«В древнем законе повеле Моисею Господь Бог сотворити себе две трубы серебряные кованые.

Царю, да будут тии на созвание сонму и составляти полки и да трубими има и да соберутся к тебе весь сонм пред дверми храма свидения, и да трубити знамение; сынове Аарона жрецы да трубят трубами, и да будет вам в закон вечный, в рождение ваше, в день веселия вашего, и в праздник ваших, и в новомесячиях ваших, да вострубите трубами, и на всесозжение и на трубы спасений ваших, и да будут вам на воспоминание пред Богом вашим, яко Аз Господь Бог ваш. Еще и в новом законе устрояная божественная благодать духовные трубы новому Израилю доброгласные кинвалы, или рещи общим словом колокола, и елицы слышав доброгласные сия и духовныя трубы в праздники Господские и на всяку молитву во дни и в нощи усердно без лености собирания; не како пред храмом свидения древняго сеннописанного закона, но внутри храма Господня, и на едины чувственные вополчахуся враги, и на невидимые, по писанному: Облечете бо ся во вся оружия Божия, яко возмощи вам стати противу козням диавольским яко...»