очисти мя грешнаго и помилуй мя. Поклон.
Создавый мя Го́споди, помилуй мя. Поклон.
Без числа согреших, Го́споди, прости мя. Поклон.
Кресту Твое́му покланяемся, Влады́ко, и Святое Воскресение Твое́ славим. Поклон.
1. Аз есмь Госпо́дь Бог твой; да не бу́дут тебе́ бо́зи ини́и, ра́зве Мене́.
2. Не сотвори́ себе́ куми́ра, и вся́каго подо́бия, ели́ка на небеси́ горе́, и ели́ка на земли́ ни́зу, и ели́ка в вода́х под земле́ю; да не поклони́шися им, ни послу́жиши им.
3. Не прие́мли и́мене Го́спода Бо́га твоего́ всу́е.
4. По́мни день суббо́тний, е́же святи́ти его́: шесть дней де́лай, и сотвори́ши в них вся дела́ твоя́, в день же седьмы́й – суббо́та Го́споду Бо́гу твоему́.
5. Чти отца́ твоего́ и ма́терь твою́, да бла́го ти бу́дет, и да долголе́тен бу́деши на земли́.
6. Не уби́й.
7. Не прелюбы́ сотвори́.
8. Не укра́ди.
9. Не послу́шествуй на дру́га твоего́ свиде́телства ло́жна.
10. Не пожела́й жены́ и́скренняго твоего́, не пожела́й до́му бли́жняго твоего́, ни села́ его́, ни раба́ его́, ни рабы́ни его́, ни вола́ его́, ни осла́ его́, ни вся́каго скота́ его́, ни всего́, ели́ка суть бли́жняго твоего́.
(См.: Книга Исход, глава 20, стихи: 2, 4–5, 7, 8–10, 12, 13, 14, 15, 16, 17.)
Суть этих заповедей Господь Иисус Христос изложил так:
Возлюби́ Го́спода Бо́га твоего́ всем се́рдцем твои́м, и все́ю душе́ю твое́ю, и всем разуме́нием твои́м. Сия́ есть пе́рвая и наибо́льшая за́поведь. Втора́я же, подо́бная ей: возлюби́ бли́жнего твоего́, как самого́ себя́.
(Евангелие от Матфея, глава 22, стихи 37–39.)
Блаже́ни ни́щии ду́хом, я́ко тех есть Ца́рство Небе́сное.
Блаже́ни пла́чущии, я́ко ти́и уте́шатся.
Блаже́ни кро́тции, я́ко ти́и насле́дят зе́млю.
Блаже́ни а́лчущии и жа́ждущии пра́вды, я́ко ти́и насы́тятся.
Блаже́ни ми́лостивии, я́ко ти́и поми́ловани бу́дут.
Блаже́ни чи́стии се́рдцем, я́ко ти́и Бо́га у́зрят.
Блаже́ни миротво́рцы, я́ко ти́и сы́нове Бо́жии нареку́тся.
Блаже́ни изгна́ни пра́вды ра́ди, я́ко тех есть Ца́рство Небе́сное.
Блаже́ни есте́, егда́ поно́сят вам, и иждену́т, и реку́т всяк зол глаго́л на вы лжу́ще Мене́ ра́ди.
Ра́дуйтеся и весели́теся, я́ко мзда ва́ша мно́га на Небесе́х.
(Евангелие от Матфея, глава 5, стихи 3—12)
Исповедаю аз, многогрешный (имя), Го́споду Богу и Спасу нашему Иисусу Христу и тебе, честный отче, вся согрешения моя и вся злая моя дела, яже содеял во все дни жизни моей, яже помыслил даже до сего дня.
Согрешил: Обеты Св. Крещения не соблюл, иноческого обещания не сохранил, но во всем солгал и непотребна себе пред Лицем Божиим сотворил.
Прости мя, честный отче.
Согрешил: пред Господом маловерием и замедлением в помыслах, от врага всеваемых против веры и св. Церкви; неблагодарностью за все Его великие и непрестанные благодеяния, призыванием имени Божия без нужды – всуе.
Прости мя, честный отче.
Согрешил: неимением ко Го́споду любви ниже страха, неисполнением св. воли Его и св. заповедей, небрежным изображением на себе крестного знамения, неблагоговейным почитанием св. икон; не носил креста, стыдился крестить и исповедывать Господа.
Прости мя, честный отче.
Согрешил: любви к ближнему не сохранил, не питал алчущих и жаждущих, не одевал нагих, не посещал больных и в темницах заключенных; Закону Божию и св. преданиям от ленности и небрежения не поучался.
Прости мя, честный отче.
Согрешил: церковного и келейного правила неисполнением, хождением в храм Божий без усердия, с ленностию и небрежением; оставлением утренних, вечерних и других молитв; во время церковной службы – согрешил празднословием, смехом, дреманием, невниманием к чтению и пению, рассеянностию ума, исхождением из храма во время службы и нехождением в храм Божий по ленности и нерадению.
Прости мя, честный отче.
Согрешил: дерзая в нечистоте ходить в храм Божий и всякия святыни прикасатися.
Прости мя, честный отче.
Согрешил: непочитанием праздников Божиих; нарушением св. постов и нехранением постных дней – среды и пятницы; невоздержанием в пище и питии, многоядением, тайноядением, разноядением, пьянством, недовольством пищей и питием, одеждой, тунеядством.
Своея воли и разума исполнением, самонравием, самочинием и самооправданием; не должным почитанием родителей, не воспитанием детей в православной вере, проклинанием детей своих и ближних.
Прости мя, честный отче.
Согрешил: неверием, суеверием, сомнением, отчаянием, унынием, кощунством, божбою ложною, плясанием, курением, игрой в карты, гаданием, колдовством, чародейством, сплетнями, поминал живых за упокой, ел кровь животных.
Прости мя, честный отче.
Согрешил: гордостию, самомнением, высокоумием, самолюбием, честолюбием, завистию, превозношением, подозрительностию, раздражительностию.
Прости мя, честный отче.
Согрешил: осуждением всех людей – живых и мертвых, злословим и гневом, памятозлобием, ненавистию, зло за зло воздаянием, оклеветанием, укореняем, лукавством, ленностию, обманом, лицемерием, пересудами, спорами, упрямством, нежеланием уступить и услужить ближнему; согрешил злорадством, зложелательством, злосетованием, оскорблением, надсмеянием, поношением и человекоугодием.
Прости мя, честный отче.
Согрешил: невоздержанием душевных и телесных чувств; нечистотою душевною и телесною, услаждением и медлением в нечистых помыслах, пристрастием, сладострастием, нескромным воззрением на жен и юношей; во сне блудным ночным осквернением, невоздержанием в супружеской жизни.
Прости мя, честный отче.
Согрешил: нетерпением болезней и скорбей, люблением удобств жизни сей, пленением ума и окаменением сердца, непонуждением себя на всякое доброе дело.
Прости мя, честный отче.
Согрешил: невниманием к внушениям совести своей, нерадением, ленностию к чтению слова Божия и нерадением к стяжанию Иисусовой моли́твы. Согрешил любостяжанием, сребролюбием, неправедным приобретением, хищением, воровством, скупостью, привязанностию к разного рода вещам и людям.
Прости мя, честный отче.
Согрешил: осуждением и ослушанием отцов духовных, ропотом и обидой на них и пред ними грехов своих по забвению, нерадению и по ложному стыду.
Прости мя, честный отче.
Согрешил: немилосердием, презрением и нищих; хождением в храм Божий без страха и благоговения, уклоняясь в ересь и учение.
Прости мя, честный отче.
Согрешил: ленностию, расслаблением негою, люблением телесного покоя, многоспанием, сладострастными мечтаниями, пристрастными воззрениями, бесстыдными телодвижениями, прикосновениями, блудом, прелюбодеянием, растлением, рукоблудием, невенчанными браками, тяжко согрешили те, кто делали аборты себе или другим, или склоняли кого-нибудь к этому великому греху – детоубийству. Проводил время в праздных занятиях, в пустых разговорах, шутках, смехе и других постыдных грехах.
Прости мя, честный отче.
Согрешил: унынием, малодушием, нетерпением, ропотом, отчаянием в спасении, неимением надежды на милосердие Божие, бесчувствием, невежеством, наглостию, бесстыдством.
Прости мя, честный отче.
Согрешил: клеветою на ближнего, гневом, оскорблением, раздражением и осмеянием, непримирением, враждой и ненавистию, прекословием, подсматриванием чужих грехов и подслушиванием чужих разговоров.
Прости мя, честный отче.
Согрешил: холодностию и бесчувственностию на исповеди, умалением грехов, обвинением ближних, а не себя осуждением.
Прости мя, честный отче.
Согрешил: против Животворящих и Св. Таин Христовых, приступая к Ним без должного приготовления, без сокрушения и страха Божия.
Прости мя, честный отче.
Согрешил: словом, помышлением и всеми моими чувствами: зрением, слухом, обонянием, вкусом, осязанием, – волею или неволею, ведением или неведением, в разуме и неразумии, и не перечислить всех грехов моих по множеству их. Но во всех сих, так и в неизреченных по забвению, раскаиваюсь и жалею, и впредь с помощию Божиею обещаюсь блюстись.
Ты же, честный отче, прости мя и разреши от всех сих и помолись о мне грешном, а в оный судный день засвидетельствуй пред Богом об исповеданных мною грехах. Ами́нь.
Конец и Богу слава.
Грехи, исповеданные и разрешенные ранее, повторять на исповеди не следует, ибо они, как учит Свята́я Церковь, уже прощены, но если мы их снова повторяли, то снова в них нужно каяться. Надо в тех грехах каяться, которые были забыты, но вспомнились теперь.
От кающегося требуется:
Сознание своих грехов. Осуждение себя в них. Самообличение пред духовником. Покаяние не только словом, но и делом. Покаяние есть исправление – новая жизнь. Сокрушение и слезы. Вера в прощение грехов. Возненавидеть прежние грехи.
Борьба с грехом привлекает благодать Божию. Грехи сокращают нашу жизнь.
Войти с помощью соц. сетей: