Виды иконографии Господа Иисуса Христа

«Спас Эммануил»

«Господь Вседержитель»

«Спас на престоле»

Нерукотворный образ Спасителя

Владимирская икона Божией Матери

ТРОПАРЬ

Днесь светло красуется славнейший град Москва, яко зарю солнечную, восприемши, Владычице, чудотворную Твою икону, к нейже ныне мы притекающе и молящеся Тебе, взываем сице: о пречудная Владычице Богородице! Молися из Тебе воплощенному Христу Богу нашему, да избавит град сей и вся грады и страны христианския невредимы от всех навет вражиих и спасет души наша, яко Милосерд.

Казанская икона Божией Матери

ТРОПАРЬ

Заступнице усердная, Мати Господа Вышняго, за всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о, Госпоже, Царице и Владычице, иже в напастех, и скорбех, и в болезнех обремененных грехи многими, предстоящих и молящихся Тебе умиленною душею и сокрушенным сердцем/ пред пречистым Твоим образом со слезами и невозвратно надежду имущих на Тя, избавления всех зол, всем полезная даруй/ и вся спаси, Богородице Дево: Ты бо еси Божественный покров рабом Твоим.

Икона Божией Матери «Умиление»

ТРОПАРЬ

К Богородице со умилением припадем, вси, грехми обремененнии, чудотворную Ея икону Умиления облобызающе и вопиюще со слезами: Владычице, приими моление недостойных раб Твоих и подаждь нам, просящим, велию Твою милость.

Икона Божией Матери «Всех скорбящих Радость»

ТРОПАРЬ

Днесь пресветло красуется славнейший град Москва, имея чудотворную икону Владычицы нашея Богородицы: та бо, верным являющи чудеса, низпосылает дары целебныя. Сего ради и мы с верою припадающе молимся, и на Тоя пречистый образ взирающе, яко истинную Самую зрим Владычицу нашу Присно деву Богородицу, и умильно глаголем: воззри, Мати Божия, оком милости, простри к нам руце Твои пречистыя, якоже на иконе Твоей сие зрится, и подаждь всем скорбящим радость, больным от всех недугов исцеление и от бед избавление, яко Ты еси скорая Предстательница о душах наших.

Икона Божией Матери «Неупиваемая Чаша»

ТРОПАРЬ

Днесь притецем вернии к Божественному и пречудному образу Пресвятыя Богоматери, напояющей верных сердца небесною Неупиваемою Чашею Своего милосердия и людем верным чудеса показующей. Яже мы видяще и слышаще духовно празднуем и тепле вопием: Владычице премилостивая, исцели наша недуги и страсти молящи Сына Твоего Христа Бога нашего спасти души наша.