«Несть наша брань к плоти и к крови, но к началом и ко властем и к миродержателям тьмы века сего, к духовом злобы поднебесным, и елица победиша от таковых, сбысться другое писание: святии вси победиша царствия, содеяша правду, получиша обетования, и паки:

побеждающего сотворю столпа церкви Бога моего, и по мале рече: побеждающему дам сести со Мною на престоле Моем, яко же и Аз победих и седах со Отцем Моим на престоле Его, и паки побеждаяй наследит вся, и будет ему Бог, и той будет мне в сына, паки: побеждающему дам ясти от древа животного, еже есть посреде рая Божия; о нихже есть инде речеся: сии суть приидоша от скорби великия и испраша ризы своя в крови Агнчи, сего ради суть пред престолом Божиим, и служат Ему день и нощь в церкви Его, поюще песнь нову, глаголюще: достоин еси прияти книгу и отверста печати сия, яко заколен бысть и искупи Богови нас кровию Своею от всякого колена и языка, и люди и племен, и сотворил еси нас Богови нашему Царя Иерея и воцарихомся на земли. С нами Бог их, и отымет Бог всяку слезу от очию их, и смерти не будет к тому, ни плача, ни вопля, ни болезни не будет к тому, яко первая мимо идоша блажени творящи заповеди Его; да будет область им на древо животное и враты внидут во град, с ними же сподоби, Боже, и нас причастником быти страшливым же и неверным, и скверным, убийцам, и блуд творящим, идолодержцам и всем лживым, часть их в озере горящим огнем и жупелом».

«Слит сей кимвал во славу Господа Бога и Спаса нашего, Иисуса Христа, в монастыре святого Его Воскресения, рекомаго Новаго Иерусалима, тщением и труды смиреннаго Никона, Божиею милостию Патриарха, с прочими трудивши мися, при Архимандрите Герасиме, лета 7173, Ноемврия в 3 день, и от воплоще ния Бога Слова 1664 года, индикта 3-го, вылил колокол того же монастыря монах Сергий, а святцы набирал того же монастыря трудник Заборский.»

1 (5). Надписи. С. 203-204.