Чин Божественной литургии Преждеосвященных Даров иже во святых отца нашего Григория Двоеслова

Общие сведения

Литургия Преждеосвященных Даров святителя Григория Двоеслова, папы Римского, совершается:

• в среду и в пятницу в период Святой Четыредесятницы;

• четверг 5-й седмицы Великого поста;

• 24 февраля (9 марта по новому стилю) (1-е и 2-е Обретение главы святого Иоанна Предтечи) и 9 (22) марта (40 мучеников Севастийских), случившиеся в постные дни, т. е. в дни с понедельника по пятницу в период Святой Четыредесятницы;

• в понедельник, вторник и среду Страстной седмицы;

• а также в храмовый праздник и в праздник чтимого святого (кроме праздника Благовещения), случившиеся в указанный период.

Приготовление Святых Даров

На полной литургии, предшествующей литургии Преждеосвященных Даров, на проскомидии Иерей заготавливает, кроме Агнца для данной полной литургии, еще Агнцы по числу литургий Преждеосвященных Даров на грядущей седмице.

Каждый Агнец Иерей вынимает и начинает со слов:

В воспоминание Господа и Бога и Спаса нашего Иисуса Христа,

а завершает прободением со словами:

Един от воин копием ребра Его прободе…

Все Агнцы Иерей полагает на дискосе, а затем вынимает частицы и располагает их по чину. И бывает чинопоследование полной Божественной литургии.

Во время освящения Святых Даров все Агнцы освящаются как Единый Хлеб (Агнец). При возношении Святая Святым Иерей возносит все Агнцы вместе. Затем берет один Агнец, предназначенный для данной полной литургии, раздробляет по чину, погружает часть «Иисус» в Чашу и вливает теплоту. Прочие же Агнцы Иерей с помощью лжицы напояет Святой Кровию и полагает их в Дарохранительнице печатью вниз.

Далее следует полная литургия по чину.

Последование литургии Преждеосвященных Даров

После поклонов на 9-м часе Иерей и Диакон целуют иконы Спасителя и Божией Матери с молитвами:

Пречистому образу Твоему… и Милосердия сущи ИСТОЧНИК… входят в алтарь, целуют Святой Престол и облачаются в полные богослужебные одежды, не читая молитв, разве только Господу помолимся… Господи, помилуй.

Также умывают руки, не читая молитв наумовение.

По отпусте Изобразительных Иерей входит в алтарь южной дверью и вместе с Диаконом поклоняется трижды с молитвой:

Боже, очисти мя, грешнаго.

Иерей целует Евангелие и Престол, а Диакон – только Престол. Диакон, взяв благословение от иерея, исходит северной дверью и, став на обычном месте (на амвоне), благоговейно поклонившись, возглашает:

Благослови, владыко.

ИЕРЕЙ, изображая Евангелием знак Креста над Антиминсом, возглашает:

Благословено Царство Отца и Сына и Святаго Духа, ныне и присно и во веки веков.

Лик: Аминь.

Чтец: Приидите, поклонимся… (трижды) и предначинательный (103-й) псалом.

ИЕРЕЙ: исходит северной дверью и пред Святыми вратами, с непокрытой головой, читает 4-ю, 5-ю, 6-ю и 7-ю светильничные молитвы.

Молитва 4-я

Немолчными песньми и непрестанными славословленьми от святых Сил воспеваемый, исполни уста наша хваления Твоего, еже подати величествие имени Твоему святому. И даждь нам участие, и наследие со всеми боящимися Тебе истиною и хранящими заповеди Твоя, молитвами Святыя Богородицы и всех святых Твоих.

Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Молитва 5-я

Господи, Господи, пречистою Твоею дланию содержай всяческая, долготерпяй на всех нас, и каяйся о злобах наших! Помяни щедроты Твоя и милость Твою, посети ны Твоею благостию, и даждь нам избежати и прочее настоящаго дне, Твоею благодатию, от различных козней лукаваго, и ненаветну жизнь нашу соблюди благодатию Всесвятаго Твоего Духа.

Милостию и человеколюбием Единороднаго Твоего Сына, с Нимже благословен еси со Всесвятым и Благим и Животворящим Твоим Духом, ныне и присно и во веки веков. Аминь.

Молитва 6-я

Боже Великий и Дивный, неисповедимою благостию и богатым Промыслом управляяй всяческая, и мирская нам благая даровавый, и споручивый нам обещанное Царство дарованными благими, путесотворивый нам и дне прешедшую часть от всякаго уклонитися зла. Даруй нам и прочее непорочно совершити пред святою славою Твоею, пети Тя Единаго и Благаго Человеколюбиваго Бога нашего.

Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

Молитва 7-я

Боже Великий и Вышний, един имеяй безсмертие, во Свете живый неприступнем, всю тварь премудростию создавый, разделивый между светом и между тмою, и солнце положивый во область дне, луну же и звезды во область нощи, сподобивый нас грешных и в настоящий час предварити Лице Твое исповеданием, и вечернее Тебе славословие принести. Сам, Человеколюбче, исправи молитву нашу яко кадило пред Тобою, и приими ю в воню благоухания: подаждь же нам настоящий вечер и приходящую нощь мирну; облецы ны во оружие света: избавь ны от страха нощнаго, и всякия вещи во тме преходящия: и даждь сон, егоже во упокоение немощи нашей даровал еси, всякаго мечтания диаволя отчужденный. Ей, Владыко, благих Подателю, да и на ложах наших умиляющеся, поминаем в нощи имя Твое, и поучением Твоих заповедий просвещаеми, в радости душевней востанем ко славословию Твоея благости, моления и молитвы Твоему благоутробию приносяще о своих согрешениих и всех людий Твоих, яже, молитвами Святыя Богородицы, милостию посети.

Яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

По окончании псалма Диакон исходит северной дверью и на амвоне произносит мирную ектению. (Иерей уходит южной дверью в алтарь):

ДИАКОН: Миром Господу помолимся.

Лик: Господи, помилуй.

ДИАКОН: О Свышнем мире и спасении душ наших, Господу помолимся.

Лик: Господи, помилуй.

ДИАКОН: О мире всего мира, благостоянии Святых Божиих Церквей и соединении всех, Господу помолимся.

Лик: Господи, помилуй.

ДИАКОН: О святем храме сем, и с верою, благоговением и страхом Божиим входящих в онь, Господу помолимся.

Лик: Господи, помилуй.

ДИАКОН: О великом господине и отце нашем Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), честнем пресвитерстве, во Христе диаконстве, о всем причте и людех, Господу помолимся.

Лик: Господи, помилуй.

ДИАКОН: О богохранимей стране нашей, властех и воинстве ея, Господу помолимся.

Лик: Господи, помилуй.

ДИАКОН: О граде сем (о веси сей, о святей обители сей), всяком граде, стране, и верою живущих в них, Господу помолимся.

Лик: Господи, помилуй.

ДИАКОН: О благорастворении воздухов, о изобилии плодов земных и временех мирных, Господу помолимся.

Лик: Господи, помилуй.

ДИАКОН: О плавающих, путешествующих, недугующих, страждущих, плененных, и о спасении их, Господу помолимся.

Лик: Господи, помилуй.

ДИАКОН: О избавитися нам от всякия скорби, гнева и нужды, Господу помолимся.

Лик: Господи, помилуй.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

ДИАКОН: Пресвятую, Пречистую, Преблагословенную, славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

ИЕРЕЙ, возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Лик: Аминь.

Чтец: после мирной ектении стихословится кафизма на три антифона. Каждый антифон чтец заканчивает словами: Слава, и ныне: Аллилуиа, аллилуиа, аллилуиа, слава Тебе Боже (трижды).

Во время 1-го антифона Иерей берет Святое Евангелие и поставляет его на Горнем месте Престола. Затем открывает Антиминс и, сотворив поклон, с помощью копия илжицы извлекает из Дарохранительницы Святой Агнец и полагает Его на Дискосе печатью вверх. Затем Иерей ставит Дискос на Антиминс, а Диакон перед Святыми Дарами поставляет горящий светильник.

ИЕРЕЙ, сотворив поклон, читает молитву 1-го антифона, а ДИАКОН исходит на амвон и произносит малую ектению.

ДИАКОН: Паки и паки миром Господу помолимся.

Лик: Господи, помилуй.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

ДИАКОН: Пресвятую, Пречистую, Преблагословенную, славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

Молитва 1-го антифона

Господи Щедрый и милостивый, Долготерпеливе и Многомилостиве, внуши молитву нашу и вонми гласу моления нашего, сотвори с нами знамение во благо: настави нас на путь Твой, еже ходити во истине Твоей; возвесели сердца наша, во еже боятися имене Твоего святаго: зане велий еси Ты и творяй чудеса, Ты еси Бог Един, и несть подобен Тебе в бозех, Господи: силен в милости, и благ в крепости, во еже помогати и утешати, и спасати вся уповающыя во имя святое Твое.

ИЕРЕЙ, возглас: Яко Твоя держава, и Твое есть Царство, и сила, и слава, Отца, и Сына, и Святаго Духа, ныне и присно и во веки веков.

Лик: Аминь.

Во время 2-го антифона Иерей, обходя вокруг Престола, в предшествии Диакона со светильником, совершает троекратное каждение Святых Даров на Престоле. После каждения Иерей читает молитву 2-го антифона.

ДИАКОН исходит и произносит малую ектению: Паки и паки миром Господу помолимся.

Лик: Господи, помилуй.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

ДИАКОН: Пресвятую, Пречистую, Преблагословенную, славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

Молитва 2-го антифона

Господи, да не яростию Твоею обличиши нас, ниже гневом Твоим накажеши нас: но сотвори с нами по милости Твоей, Врачу и Исцелителю душ наших, наставляя нас ко пристанищу хотения Твоего; просвети очи сердец наших в познание Твоея истины: и даруй нам прочее настоящаго дне мирное и безгрешное, и все время живота нашего, молитвами Святыя Богородицы и всех святых Твоих.

ИЕРЕЙ, возглас: Яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

Во время 3-го антифона Иерей, сотворив поклон и взяв Дискос со Святыми Дарами на главу, переносит их через Горнее место на жертвенник. Ему предшествует Диакон со светильником, совершая частое каждение. В это время присутствующие в храме поклоняются до земли.

Иерей поставляет Дискос с Агнцем на жертвеннике.

Диакон, взяв благословение, вливает в Чашу вино и воду, ничтоже глаголя. Затем Иерей, покадив звездицу, поставляет ее поверх Агнца. Аналогично, покадив покровцы, покрывает Дискос и Чашу. Затем покрывает воздухом все вместе, покадив воздух.

ИЕРЕЙ, при каждом священнодействии: Господу ПОМОЛИМСЯ.

ДИАКОН отвечает: ГОСПОДИ, ПОМИЛуЙ, и поставляет перед Святыми Дарами горящий светильник.

ИЕРЕЙ, покадив Святые Дары на жертвеннике, тихо возглашает: МоЛИТВаМИ СВЯТЫХ отец наших, ГОСПОДИ Иисусе Христе Боже наш, помилуй нас.

ДИАКОН: Аминь.

И оба творят земной поклон.

ИЕРЕЙ отходит к престолу, сворачивает антиминс и полагает поверх его Евангелие. Затем читает молитву 3-го антифона.

ДИАКОН исходит и произносит малую ектению: Паки И паки миром Господу помолимся.

Лик: Господи, помилуй.

Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Пресвятую, Пречистую, Преблагословенную, славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

Молитва 3-го антифона

Господи Боже наш, помяни нас, грешных и непотребных раб Твоих, внегда призывати нам святое и покланяемое имя Твое, и не посрами нас от чаяния милости Твоея; но даруй нам, Господи, вся яже ко спасению прошения, и сподоби нас любити и боятися Тебе от всего сердца нашего, и творити во всех волю Твою.

ИЕРЕЙ, возглас: Яко Ты еси Бог наш, Бог миловати и спасати, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь. И поется Господи, воззвах:

Диакон совершает каждение храма по чину.

[Примечание: В случае, когда по уставу не положено стихословить кафизму, уместно Иерею приготовить Святые Дары на жертвеннике заблаговременно, до начала Литургии.]

По исполнении стихир совершается вход с кадилом. В случае праздника, а также в Великий Понедельник, Великий Вторник и Великую Среду совершается вход с Евангелием, поскольку в эти дни читается Евангелие.

Молитва входа

Вечер, и заутра, и полудне хвалим, благословим, благодарим и молимся Тебе, Владыко всех: исправи молитву нашу, яко кадило пред Тобою, и не уклони сердец наших в словеса или в помышления лукавствия, но избави нас от всех ловящих души наша, яко к Тебе, Господи, Господи, очи наши, и на Тя уповахом, да не посрамиши нас, Боже наш.

Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

ДИАКОН или ИЕРЕЙ в конце стихир, возглашает: Премудрость, прости.

Лик: Свете Тихий…

Иерей с Диаконом, войдя в алтарь и поцеловав Святой Престол, отходят на Горнее место, как обычно.

ДИАКОН: Вонмем.

ИЕРЕЙ: Мир всем.

ДИАКОН: Премудрость.

Чтец: Прокимен глас… И возглашает дневной прокимен Триоди.

Диакон по исполнении прокимна затворяет Царские врата, затем паремия и другой прокимен из Триоди (на прокимен Диакон вновь отворяет Царские врата).

ДИАКОН, по исполнении второго прокимна, возглашает: Повелите.

ИЕРЕЙ, стоя перед престолом со светильником и кадилом в руках, изображая крест, возглашает:

Премудрость, прости.

Затем, обратившись к народу, в открытых Царских вратах возглашает:

Свет Христов просвещает всех. В этот момент все присутствующие в храме совершают земной поклон).

Чтец: 2-я паремия Триоди

Диакон затворяет Царские врата.

Если литургия Преждеосвященных Даров совершается накануне праздника, то читаются еще три паремии праздника.

Диакон по прочтении паремий отверзает Царские Врата.

ИЕРЕЙ благословляет Чтеца, говоря: Мир ТИ.

ДИАКОН: Премудрость.

Певцы: Да исправится молитва моя… по установленному чину.

Все присутствующие в храме преклоняют колена.

Иерей кадит Святой Престол.

При пении стиха: «Не уклони сердце мое в словеса лукавствия…» отходит к жертвеннику и кадит там Святые Дары.

При заключительном пении: «Да исправится молитва моя.» Иерей, отдав кадило Диакону, возвращается к Престолу и преклоняет колена.

По окончании «Да исправится молитва моя…» согласно Уставу, положено сотворить три великих поклона (на практике эти поклоны бывают с молитвой прп. Ефрема Сирина).

После поклонов в случае праздника здесь бывает прокимен, Апостол, аллилуиарий и каждение по обычаю. (На Страстной же седмице Апостола не бывает).

Иерей берет Евангелие с Престола и отдает его Диакону.

Диакон износит Святое Евангелие Царскими вратами на амвон в предшествии свещеносцев.

ИЕРЕЙ, возглас: Премудрость, прости, услышим Святаго Евангелиа. Мир всем.

Лик: И духови твоему.

ДИАКОН читает Евангелие по обычаю, затем отдает его Иерею и, затворив Царские врата, исходит северной дверью и произносит сугубую ектению.

ИЕРЕЙ тайно читает соответствующую молитву и открывает Антиминс по обычаю.

ДИАКОН: Рцем вси от всея души, и от всего помышления нашего рцем.

Лик: Господи, помилуй.

Господи Вседержителю, Боже отец наших, молим Ти ся, услыши и помилуй.

Лик: Господи, помилуй.

Помилуй нас, Боже, по велицей милости Твоей, молим Ти ся, услыши и помилуй.

Лик: Господи, помилуй (трижды).

Молитва прилежного моления от Иерея

Господи, Боже наш, прилежное сие моление приими от Твоих раб, и помилуй нас по множеству милости Твоея, и щедроты Твоя низпосли на ны, и на вся люди Твоя, чающия от Тебе богатыя милости.

ДИАКОН: Еще молимся о великом господине и отце нашем Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), и всей во Христе братии нашей.

Лик: Господи, помилуй (трижды).

Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Лик: Господи, помилуй (трижды).

Еще молимся о братиях наших, священницех, священномонасех, и всем во Христе братстве нашем.

Лик: Господи, помилуй (трижды).

Еще молимся о блаженных и приснопамятных святейших патриарсех православных, и создателех святаго храма сего (аще во обители: святыя обители сея), и о всех преждепочивших отцех и братиях, зде лежащих и повсюду, православных.

Лик: Господи, помилуй (трижды).

Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Лик: Господи, помилуй (трижды).

ИЕРЕЙ, возглас: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

Ектения об оглашенных

ДИАКОН: Помолитеся, оглашеннии, Господеви.

Лик: Господи, помилуй.

Вернии, о оглашенных помолимся, да Господь помилует их.

Лик: Господи, помилуй.

Огласит их словом истины.

Лик: Господи, помилуй.

Открыет им Евангелие правды.

Лик: Господи, помилуй.

Соединит их Святей Своей, Соборней и Апостольстей Церкви.

Лик: Господи, помилуй.

Спаси, помилуй, заступи и сохрани их, Боже, Твоею благодатию.

Лик: Господи, помилуй.

Оглашеннии, главы ваша Господеви преклоните. Лик: Тебе, Господи.

Молитва об оглашенных

Боже, Боже наш, Создателю и Содетелю всех, Иже всем хотяй спастися и в разум истины приити: призри на рабы Твоя оглашенныя, и избави их древния прелести и козни сопротивнаго. И призови их в Жизнь Вечную, просвещая их души и телеса и сопричитая их словесному Твоему стаду, на немже имя Твое святое нарицается.

ИЕРЕЙ, возглас: Да и тии с нами славят Пречестное и Великолепое имя Твое, Отца и Сына и Святаго Духа, ныне и присно и во веки веков.

Лик: Аминь.

ДИАКОН, до среды четвертой седмицы Святой Четыредесятницы, глаголет:

Елицы оглашеннии, изыдите; оглашеннии, изыдите; елицы оглашеннии, изыдите; да никто от оглашенных, елицы вернии, паки и паки миром Господу помолимся.

Лик: Господи, помилуй.

Молитва верных первая

Боже, Великий и Хвальный, Иже животворящею Христа Твоего смертию, в нетление нас от тления преставивый! Ты вся наша чувства страстнаго умерщвления свободи, благаго тем владыку внутренний помысл приставив: и око убо да не приобщно будет всякаго лукаваго зрения, слух же словесем праздным невходен, язык же да очистится от глагол неподобных: очисти же наша устне, хвалящия Тя, Господи; руки наша сотвори злых убо ошаятися деяний, действовати же точию яже Тебе благоугодная, вся наша уды и мысль Твоею утверждая благодатию.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

ДИАКОН: Премудрость.

ИЕРЕЙ, возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Лик: Аминь.

ДИАКОН: Паки и паки миром Господу помолимся.

Лик: Господи, помилуй.

О Свышнем мире и спасении душ наших, Господу помолимся.

Лик: Господи, помилуй.

О мире всего мира, благостоянии Святых Божиих Церквей и соединении всех, Господу помолимся.

Лик: Господи, помилуй.

О святем храме сем, и с верою, благоговением и страхом Божиим входящих в онь, Господу помолимся.

Лик: Господи, помилуй.

О избавитися нам от всякия скорби, гнева и нужды, Господу помолимся.

Лик: Господи, помилуй.

Молитва верных вторая

Владыко Святый, Преблагий, молим Тя в милости Богатаго, милостива быти нам грешным и достойны нас сотворити подъятия Единороднаго Твоего Сына и Бога нашего, Царя Славы. Се бо Пречистое Его Тело и Животворящая Кровь, в настоящий час входящыя, на тайней сей предложитися имут трапезе, от множества Воинства Небеснаго невидимо дориносимыя: ихже причастие неосужденно нам даруй, да теми мысленное око озаряюще, сынове Света и дне будем.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

ДИАКОН: Премудрость.

ИЕРЕЙ, возглас: По дару Христа Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.

Лик: Аминь (протяжно).

[Со среды Крестопоклонной (четвертой) седмицы Великого поста, после возгласа Иерея: «Да и тии с нами славят…» полагаются особая ектения и молитва о готовящихся ко Святому Просвещению (Крещению):

Ектения о готовящихся ко Святому Просвещению:

ДИАКОН: Елицы оглашеннии, изыдите; оглашеннии, изыдите. Елицы ко Просвещению, приступите; помолитеся, иже ко Просвещению.

Лик: Господи, помилуй.

Вернии, о иже ко Святому Просвещению готовящихся братиях и спасении их, Господу помолимся.

Лик: Господи, помилуй.

Яко да Господь Бог наш утвердит их и укрепит.

Лик: Господи, помилуй.

Просветит их просвещением разума и благочестия.

Лик: Господи, помилуй.

Сподобит их во время благопотребно бани пакибытия, оставления грехов и одежди нетления.

Лик: Господи, помилуй.

Породит их водою и Духом.

Лик: Господи, помилуй.

Дарует им совершение веры.

Лик: Господи, помилуй.

Сопричтет их святому Своему и избранному стаду.

Лик: Господи, помилуй.

Спаси, помилуй, заступи и сохрани их, Боже, Твоею благодатию.

Лик: Господи, помилуй.

Иже ко Просвещению главы ваша Господеви приклоните.

Лик: Тебе, Господи.

Молитва о готовящихся ко Святому Просвещению

Яви, Владыко, Лице Твое на иже ко Святому Просвещению готовящихся и желающих греховную скверну оттрясти: озари их помышление, извести я в вере, утверди в надежди, соверши в любви, уды честны Христа Твоего покажи, давшаго Себе избавление о душах наших.

ИЕРЕЙ, возглас: Яко Ты еси Просвещение наше, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

ДИАКОН: Елицы ко Просвещению, изыдите; иже ко Просвещению, изыдите; елицы, оглашеннии, изыдите. Да никто от оглашенных, елицы вернии, паки и паки миром Господу помолимся.

Лик: Господи, помилуй.

«Даже до зде, яже от среды средопостныя» (Служебник). Т. е. здесь заканчиваются ектения и молитва о готовящихся ко Святому Просвещению.]

Молитва верных первая

Боже великий и хвальный, Иже животворящею Христа Твоего смертию, в нетление нас от тления преставивый: Ты вся наша чувства страстнаго умерщвления свободи, благаго тем владыку внутренний помысл приставив: и око убо да не приобщно будет всякаго лукаваго зрения, слух же словесем праздным невходен, язык же да очистится от глагол неподобных: очисти же наша устне, хвалящия Тя, Господи: руки наша сотвори злых убо ошаятися деяний, действовати же точию яже Тебе благоугодная, вся наша уды и мысль Твоею утверждая благодатию.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

ДИАКОН: Премудрость.

ИЕРЕЙ, возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Лик: Аминь.

ДИАКОН: Паки и паки миром Господу помолимся.

Лик: Господи, помилуй.

О Свышнем мире и спасении душ наших, Господу помолимся.

Лик: Господи, помилуй.

О мире всего мира, благостоянии Святых Божиих Церквей и соединении всех, Господу помолимся.

Лик: Господи, помилуй.

О святем храме сем, и с верою, благоговением и страхом Божиим входящих в онь, Господу помолимся.

Лик: Господи, помилуй.

О избавитися нам от всякия скорби, гнева и нужды, Господу помолимся.

Лик: Господи, помилуй.

Молитва верных вторая

Владыко Святый, Преблагий, молим Тя в милости Богатаго, милостива быти нам грешным и достойны нас сотворити подъятия Единороднаго Твоего Сына и Бога нашего, Царя славы. Се бо Пречистое Его Тело и Животворящая Кровь, в настоящий час входящия, на тайней сей предложитися имут трапезе, от множества Воинства Небеснаго невидимо дориносимыя: ихже причастие неосужденно нам даруй, да теми мысленное око озаряюще, сынове Света и дне будем.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

ДИАКОН: Премудрость.

ИЕРЕЙ, возглас: По дару Христа Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.

Лик: Аминь (протяжно).

Великий вход

Лик: вместо Херувимской песни: Ныне Силы Небесныя с нами невидимо служат: се бо входит Царь Славы, се Жертва тайная совершена дориносится.

Верою и любовию приступим, да причастницы Жизни Вечныя будем. Аллилуиа, аллилуиа, аллилуиа.

Диакон входит южной дверью в алтарь и отворяет Царские врата. Взяв благословение, Диакон кадит Святой Престол спереди три раза, читая псалом 50-й, отходит к жертвеннику и кадит три раза Святые Дары и возвращается к Иерею, кадит его три раза.

ИЕРЕЙ с воздетыми руками произносит слова песни: Ныне Силы Небесный…

ДИАКОН: Верою и любовию приступим…

Это совершается 3 раза.

Иерей и Диакон целуют Святой Престол и отходят к жертвеннику.

Иерей, покадив Святые Дары, отдает кадило Диакону и полагает на левое плечо его воздух. Сам же приемлет Дискос правой рукой и поставляет себе на главу. Левой же рукой берет Чашу и держит ее при персех. Если служат соборно, то Чашу берет второй Иерей. В предшествии Диакона со светильником, кадящего часто, Иерей переносит Святые Дары, исходя северной дверью. (В это время все присутствующие в храме поклоняются до земли.)

Иерей входит Царскими вратами в алтарь и поставляет Святые Дары на Престоле, снимает покровцы и покрывает Дискос и Чашу воздухом.

Лик: Верою и любовию приступим…

Иерей, покадив Святые Дары, вместе со всеми присутствующими творит три великих поклона. На практике эти поклоны бывают с молитвой прп. Ефрема Сирина.

ДИАКОН затворяет Царские врата и завесу наполовину (в знак того, что Литургия неполная), исходит северной дверью и произносит ектению:

Исполним вечернюю молитву нашу Господеви.

Лик: Господи, помилуй.

О предложенных и Преждеосвященных Честных Дарех, Господу помолимся.

Лик: Господи, помилуй.

Яко да Человеколюбец Бог наш, приемь я во святый и пренебесный и мысленный Свой жертвенник, в воню благоухания духовнаго, возниспослет нам Божественную благодать и дар Святаго Духа, помолимся.

Лик: Господи, помилуй.

О избавитися нам от всякия скорби, гнева и нужды, Господу помолимся.

Лик: Господи, помилуй.

ИЕРЕЙ читает молитву святаго Афанасия Великаго:

Иже неизреченных и невидимых таин Боже, у Негоже суть сокровища премудрости и разума утаена, Иже служение службы сея открывый нам и положивый нас, грешных, за многое Твое человеколюбие, во еже приносити Тебе дары же и жертвы о наших гресех и о людских неведениих! Сам, невидимый Царю, творяй великая и неизследованная, славная же и изрядная, имже несть числа, призри на ны, недостойныя рабы Твоя, иже святому сему жертвеннику аки херувимскому Твоему предстоящия Престолу, на немже Единородный Твой Сын и Бог наш, предлежащими страшными почивает Таинствы, и, всякия нас и верныя люди Твоя свободив нечистоты, освяти всех нас души и телеса освящением неотъемлемым. Да чистою совестию, непосрамленным лицем, просвещенным сердцем Божественных сих причащающеся святынь и от них оживотворяеми, соединимся Самому Христу Твоему, истинному Богу нашему, рекшему: ядый Плоть Мою и пияй Кровь Мою во Мне пребывает и Аз в нем. Яко да всельшуся в нас и ходящу слову Твоему, Господи, будем храм Пресвятаго и покланяемаго Твоего Духа, избавлени всякия диавольския козни, деянием, или словом, или мыслию действуемыя, и получим обетованная нам благая, со всеми святыми Твоими, от века Тебе благоугодившими.

ДИАКОН: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Вечера всего совершенна, свята, мирна и безгрешна, у Господа просим.

Лик: Подай, Господи.

Ангела мирна, верна наставника, хранителя душ и телес наших, у Господа просим.

Лик: Подай, Господи.

Прощения и оставления грехов и прегрешений наших, у Господа просим.

Лик: Подай, Господи.

Добрых и полезных душам нашим и мира мирови, у Господа просим.

Лик: Подай, Господи.

Прочее время живота нашего в мире и покаянии скончати, у Господа просим.

Лик: Подай, Господи.

Христианския кончины живота нашего, безболезненны, непостыдны, мирны, и добраго ответа на Страшнем Судищи Христове, просим.

Лик: Подай, Господи.

Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.

Лик: Тебе, Господи.

ИЕРЕЙ, возглас: И сподоби нас, Владыко, со дерзновением, неосужденно смети призывати Тебе, Небеснаго Бога Отца, и глаголати:

Лик: Отче наш… (народ не поет «Отче наш»).

ИЕРЕЙ, возглас: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.

Лик: Аминь.

ИЕРЕЙ: Мир всем.

Лик: И духови твоему.

ДИАКОН: Главы наша Господеви приклоним.

Лик: Тебе, Господи.

ИЕРЕЙ, преклонившись: Боже, Единый Благий и Благоутробный, Иже в высоких живый и на смиренныя призираяй! Призри благоутробным оком на вся люди Твоя, и сохрани их. И сподоби вся ны неосужденно причаститися Животворящих Твоих сих Таин, Тебе бо своя поклонихом главы, чающе от Тебе богатыя милости.

ИЕРЕЙ, возглас: Благодатию и щедротами и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.

Лик: Аминь (протяжно).

ИЕРЕЙ: Вонми, Господи Иисусе Христе Боже наш, от святаго жилища Твоего, и от Престола славы Царствия Твоего, и прииди во еже освятити нас, Иже горе со Отцем седяй, и зде нам невидимо спребываяй. И сподоби державною Твоею рукою преподати нам пречистое Тело Твое и Честную Кровь, и нам и всем людем.

ИЕРЕЙ и ДИАКОН после молитвы покланяются трижды, глаголюще: Боже, очисти мя грешнаго.

Иерей же, покровенным сущым Божественным Даром, вложив руку, касается Животворящаго Хлеба со благоговением и страхом многим.

ДИАКОН: Вонмем.

ИЕРЕЙ, возглас: Преждеосвященная Святая – святым.

Лик: Един Свят, Един Господь, Иисус Христос, во славу Бога Отца. Аминь. И причастный Стих:

Вкусите и видите, яко благ Господь. Аллилуиа, аллилуиа, аллилуиа.

Если читались Апостол и Евангелие, то поется и причастен праздника.

Причащение духовенства и мирян

Диакон входит в алтарь южной дверью и затворяет завесу Царских врат.

Иерей снимает воздух и звездицу и отлагает их.

ДИАКОН: Раздроби, владыко, святый хлеб.

ИЕРЕЙ, раздробляя: Раздробляется и разделяется Агнец Божий, раздробляемый и неразделяемый, всегда ядомый и никогдаже иждиваемый, но причащающияся освящаяй.

И опускает часть Агнца «Иисус» в Чашу, ничего не произнося.

Диакон, взяв благословение, вливает в Чашу теплоту, ничего не произнося.

Иерей раздробляет часть Агнца «Христос» по числу служащих священнослужителей и полагает эти частицы на Дискосе.

Совершается причащение духовенства.

ИЕРЕЙ читает молитву: Ослаби, остави… и с Диаконом просят друг у друга прощения. Затем Иерей глаголет: Диаконе, приступи.

ДИАКОН благоговейно творит поклон, подходит и глаголет: Се, прихожду к безсмертному Царю и Богу нашему. Преподаждь мне, Владыко, Честное и Святое Тело и Кровь Господа и Бога и Спаса нашего Иисуса Христа.

ИЕРЕЙ, преподавая Святые Дары Диакону глаголет: (Имярек) священнодиакону преподаются Честное и Святое и Пречистое Тело и Кровь Господа и Бога и Спаса нашего Иисуса Христа, во оставление грехов его и в Жизнь Вечную.

ДИАКОН, поцеловав подающую ему руку, отходит и становится сбоку Престола, преклонив главу, и молится, как и Иерей, говоря: Верую, Господи, и исповедую…

ИЕРЕЙ преподает себе Святые Дары со словами:

Честное и Пресвятое Тело и Кровь Господа и Бога и Спаса нашего Иисуса Христа преподаются мне, (имярек) священнику, во оставление грехов моих и в Жизнь Вечную.

И, преклонив главу, молится: Верую, Господи, и исповедую… Вечери Твоея тайныя… Да не в суд или во осуждение… (все до конца).

ИЕРЕЙ, причастившись Святых Таин, губой отирает руку, говоря: Слава Тебе, Боже (трижды), и, поцеловав губу, полагает ее на место. Далее Иерей испивает из Чаши, ничего не говоря.

Диакон к Чаше не подходит, так как ему предстоит потреблять Святые Дары после Литургии, ибо в Чаше не Кровь, а освященное вино, так как не было пресуществления. (Если Иерей служит один, то из Чаши также не причащается, так как после Литургии ему надо потребить Святые Дары.)

ИЕРЕЙ читает благодарственную молитву:

Благодарим Тя, Спаса всех Бога, о всех, ихже подал еси нам благих, и о причастии Святаго Тела и Крове Христа Твоего, и молим Ти ся, Владыко Человеколюбче: сохрани нас под кровом крилу Твоею, и даждь нам даже до последняго нашего издыхания достойне причащатися Святынь Твоих, в просвещение души и тела, в Царства Небеснаго наследие.

Далее следует приготовление Святых Даров для мирян.

ИЕРЕЙ раздробляет части Агнца «Ш» и «КА» по числу причастников – мирян, погружает частицы в Чашу, отирая при этом губой Дискос, и, покрыв Чашу покровцом, полагает сверху лжицу.

Диакон отверзает завесу и Царские врата.

Иерей берет с Престола Чашу со Святыми Дарами и отдает Диакону.

ДИАКОН в Царских вратах возглашает: Со страхом Божиим, и верою приступите.

Лик: Благословлю Господа на всякое время, выну хвала Его во устех моих…

Совершается причащение мирян по обычаю. (По традиции за Литургией Преждеосвященных Даров младенцев не причащают, а только тех, кто может потребить Святое Тело).

ИЕРЕЙ, после причащения мирян уносит Чашу в алтарь и поставляет на Престоле. Затем благословляет народ, говоря: Спаси, Боже, люди Твоя, и благослови достояние Твое.

Лик: Хлеб Небесный и Чашу Жизни вкусите и видите, яко благ Господь. Аллилуиа, аллилуиа, аллилуиа.

Иерей кадит Святые Дары, ничего не говоря, отдает кадило Диакону и поставляет на главу его Дискос.

Диакон уносит Дискос на жертвенник.

ИЕРЕЙ, изображая святой Чашей знак креста над антиминсом, тихо глаголет: Благословен Бог наш…

И, обратившись к народу, возвышая Чашу со Святыми Дарами, произносит: Всегда, ныне и присно и во веки веков.

Лик: Аминь. Да исполнятся уста наша хваления Твоего, Господи, яко да поем славу Твою, яко сподобил еси нас причаститися Святым Твоим, Божественным, Безсмертным и Животворящим Тайнам. Соблюди нас во Твоей Святыни, весь день поучатися правде Твоей. Аллилуиа, аллилуиа, аллилуиа.

Иерей уносит Чашу на Жертвенник по обычаю.

ДИАКОН исходит северной дверью и произносит ектению: Прости, приимше Божественных, Святых, Пречистых, Безсмертных, Небесных и Животворящих, Страшных Христовых Таин, достойно благодарим Господа.

Лик: Господи, помилуй.

Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Вечера всего совершенна, свята, мирна и безгрешна испросивше, сами себе, и друг друга, и весь живот наш Христу Богу предадим.

Лик: Тебе, Господи.

ИЕРЕЙ, закрыв Антиминс и изображая Евангелием знак креста, возглашает: Яко Ты еси освящсние наше И Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

ИЕРЕЙ: С миром изыдем.

Лик: О имени Господни.

ДИАКОН: Господу помолимся.

Лик: Господи, помилуй.

ИЕРЕЙ читает заамвонную молитву: Владыко Вседержителю, Иже всю тварь премудростию соделавый, и неизреченным Твоим Промыслом и многою благостию введый нас в пречестныя дни сия, ко очищению душам и телом, к воздержанию страстей, к надежди воскресения, Иже четыредесятьми деньми скрижали вручив, Богоначертанная писмена, угоднику Твоему Моисеови, подаждь и нам, Блаже, подвигом добрым подвизатися, течение поста совершити, веру нераздельну соблюсти, главы невидимых змиев сокрушити, победителем же греха явитися, и неосужденно достигнути поклонитися и Святому Воскресению. Яко благословися и прославися пречестное и великолепое имя Твое, Отца и Сына и Святаго Духа, ныне и присно и во веки веков.

Лик: Аминь.

Диакон стоит, преклонив главу, держит орарь. тремя персты.

Иерей, после молитвы входит в алтарь Царскими вратами; Диакон же входит северной дверью, преклоняет главу.

ИЕРЕЙ благословляет его потребить Святые Дары, читая молитву: Господи Боже наш, введый нас во всечестныя дни сия, и общники нас сотворив страшных Твоих Таин! Совокупи нас словесному Твоему стаду и наследники покажи Царствия Твоего, ныне и присно и во веки веков. Аминь.

Лик: Буди имя Господне благословенно от ныне и до века (трижды).

[В Великую Среду здесь в последний раз читается молитва прп. Ефрема Сирина с тремя поклонами.]

Чтец: Слава, и ныне: Благословлю Господа… (псалом 33-й).

ИЕРЕЙ, по исполнении псалма, из Царских врат благословляет народ: Благословение Господне на вас, Того благодатию и человеколюбием, всегда, ныне и присно и во веки веков.

Лик: Аминь.

ИЕРЕЙ: Слава Тебе, Христе Боже, упование наше, слава Тебе.

Лик: Слава, и ныне: Господи, помилуй (трижды). Благослови.

ИЕРЕЙ, стоя в Царских вратах лицом к народу, с крестом в руках, творит дневной отпуст:

Христос истинный Бог наш…

На отпусте Иерей поминает: автора Литургии (святителя Григория Двоеслова), святого храма, святых Минеи настоящего дня и следующего.

[На Страстной седмице Иерей творит следующий отпуст: Грядый Господь на вольную страсть нашего ради спасения, Христос истинный Бог наш, молитвами Пречистыя Своея Матере, святых славных и всехвальных апостол, иже во святых отца нашего Григория Двоеслова, папы Римскаго, и всех святых, помилует и спасет нас, яко Благ и Человеколюбец. ]

Лик: Многолетие по обычаю.

ИЕРЕЙ по традиции дает целовать крест. Раздается антидор и в это время читаются благодарственные молитвы после Святого Причащения, в конце которых по чину читаются тропарь и кондак автору Литургии – святителю Григорию Двоеслову.

Молитвы по причащении Святых Даров

Слава Тебе, Боже. Слава Тебе, Боже.

Слава Тебе, Боже.

Молитва 1-я

Благодарю Тя, Господи Боже мой, яко не отринул мя еси грешнаго, но общника мя быти Святынь Твоих сподобил еси. Благодарю Тя, яко мене недостойнаго причаститися пречистых Твоих и Небесных Даров сподобил еси. Но, Владыко Человеколюбче, нас ради умерый же и воскресый, и даровавый нам Страшная сия и Животворящая Таинства во благодеяние и освящение душ и телес наших, даждь быти сим и мне во исцеление души же и тела, во отгнание всякаго сопротивнаго, в просвещение очию сердца моего, в мир душевных моих сил, в веру непостыдну, любовь нелицемерну, во исполнение премудрости, в соблюдение заповедей Твоих, в приложение Божественныя Твоея благодати, и Твоего Царствия присвоение; да во Святыни Твоей теми сохраняемь, Твою благодать поминаю всегда, и не ктому себе живу, но Тебе, нашему Владыце и благодетелю; и тако сего жития изшед о надежди Живота Вечнаго, в присносущный достигну покой, идеже празднующих глас непрестанный, и безконечная сладость зрящих Твоего Лица доброту неизреченную. Ты бо еси истинное желание, и неизреченное веселие любящих Тя, Христе Боже наш, и Тя поет вся тварь во веки. Аминь.

Василия Великаго 2-я

Владыко Христе Боже, Царю веков и Содетелю всех, благодарю Тя о всех, яже ми еси подал, благих, и о причащении пречистых и Животворящих Твоих Таинств. Молю убо Тя, Блаже и Человеколюбче: сохрани мя под кровом Твоим и в сени крилу Твоею, и даруй ми чистою совестию, даже до последняго моего издыхания, достойно причащатися Святынь Твоих во оставление грехов и в Жизнь Вечную. Ты бо еси Хлеб животный, Источник Святыни, Податель благих; и Тебе славу возсылаем, со Отцем и Святым Духом, ныне и присно и во веки веков. Аминь.

Метафраста по стихом, 3-я

Давый пищу мне Плоть Твою волею, огнь сый, и опаляяй недостойный, да не опалиши мене, Содетелю мой; паче же пройди во уды моя, во вся составы, во утробу, в сердце. Попали терние всех моих прегрешений. Душу очисти, освяти помышления. Составы утверди с костьми вкупе. Чувств просвети простую пятерицу. Всего мя спригвозди страху Твоему. Присно покрый, соблюди же и сохрани мя от всякаго дела и слова душетленнаго. Очисти, и омый, и украси мя: удобри, вразуми и просвети мя. Покажи мя Твое селение единаго Духа, и не ктому селение греха. Да яко Твоего дому, входом Причащения, яко огня мене бежит всяк злодей, всяка страсть. Молитвенники Тебе приношу вся святыя, чиноначалия же Безплотных, Предтечу Твоего, премудрыя апостолы, к сим же Твою нескверную Чистую Матерь, ихже мольбы, Благоутробне, прими, Христе мой, и сыном Света соделай Твоего служителя. Ты бо един еси и освящение наших, Блаже, душ и светлость, и Тебе лепоподобно, яко Богу и Владыце, славу вси возсылаем на всяк день.

Молитва иная

Тело Твое святое, Господи Иисусе Христе Боже наш, да будет ми в Живот Вечный, и Кровь Твоя честная во оставление грехов. Буди же ми благодарение сие в радость, здравие и веселие: в страшное же и Второе Пришествие Твое сподоби мя грешнаго стати одесную славы Твоея, молитвами Пречистыя Твоея Матере и всех святых.

Молитва ко Пресвятей Богородице

Пресвятая Владычице Богородице, свете помраченныя моея души, надеждо, покрове, прибежище, утешение, радование мое, благодарю Тя, яко сподобила мя еси, недостойнаго, причастника быти пречистаго Тела и честныя Крове Сына Твоего. Но, рождшая истинный Свет, просвети моя умныя очи сердца; Яже источник безсмертия рождшая, оживотвори мя умерщвленнаго грехом. Яже милостиваго Бога любоблагоутробная Мати, помилуй мя, и даждь ми умиление, и сокрушение в сердце моем, и смирение в мыслех моих, и воззвание в пленениих помышлений моих; и сподоби мя, до последняго издыхания, неосужденно приимати Пречистых Таин освящение, во исцеление души же и тела. И подаждь ми слезы покаяния и исповедания, во еже пети и славити Тя во вся дни живота моего, яко благословена и препрославлена еси во веки. Аминь.

Ныне отпущаеши… Трисвятое, по Отче наш.

Тропарь, глас 4-й

Правило веры и образ кротости, воздержания учителя, яви тя стаду твоему яже вещей истина; сего ради стяжал еси смирением высокая, нищетою богатая. Отче Григорие, моли Христа Бога спастися душам нашим.

Или ин тропарь, глас 4-й

Иже от Бога свыше Божественную благодать восприемый, славне Григорие, и Того силою укрепляемь, евангельски шествовати изволил еси, отонудуже у Христа возмездие трудов приял еси, всеблаженне: Егоже моли, да спасет души наша.

Слава: Кондак, Глас 3-й

Подобоначальник показался еси Начальника пастырем Христа, иноков чреды, отче Григорие, ко ограде небесней наставляя, и оттуду научил еси стадо Христово заповедем Его: ныне же с ними радуешися, и ликуеши в небесных кровех.

И ныне: Богородичен

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву и потщися на умоление, предстательствующи присно, Богородице, чтущих Тя.