Последование утрени в Великую Субботу

ИЕРЕЙ: Благословен Бог наш, всегда, ныне и присно и во веки веков.

Чтец: Аминь. Царю Небесный… Трисвятое, по Отче наш.

ИЕРЕЙ: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.

Иерей после возгласа совершает каждение алтаря и иконостаса.

Чтец: Аминь. Приидите, поклонимся… (трижды) и два псалма (19-й и 20-й): Услышит тя Господь в день печали… и Господи, силою Твоею возвеселится царь… Трисвятое, по Отче наш.

ИЕРЕЙ: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.

Чтец: Аминь. Спаси, Господи, люди Твоя… Слава: Вознесыйся на Крест волею… И ныне: Предстательство страшное…

ИЕРЕЙ перед Престолом: Помилуй нас, Боже, ПО велицей милости Твоей, молим Ти ся, услыши и Помилуй.

Лик: Господи, помилуй (трижды).

Еще молимся о великом господине и отце нашем Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), и о всей во Христе братии нашей.

Лик: Господи, помилуй (трижды).

Еще молимся о о богохранимей стране нашей, властех и воинстве ея….

Лик: Господи, помилуй (трижды).

Еще молимся за всю братию, и за вся православная христианы.

Лик: Господи, помилуй (трижды).

ИЕРЕЙ, возглас: Яко милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь. Именем Господним благослови, отче.

ИЕРЕЙ делает крест кадилом, говоря: Слава Святей и Единосущней, и Животворящей и Нераздельней Троице, всегда, ныне и присно и во веки веков.

Лик: Аминь.

Чтец: Шестопсалмие.

ДИАКОН по окончании Шестопсалмия: Миром Господу помолимся.

Лик: Господи, помилуй.

О свышнем мире и спасении душ наших, Господу помолимся.

Лик: Господи, помилуй.

О мире всего мира, благостоянии святых Божиих Церквей и соединении всех, Господу помолимся.

Лик: Господи, помилуй.

О святем храме сем, и с верою благоговением и страхом Божиим входящих в онь, Господу помолимся.

Лик: Господи, помилуй.

О великом господине и отце нашем, Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), честнем пресвитерстве, во Христе диаконстве, о всем причте и людех, Господу помолимся.

Лик: Господи, помилуй.

О богохранимей стране нашей, властех и воинстве ея, Господу помолимся.

Лик: Господи, помилуй.

О Граде сем, (или веси сей, или о святей обители сей) всяком граде, стране, и верою живущих в них, Господу помолимся.

Лик: Господи, помилуй.

О благорастворении воздухов, о изобилии плодов земных и временех мирных, Господу помолимся.

Лик: Господи, помилуй.

О плавающих, путешествующих, недугующих, страждущих, плененных и о спасении их, Господу помолимся.

Лик: Господи, помилуй.

О избавитися нам от всякия скорби, гнева и нужды, Господу помолимся.

Лик: Господи, помилуй.

Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

ИЕРЕЙ, возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Лик: Аминь.

ИЕРЕЙ: Бог Господь… со стихами.

Лик: после каждого стиха поет: Бог Господь… и тропарь, глас 2-й:

Благообразный Иосиф, с Древа снем Пречистое Тело Твое, Плащаницею чистою обвив, и, вонями во гробе нове покрыв, положи.

Слава: Егда снизшел еси к смерти, Животе Безсмертный, тогда ад умертвил еси блистанием Божества. Егда же и умершия от преисподних воскресил еси, вся Силы Небесныя взываху: Жизнодавче Христе Боже наш, слава Тебе.

И ныне: Мироносицам женам, при гробе представ Ангел вопияше: мира мертвым суть прилична, Христос же истления явися чуждь.

ИЕРЕЙ во время пения тропарей отверзает Царские врата и исходит к святой Плащанице. Совершает каждение Плащаницы, алтаря, иконостаса, всего храма и народа.

Лик поет или Чтец читает стихи 118-го псалма, а Иерей читает Похвалы:

Статия первая

Глас 5-й

Лик: Благословен еси Господи, научи мя оправданием Твоим. (И прочее – до конечного повторения первого стиха «Жизнь во гробе положился еси, Христе, и ангельская воинства ужасахуся, снизхождение славяще Твое» – включительно.)

ИЕРЕЙ: Паки и паки миром Господу помолимся.

Лик: Господи, помилуй.

Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Пресвятую, Пречистую, Преблагословенную, славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

ИЕРЕЙ, возглас: Яко благословися Твое имя, и прославися Твое Царство, Отца и Сына и Святаго Духа, ныне и присно и во веки веков.

Лик: Аминь.

ИЕРЕЙ совершает малое каждение: Плащаницы, иконостаса.

Статия вторая

Глас 5-й

Лик: Достойно есть величати Тя Жизнодавца, на Кресте Руце простершаго и сокрушшаго державу вражию. (И прочее – до завершающего статию повторения первого тропаря «Достойно есть величати Тя Жизнодавца…» – включительно.)

ИЕРЕЙ: Паки и паки миром Господу помолимся.

Лик: Господи, помилуй.

Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Лик: Тебе, Господи.

ИЕРЕЙ, возглас: Яко свят еси Боже наш, Иже на Престоле славы Херувимстем почиваяй, и Тебе славу возсылаем, со безначальным Твоим Отцем, и с Пресвятым и Благим и Животворящим Твоим Духом, ныне и присно и во веки веков.

Лик: Аминь.

Иерей совершает малое каждение Плащаницы, иконостаса и народа.

Статия третья

Глас 3-й

Лик: Роди вси песнь погребению Твоему приносят, Христе мой. (И прочее – по «Видети Твоего Сына воскресение, Дево, сподоби рабы Твоя» – включительно.)

Затем воскресные тропари: Благословен еси, Господи… Ангельский собор удивися…

Иерей во время пения этих тропарей совершает каждение всего храма. По окончании каждения:

ИЕРЕЙ: Паки и паки миром Господу помолимся.

Лик: Господи, помилуй.

Заступи, спаси, помилуй, и сохрани нас, Боже, Твоею благодатию.

Лик: Господи, помилуй.

Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.

Лик: Тебе, Господи.

ИЕРЕЙ, возглас: Ты бо еси Царь мира, Христе Боже наш, и Тебе славу возсылаем, со безначальным Твоим Отцем, и с Пресвятым и Благим и Животворящим Твоим Духом, ныне и присно и во веки веков.

Лик: Аминь.

Иерей уходит в алтарь и закрывает Царские врата.

Чтец: Седален и 50-й псалом.

Лик: поет канон, глас 6-й

Песнь 1-я

Лик: Ирмос: Волною морскою скрывшаго древле гонителя мучителя…

Песнь 3-я

Лик: Ирмос: Тебе, на водах повесившаго всю землю неодержимо…

ИЕРЕЙ: ектения малая. Паки и паки…

ИЕРЕЙ, возглас: Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

Чтец: Седален, глас 1-й. Гроб Твой, Спасе, воини стрегущии, мертви от облистания явльшагося Ангела быша, проповедающа женам Воскресение. Тебе славим тли потребителя, Тебе припадаем воскресшему из гроба, и Единому Богу нашему.

Песнь 4-я

Лик: Ирмос: На Кресте Твое Божественное истощание провидя Аввакум…

Песнь 5-я

Лик: Ирмос: Богоявления Твоего, Христе, к нам милостивне бывшаго…

Песнь 6-я

Лик: Ирмос: Ят бысть, но не удержан в персех китовых Иона…

ИЕРЕЙ: ектения малая. Паки и паки…

ИЕРЕЙ, возглас: Ты бо еси Царь мира, и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

Чтец: Кондак, глас 6-й: Бездну заключивый, мертв зрится, и смирною и Плащаницею обвився, во гробе полагается яко смертный Безсмертный; жены же приидоша помазати Его миром, плачущия горько и вопиющия: сия Суббота есть Преблагословенная, в нейже Христос уснув воскреснет тридневен.

Икос: Содержай вся на Крест вознесеся, и рыдает вся тварь, Того видящи нага висяща на Древе, солнце лучи сокры, и звезды отложиша свет; земля же со многим страхом поколебася, и море побеже, и камение распадеся, гроби же мнози отверзошася, и телеса восташа святых мужей. Ад низу стенет, и иудее советуют оклеветати Христово Воскресение, жены же взывают: сия Суббота есть Преблагословенная, в нейже Христос уснув воскреснет тридневен.

Песнь 7-я

Лик: Ирмос: Неизреченное чудо, в пещи Избавивый преподобный отроки из пламене…

Песнь 8-я

Лик: Ирмос: Ужаснися бояйся небо…

Песнь 9-я

Лик: Ирмос: Не рыдай Мене, Мати, зрящи во гробе…

ИЕРЕЙ: ектения малая. Паки И паки…

ИЕРЕЙ, возглас: Яко Тя хвалят вся Силы Небесныя, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

ИЕРЕЙ: Свят Господь Бог наш.

Лик: То же.

ИЕРЕЙ: Яко Свят Господь Бог наш.

Лик: Свят Господь Бог наш.

ИЕРЕЙ: Над всеми людьми Бог наш.

Лик: Свят Господь Бог наш.

Чтец: Всякое дыхание…

Лик: стихиры на хвалитнех, Глас 2-й.

Днесь содержит гроб Содержащего дланию тварь; покрывает камень Покрывшаго добродетелию небеса, спит Живот, и ад трепещет, и Адам от уз разрешается. Слава Твоему смотрению, имже совершив все упокоение вечное, даровал еси нам, Боже, всесвятое из мертвых Твое Воскресение.

Что зримое видение, кое настоящее упокоение? Царь веков, Иже страстию совершив смотрение, во гробе субботствует, новое нам подая субботство. Тому возопиим: воскресни, Боже, судяй земли, яко Ты царствуеши во веки, неизмерную имеяй велию милость.

Приидите, видим Живот наш во гробе лежащ, да во гробех лежащыя оживит. Приидите днесь иже из Иуды спяща зряще, пророчески Ему возопиим: возлег уснул еси яко лев, кто воздвигнет Тя, Царю? Но востани самовластно, давый Себе о нас волею. Господи, слава Тебе.

Глас 6-й.

Проси Иосиф Тело Иисусово, и положи Е в новом своем гробе, подобаше бо Ему из гроба, яко из чертога проити. Сокрушивый державу смерти, и отверзый врата райская человеком, Господи, слава Тебе.

Слава: глас 6-й.

Днешний день тайно великий Моисей прообразоваше, глаголя: и благослови Бог день седмый, сия бо есть благословенная суббота. Сей есть упокоения день, в оньже почи от всех дел Своих Единородный Сын Божий, смотрением еже на смерть, плотию субботствовав, и во еже бе, паки возвращься Воскресением, дарова нам Живот Вечный, яко един Благ и Человеколюбец.

И ныне: глас 2-й.

Преблагословенна еси, Богородице Дево…

ИЕРЕЙ отверзает Царские врата и выходит на середину храма к Плащанице и по окончании пения возглашает: Слава Тебе, показавшему нам свет.

Лик: Великое славословие.

Иерей во время пения славословия совершает троекратное Каждение вокруг Плащаницы. При пении Трисвятого делает три земных поклона. И во время пения последнего «Святый Боже» возлагает Плащаницу себе на голову, выходит западными дверями во двор и совершает Крестный ход вокруг храма.

По входе в храм Иерей с Плащаницей проходит к Царским вратам и, по окончании пения «Святый Боже» произносит:

Премудрость, прости.

Лик поет тропарь: Благообразный Иосиф… (одинраз).

Иерей относит Плащаницу на середину храма науготовленное место и совершает каждение вокруг нее один раз.

Чтец: Тропарь пророчества, глас 2-й. Содержай концы, гробом содержатися изволил еси, Христе, да от адова поглощения избавиши человечество, и воскрес оживиши нас, яко Бог Безсмертный.

ИЕРЕЙ: Вонмем.

Чтец: Прокимен, глас 4-й. Воскресни, Господи, помози нам, и избави нас Имене ради Твоего.

Лик: Воскресни, Господи…

Чтец стих: Боже, ушима нашима услышахом, и отцы наши возвестиша нам.

Лик: Воскресни, Господи…

Чтец: Воскресни, Господи, помози нам.

Лик: И избави нас Имени ради Твоего.

ИЕРЕЙ: Премудрость.

Чтец: Пророчества Иезекиилева чтение.

ИЕРЕЙ: Вонмем.

Чтец: Читает пророчества: Бысть на мне рука Господня… (по. глаголет Адонаи Господь).

ИЕРЕЙ: Вонмем.

Чтец: Прокимен, глас 7-й. Воскресни, Господи Боже мой, да вознесется рука Твоя, не забуди убогих Твоих до конца. Стих: Исповемся Тебе, Господи, всем сердцем моим, повем вся чудеса Твоя.

ИЕРЕЙ: Премудрость.

Чтец: К Коринфяном Послания святаго апостола Павла чтение.

ИЕРЕЙ: Вонмем.

Чтец: Читает Апостол:

Братие, мал квас все смешение квасит. Очистите убо ветхий квас, да будете ново смешение, якоже есте безквасни: ибо Пасха наша за ны пожрен бысть Христос. Темже да празднуем не в квасе ветсе, ни в квасе злобы и лукавства, но в безквасиих чистоты и истины. Христос ны иступил есть от клятвы законный, быв по нас клятва. Писано бо есть: проклят всяк висяй на древе. Да в языцех благословение Авраамле будет о Христе Иисусе, да обетование Духа приимем верою.

ИЕРЕЙ: Мир ти.

Чтец: И духови твоему. Аллилуиа (трижды). Стих 1: Да воскреснет Бог, и расточатся врази Его, и да бежат от Лица Его ненавидящии Его. Стих 2: Яко исчезает дым, да исчезнут, яко тает воск от лица огня. Стих 3: Тако да погибнут грешницы от Лица Божия, а праведницы да возвеселятся.

ИЕРЕЙ: Премудрость, прости, услышим Святаго Евангелиа. Мир всем.

Лик: И духови твоему.

ИЕРЕЙ: От Матфеа Святаго Евангелиа чтение.

Лик: Слава Тебе, Господи, слава Тебе.

ИЕРЕЙ: Вонмем. Читает Евангелие от Матфея, зач. 114 Лик: Слава Тебе, Господи, слава Тебе.

ИЕРЕЙ: Рцем вси от всея души, и от всего помышления нашего рцем.

Лик: Господи, помилуй (трижды).

Господи Вседержителю, Боже отец наших, молим Ти ся, услыши и помилуй.

Лик: Господи, помилуй (трижды).

Помилуй нас, Боже, по велицей милости Твоей, молим Ти ся, услыши и помилуй.

Лик: Господи, помилуй (трижды).

Еще молимся о богохранимей стране нашей, о властех и воинстве ея, да тихое и безмолвное житие поживем, во всяком благочестии и чистоте.

Лик: Господи, помилуй (трижды).

Еще молимся о блаженных и приснопамятных создателех святаго храма сего (святыя обители сея), и о всех преждепочивших отцех и братиях, зде лежащих и повсюду православных.

Лик: Господи, помилуй (трижды).

Еще молимся о милости, жизни, мире, здравии, спасении, посещении, прощении и оставлении грехов рабов Божиих братии святаго храма сего.

Лик: Господи, помилуй (трижды).

Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Лик: Тебе, Господи.

Лик: Аминь.

ИЕРЕЙ: Исполним утреннюю молитву нашу Господеви.

Лик: Господи, помилуй.

Заступи, спаси, помилуй, и сохрани нас, Боже, Твоею благодатию.

Лик: Господи, помилуй.

Дне всего совершенна, свята, мирна и безгрешна, у Господа просим.

Лик: Подай, Господи.

Ангела мирна, верна наставника, хранителя душ и телес наших, у Господа просим.

Лик: Подай, Господи.

Прощения и оставления грехов, и прегрешений наших, у Господа просим.

Лик: Подай, Господи.

Добрых и полезных душам нашим, и мира мирови, у Господа просим.

Лик: Подай, Господи.

Прочее время живота нашего в мире и покаянии скончати, у Господа просим.

Лик: Подай, Господи.

Христианския кончины живота нашего безболезнены, непостыдны, мирны, добраго ответа на Страшнем Судищи Христове, просим.

Лик: Подай, Господи.

Лик: Тебе, Господи.

ИЕРЕЙ, возглас: Яко Бог милости, щедрот и человеколюбия еси, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

ИЕРЕЙ: Мир всем.

Лик: И духови твоему.

ИЕРЕЙ: Главы наша Господеви приклоним.

Лик: Тебе, Господи.

ИЕРЕЙ читает тайно молитву:

Господи Святый, в вышних живый и на смиренныя призираяй, и всевидящим Оком Твоим призираяй на всю тварь; Тебе приклонихом выю сердца и телесе, и молимся Тебе: простри Руку Твою невидимую от святаго жилища Твоего, и благослови вся ны. И аще что согрешихом, волею или неволею, яко Благ и Человеколюбец

Бог прости, даруя нам мирная и премирная благая Твоя.

ИЕРЕЙ, возглас: Твое бо есть, еже миловати, и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

ИЕРЕЙ: Премудрость.

Лик: Благослови.

ИЕРЕЙ: Сый благословен Христос Бог наш, всегда, ныне и присно и во веки веков.

Лик: Аминь. Утверди, Боже, святую Православную веру…

ИЕРЕЙ: Пресвятая Богородице, спаси нас.

Лик: Честнейшую Херувим…

ИЕРЕЙ: Слава Тебе, Христе Боже, упование наше, слава Тебе.

Лик: Слава, и ныне: Господи, помилуй (трижды). Благослови.

ИЕРЕЙ, отпуст: Иже нас ради человеков и нашего ради спасения, страшныя Страсти, и Животворящий Крест, и вольное погребение Плотию изволивый, Христос истинный Бог наш, молитвами Пречистыя Своея Матере, святых славных и всехвальных апостол, святых праведных Богоотец Иоакима и Анны, и всех святых, помилует и спасет нас, яко Благ и Человеколюбец.

Лик: поет многолетие и стихиру, глас 5: Приидите, ублажим Иосифа приснопамятнаго…