Чин пассии

В современной богослужебной практике Русской Православной Церкви распространен обычай совершать пассии в вечер четырех воскресных дней Великого поста (как правило, начиная не с Недели Торжества Православия, а со 2-й Недели – свт. Григория Паламы, за исключением тех случаев, когда на понедельник приходится Благовещение, 1-е и 2-е Обретение главы Иоанна Предтечи, память 40 мучеников или же храмовый праздник).

Перед великой вечерней, совершаемой в воскресенье вечером, на середину храма поставляется большое Распятие. Начало вечерни обычное. После «Свете Тихий…» бывает вход ради великого прокимна, который Протодиакон возглашает, стоя в алтаре на Горнем месте. На стиховне, на «Слава, и ныне:» или на «И ныне:», поется стихира Великого Пятка: «Тебе, Одеющагося…» Во время пения этой стихиры отверзаются Царские врата и из алтаря выносится Святое Евангелие: Предстоятель несет Евангелие, ему предшествует свещеносец; за предстоятелем идут прочие Иереи по старшинству. Евангелие полагается на аналое перед Крестом и совершается полное каждение храма.

Иногда затем следует акафист Страстям Христовым или Кресту Господню, причем, 1-й кондак Лик начинает петь сразу после стихиры «Тебе, Одеющагося…». По окончании каждения священнослужители снимают головные уборы. Во время чтения акафиста Диакон непрерывно кадит Крест, а на 11-м икосе совершается малое каждение

Далее следует прокимен, глас 4-й: Разделиша ризы Моя себе, и о одежди Моей меташа жребий.

Стих: Боже, Боже Мой! Вонми Ми, вскую оставил Мя еси?

Лик: перед чтением Евангелия: Слава Страстем Твоим, Господи!

Евангельское повествование о Страстях Христовых принято читать следующим образом:

• на 1-й пассии – из Евангелия от Матфея, главы 26 и 27, зачала 107–114 (в некоторых храмах читается только глава 27, зачала 110–114);

• на 2-й пассии – из Евангелия от Марка, главы 14 и 15, зачала 63–69 (или только глава 15, зачала 66–69);

• на 3-й пассии – из Евангелия отЛуки, главы 22 и 23, зачала 108–111 (или только глава 23, зачала 110–111);

• на 4-й пассии – из Евангелия от Иоанна, главы 18 и 19, зачала 58–62.

По прочтении Евангелия,

Лик: Слава долготерпению Твоему, Господи! Затем (умилительным распевом, обычно соло) поется 15-й антифон службы Великого Пятка: Днесь висит на Древе…

Когда пение закончится, на солее (Царские врата остаются открытыми) произносится слово о страданиях Спасителя.

Далее следует ектения Помилуй нас, Боже… затем возглас: Яко Милостив и Человеколюбец Бог еси… и Иерей (или Архиерей) коленопреклоненно читает молитву ко Господу Иисусу Распятому: На Кресте пригвожденный за ны… и (или) Господи Иисусе Христе, Сыне Бога Живаго. Эти молитвы можно читать на четырех пассиях попеременно.

Лик: поет стихиру Великой Субботы: Приидите, ублажим Иосифа… Священнослужители, совершив три земных поклона, прикладываются ко Кресту и направляются в алтарь (впереди идут младшие священнослужители, потом старшие). Предстоятель с амвона благословляет народ Евангелием и уносит его в алтарь. Священнослужители прикладываются к Престолу. Царские врата затворяются.

Молящиеся прикладываются ко Кресту после духовенства. По желанию настоятеля совершается помазание освященным елеем.

Вечерня оканчивается по обычному чину вечера Недель Святой Четыредесятницы: после Ныне отпущаеши… – пение великопостных тропарей: Богородице Дево… Слава: Крестителю Христов… И ныне: Молите за ны… с поклоном, Под Твое благоутробие… без поклона и далее по чину, отпуст обычный.

Пассия, или последование; акафистом Божественным Страстем Христовым

В неделю вечера, собравшимся нам во храм, благословившу Иерею, творим начало по обычаю.

ИЕРЕЙ: Благословен Бог наш…

Чтец: Приидите, поклонимся… Благослови, душе моя Господа…

ИЕРЕЙ с непокрытой головой перед Святыми Вратами читает Светильничные молитвы (см.с.3)

ДИАКОН: Миром Господу помолимся.

Лик: Господи, помилуй.

О свышнем мире и спасении душ наших, Господу помолимся.

Лик: Господи, помилуй.

О мире всего мира, благостоянии святых Божиих Церквей и соединении всех, Господу помолимся.

Лик: Господи, помилуй.

О святем храме сем, и с верою благоговением и страхом

Божиим входящих в онь, Господу помолимся.

Лик: Господи, помилуй.

О великом господине и отце нашем, Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), честнем пресвитерстве, во Христе диаконстве, о всем причте и людех, Господу помолимся.

Лик: Господи, помилуй.

О богохранимей стране нашей, властех и воинстве ея, Господу помолимся.

Лик: Господи, помилуй.

О граде сем, (или веси сей, или о святей обители сей) всяком граде, стране, и верою живущих в них, Господу помолимся.

Лик: Господи, помилуй.

О благорастворении воздухов, о изобилии плодов земных и временех мирных, Господу помолимся.

Лик: Господи, помилуй.

О плавающих, путешествующих, недугующих, страждущих, плененных и о спасении их, Господу помолимся.

Лик: Господи, помилуй.

О избавитися нам от всякия скорби, гнева и нужды, Господу помолимся.

Лик: Господи, помилуй.

Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

На «Господи, воззвах…» поставим стихов 8, и глаголем стихиры умилительные Октоиха 4, в прилунившийся глас, затем Триоди 3 и Минеи 3. Слава: святаго Минеи. И ныне: Богородичен. Если нет святаго: Слава, и ныне: Богородичен.

Вход

Лик: Свете Тихий…

Прокимен.

• В Неделю (т. е. воскресенье) Великого Поста, 1-ю, 3-ю или 5-ю, поем:

ИЕРЕЙ: Прокимен великий, глас 8-й: Дал еси достояние боящимся Тебе, Господи.

Стих 1: От конец земли к Тебе воззвах.

Стих 2: Покрыюся в крове крил Твоих.

Стих3: Тако воспою имени Твоему во веки.

И паки: Дал еси достояние…

• В Неделю 2-ю или 4-ю, поем:

ИЕРЕЙ: Прокимен великий, глас 8-й: Не отврати Лица Твоего от отрока Твоего, яко скорблю, скоро услыши мя: вонми души моей, и избави ю. Стих 1: Спасение Твое, Боже, да приимет мя. Стих 2: Да узрят нищии, и возвеселятся.

Стих3: Взыщите Бога, и жива будет душа ваша.

И паки: Не отврати лица Твоего от отрока Твоего, яко скорблю…

Лик: Сподоби, Господи…

ДИАКОН произносит ектению:

Исполним вечернюю молитву нашу Господеви.

Лик: Господи, помилуй.

Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Вечера всего совершенна, свята, мирна и безгрешна, у Господа просим.

Лик: Подай, Господи.

Ангела мирна, верна, наставника, хранителя душ и телес наших, у Господа просим.

Лик: Подай, Господи.

Прощения и оставления грехов и прегрешений наших, у Господа просим.

Лик: Подай, Господи.

Добрых и полезных душам нашим и мира мирови, у Господа просим.

Лик: Подай, Господи.

Прочее время живота нашего в мире и покаянии скончати, у Господа просим.

Лик: Подай, Господи.

Христианския кончины живота нашего, безболезненны, непостыдны, мирны, и добраго ответа на Страшнем Судищи Христове, просим.

Лик: Подай, Господи.

Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи. И по возгласе стихиры стиховны Триоди. Слава: Минеи, аще есть. И ныне: глас 5-й:

Тебе, одеющагося светом яко ризою, снем Иосиф с Древа с Никодимом, и видев мертва, нага, непогребена, благосердный плач восприим, рыдая глаголаше: увы мне, сладчайший Иисусе, Егоже вмале солнце на Кресте висима узревшее, мраком облагашеся, и земля страхом колебашеся, и раздирашеся церковная завеса, но се ныне вижу Тя, мене ради волею подъемша смерть. Како погребу Тя, Боже мой; или какою плащаницею обвию; коима ли рукама прикоснуся нетленному Твоему Телу; или кия песни воспою Твоему исходу, Щедре; величаю Страсти Твоя, песнословлю и погребение Твое со Воскресением, зовый: Господи, слава Тебе.

Если изволит предстоятель, чтем акафист Божественным Страстем Христовым.

ДИАКОН: Вонмем. Премудрость. Прокимен, глас

4-й: Разделиша ризы Моя себе и о одежди Моей меташа жребий.

Стих: Боже, Боже Мой, вонми Ми, вскую оставил Мя еси.

И паки: Разделиша ризы Моя себе…

ДИАКОН: И о сподобитися нам… И прочее.

ИЕРЕЙ: От Матфеа Святаго Евангелиа чтение.

Лик: Слава Страстем Твоим, Господи.

Чтение Евангелия Святых Страстей от Матфея, Марка, Луки, Иоанна.

Лик: По окончании чтения каждого Евангелия поет: Слава долготерпению Твоему, Господи!

Лик: Днесь висит на Древе…

ИЕРЕЙ произносит слово о Страстех Христовых. Затем ектения:

Помилуй нас, Боже, по велицей милости Твоей, молим Ти ся, услыши и помилуй.

Лик: Господи, помилуй.

Еще молимся о великом господине и отце нашем Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), и о всей во Христе братии нашей.

Лик: Господи, помилуй.

Еще молимся о богохранимей стране нашей, властех и воинстве ея.

Лик: Господи, помилуй.

Еще молимся за всю братию и за вся христианы. Лик: Господи, помилуй.

ИЕРЕЙ, возглас: Яко Милостив и Человеколюбец…

И чтет Иерей молитву ко Господу Иисусу Распятому:

Молитва ко Господу Иисусу Распятому

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неисчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и ни во чтоже вменях. Тем убо из глубины беззакония и нечистоты моея умными очима на распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от Лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными Страданьми Твоими укроти моя плотския страсти: излянною Твоею Кровию очисти моя душевныя скверны: распятием Твоим распни мя миру с соблазнами его и похотьми. Крестом Твоим огради мя от невидимых враг, ловящих душу мою. Прободенныма ногама Твоима от всякаго пути лукаваго возбрани ногам моим; прободенныма рукама Твоима руце мои от всякаго неугоднаго Тебе дела воздержи. Пригвожденный Плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню. Венцем Твоим терновым огради моя ушеса, во еже не слышати кроме полезнаго. Желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди. Всеми Твоими язвами всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща где главы подклонити; даждь ми Себе всеблагаго, избавляющаго душу мою от смерти; даждь ми Себе всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себя изгонях и ко Кресту пригвождах, Сего ныне возлюблю, радуяся прииму и сладце Крест Его до конца жизни моей понесу. Не даждь отселе, о Всеблагий Искупителю мой, ни единой моей воле совершатися, понеже зла есть и напотреба, да не паки впаду в тяжкую работу царствовавшего во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща и от воздушных духов злобы храняща, вселяюща же со грешники, покаянием Тебе благоугодившими. Аминь.

Молитва иная ко Господу Иисусу Распятому

Господи Иисусе Христе, Сыне Бога Живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю Крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения яко человек понести, да всем нам во всяких печалех, нуждах и озлоблениих состраждущий Помощник и Спаситель будеши. Вем, Всесильне Владыко, яко вся сия Тебе не быша убо потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, Человеколюбче, о всех, яже пострадал еси мене ради грешнаго? Не вем: душа бо и тело и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим, и вселюбезно лобызая язвы Твоя, вопию: помилуй мя, грешнаго, и сотвори, да не безплоден будет во мне Крест Твой Святый, да причащаяся зде с верою страданием Твоим, сподоблюся видети и славу Царствия Твоего на небеси! Аминь.

Лик: По окончании молитв поет стихиру, глас 5-й:

Приидите, ублажим Иосифа приснопамятнаго, в нощи к Пилату пришедшаго, и Живота всех испросившаго: даждь ми Сего страннаго, Иже не имеет где главы подклонити; даждь ми Сего страннаго, Егоже ученик лукавый на смерть предаде; даждь ми Сего страннаго, Егоже Мати зрящи на Кресте висяща, рыдающи вопияше и матерски восклицаше: увы Мне, Чадо Мое! Увы Мне, Свете Мой, и Утроба Моя возлюбленная! Симеоном бо предреченное в церкви днесь собыстся: Мое сердце оружие пройде, но в радость Воскресения Твоего плач преложи. Покланяемся Страстем Твоим, Христе; покланяемся Страстем Твоим, Христе; покланяемся Страстем Твоим, Христе, и Святому Воскресению.

И покланяемся Кресту Христову. Окончание вечерни обычное великопостное.

Лик: Ныне отпущаеши…

Трисвятое, по Отче наш.

И тропари, глас 4-й:

Богородице Дево, радуйся, благодатная Марие, Господь с Тобою: благословена Ты в женах, и благословен плод чрева Твоего, яко Спаса родила еси душ наших (поклон).

Слава: Крестителю Христов, всех нас помяни, да избавимся от беззаконий наших: тебе бо дадеся благодать молитися за ны (поклон).

И ныне: Молите за ны, святии апостоли, святии вси, да избавимся от бед и скорбей: вас бо теплыя предстатели ко Спасу стяжахом (поклон).

Под Твое благоутробие прибегаем, Богородице, моления наша не презри во обстоянии, но от бед избави ны, Едина Чистая, Едина Благословенная (без поклона).

Чтец: Господи, помилуй (40 раз). Слава, и ныне: Честнейшую Херувим… Именем Господним благослови, отче.

ИЕРЕЙ: Сый благословен Христос Бог наш, всегда, ныне и присно и во веки веков.

Чтец: Аминь. Небесный Царю, веру утверди…

ИЕРЕЙ творит молитву св. Ефрема Сирина:

Господи и Владыко живота моего, дух праздности, уныния, любоначалия и празднословия, не даждь ми. (Земной поклон)

Дух же целомудрия, смиренномудрия, терпения и любве, даруй ми, рабу Твоему. (Земной поклон.)

Ей Господи Царю, даруй ми зрети моя прегрешения, и не осуждати брата моего: яко благословен eCll во веки веков. Аминь. (Земной поклон)

ИЕРЕЙ: Слава Тебе, Христе Боже, упование наше, слава Тебе.

Лик: Слава, и ныне: Господи, помилуй (трижды). Благослови.

И отпуст великий.