Войти в систему
Войти с помощью соц. сетей:
© Религиозная организация «Данилов ставропигиальный мужской монастырь Русской Православной Церкви (Московский Патриархат)», оформление, верстка, 2017
Избра́нный страстоте́рпче Христо́в и врачу́ благода́тный, ту́не подая́й неду́гующим исцеле́ния, пе́сньми восхваля́ем тя, засту́пника на́шего. Ты же, яко име́яй дерзнове́ние ко Го́споду, от вся́ких бед и боле́зней свобожда́й нас, любо́вию тебе́ зову́щих:
Ра́дуйся, великому́чениче и цели́телю Пантелеи́моне.
Ангела земна́го и небе́снаго челове́ка ве́мы тя, сла́вный Пантелеи́моне: ́ангельскою бо непоро́чностию и му́ченичеством укра́шен, пресели́лся еси́ от земли́ на Не́бо, иде́же со Ангелы и все́ми святы́ми предстоя́ Престо́лу Го́спода сла́вы, моли́ся о нас, земны́х, почита́ющих тя зва́нии си́ми:
Ра́дуйся, све́тлосте благоче́стия; ра́дуйся, пресла́вный свети́льниче Це́ркве.
Ра́дуйся, му́чеников пречестны́х украше́ние; ра́дуйся, ве́рных в непоколеби́мом терпе́нии утвержде́ние.
Ра́дуйся, юности преизря́дная похвало́; ра́дуйся, побо́рниче Христо́в, в му́жестве неодоле́нный.
Ра́дуйся, произра́стший в ми́ре, преми́рен яви́выйся; ра́дуйся, ангеле во пло́ти, превосходя́й сме́ртных.
Ра́дуйся, небожи́телю всеблаже́нный; ра́дуйся, Боже́ственнаго ра́зума вмести́лище.
Ра́дуйся, имже ве́ра возвы́сися; ра́дуйся, имже пре́лесть низложи́ся.
Ра́дуйся, великому́чениче и цели́телю Пантелеи́моне.
Ви́дя тя Влады́ка сосу́д избра́н, возлюби́ души́ твоея́ добро́ту. Ты бо земну́ю вся́кую сла́дость и сла́ву презре́в, венце́м му́ченическим возжеле́л еси́ украси́тися, уя́звлен Боже́ственною любо́вию, и вдохнове́нно поя́: Аллилу́ия.
Ра́зум богодухнове́н име́я, о до́блий вои́телю Пантелеи́моне, изуми́л еси́ царя́ Максимиа́на му́жеством души́ твоея́ и словесы́, имиже дерзнове́нно пропове́дал еси́ Христа́. Те́мже похваля́юще дерзнове́ние твое́, глаго́лем ти си́це:
Ра́дуйся, угро́зы Максимиа́на презре́вый; ра́дуйся, сове́том нечести́вых не покори́выйся.
Ра́дуйся, насажде́ние истиннаго богопочита́ния; ра́дуйся, искорене́ние де́монскаго служе́ния.
Ра́дуйся, неи́стовства мучи́телей изобличи́телю; ра́дуйся, идольския пре́лести низложи́телю.
Ра́дуйся, разгна́вый нечести́вых собо́рища; ра́дуйся, премени́вый тле́нная на Небе́сная.
Ра́дуйся, собесе́дниче невеще́ственных Ангелов; ра́дуйся, сликовствова́телю многострада́льных святы́х.
Ра́дуйся, имже сатана́ посрами́ся; ра́дуйся, имже Христо́с просла́вися.
Ра́дуйся, великому́чениче и цели́телю Пантелеи́моне.
Си́лою Вы́шняго, дарова́нною тебе́, и кре́пким терпе́нием твои́м обезси́лил еси́ мучи́телеву де́рзость, му́жественный победоно́сче: огня́, звере́й, колеса́ не убоя́вся и мече́м усе́чен во главу́, вене́ц побе́ды прия́л еси́ от Христа́ Бо́га, взыва́я Ему́: Аллилу́ия.
Иму́щи оби́тель твоя́ вседрагу́ю главу́ твою́, богому́дрый страстоте́рпче, яко превели́кое сокро́вище, ра́дости исполня́ется о сем и, любо́вию воспева́ющи да́нную тебе́ от Бо́га благода́ть исцеле́ний, благода́рно зове́т ти:
Ра́дуйся, Никомиди́и свети́льниче всесве́тлый; ра́дуйся, чту́щей тя оби́тели стра́же неусы́пный.
Ра́дуйся, имже охладе́ безбо́жие; ра́дуйся, имже возрасте́ богопозна́ние.
Ра́дуйся, све́тлая страстоте́рпцев сла́во; ра́дуйся, ра́достное правосла́вных слы́шание.
Ра́дуйся, исцеле́ний благода́тный исто́чниче; ра́дуйся, дарова́ний вели́ких вмести́лище.
Ра́дуйся, благово́нное ми́ро, облагоуха́ющее дýши; ра́дуйся, яко помога́еши призыва́ющим тя.
Ра́дуйся, слепы́м зре́ние дарова́вый; ра́дуйся, хромы́м благоше́ствие устро́ивый.
Ра́дуйся, великому́чениче и цели́телю Пантелеи́моне.
Бу́рею помышле́ний многобо́жия одержи́м, нечести́вый царь смути́ся, уви́дев от зави́ствовавших тебе́ враче́в, яко вся́кия неисце́льныя неду́ги цели́ши ты именем Христа́. Мы же, с весе́лием сла́вяще ди́внаго в тебе́ Бо́га, вопие́м Ему́: Аллилу́ия.
Слы́шавше никомиди́йстии лю́дие о вели́ком сострада́нии твое́м к стра́ждущим и о безме́здном врачева́нии от вся́ких боле́зней, устреми́шася вси к тебе́, с ве́рою во врачу́ющую благода́ть, в тебе́ су́щую, и, прие́млюще ско́рая исцеле́ния от вся́ких боле́зней, прославля́ху Бо́га и тебе́ велича́ху, всеми́лостиваго цели́теля своего́, зову́ще ти:
Ра́дуйся, пома́занный ми́ром благода́ти; ра́дуйся, хра́ме Бо́га освяще́нный.
Ра́дуйся, вели́кая благочести́вых сла́во; ра́дуйся, тве́рдая озлобля́емых стено́.
Ра́дуйся, му́дрых превосходя́й ра́зумом; ра́дуйся, ве́рных осиява́яй мы́сли.
Ра́дуйся, Боже́ственных даро́в прия́телище и многообра́зных нам ми́лостей Госпо́дних исто́чниче; ра́дуйся, ско́рый помо́щниче стра́ждущим.
Ра́дуйся, обурева́емых приста́нище; ра́дуйся, заблу́ждших наста́вниче.
Ра́дуйся, боля́щих ту́не врачу́яй; ра́дуйся, оби́льно исцеле́ния источа́яй.
Ра́дуйся, великому́чениче и цели́телю Пантелеи́моне.
Чу́до пресла́вное сотвори́ с тобо́ю Госпо́дь, егда́ чрез служи́теля Своего́ Ермола́я призва́ тя в чу́дный Свой свет. Ехи́дною бо ве́лиею угрызе́нно уме́ршее отроча́ по моли́тве твое́й ко Христу́ абие оживе́ и воста́ здра́во. Позна́в убо Жизнода́вца всех Истиннаго Бо́га, с тве́рдою ве́рою воззва́л еси́ Ему́: Аллилу́ия.
Узре́ свет слепы́й, ему́же с призыва́нием имене Христо́ва прикосну́лся еси́ ты, сла́вне. Ермола́ем бо пресви́тером просвеще́н, отри́нув оте́ческое многобо́жие, восприя́л еси́ ма́тернее благоче́стие, имже и отца́ просвети́л еси́. Сего́ ра́ди тебе́, сла́вному уго́днику Бо́жию и чу́дному врачу́, взыва́ем:
Ра́дуйся, к Бо́гу ве́лие раче́ние име́яй; ра́дуйся, присногоря́щий огню́ Боже́ственныя любве́.
Ра́дуйся, де́ятельный послу́шателю свяще́нных поуче́ний Ермола́я; ра́дуйся, после́довавый сове́там ма́тере твоея́ Евву́лы.
Ра́дуйся, яко вся разда́л еси́, да Христа́ приобря́щеши; ра́дуйся, любо́вь к ми́ру любо́вию Бо́жиею победи́вый.
Ра́дуйся, яко вме́сто сла́дких ми́ра за Христа́ лю́тая страда́ния прия́л еси́; ра́дуйся, яко общник сотвори́лся еси́ Страсте́м Христо́вым.
Ра́дуйся, восторжествова́вый над все́ми страстьми́; ра́дуйся, украси́выйся благода́тным безстра́стием.
Ра́дуйся, исполня́яй ра́дости притека́ющия к тебе́; ра́дуйся, ту́не исцеля́яй всех благода́тию Христо́вою.
Ра́дуйся, великому́чениче и цели́телю Пантелеи́моне.
Пропове́дник истины яви́ся просвеще́нный тобо́ю теле́сне и душе́вне слепе́ц: подо́бно бо ева́нгельскому слепцу́, дерзнове́нно пред все́ми испове́да Све́та Истиннаго Христа́, просвеща́юща вся́каго челове́ка, нечести́ваго же царя́ и бо́ги язы́ческия укори́в, чрез ме́чное усече́ние взы́де к немерца́ющему све́ту на Небеси́ пе́ти Бо́гу: Аллилу́ия.
С све́тлым лице́м предста́в суди́лищу царе́ву, дерзнове́нно взыва́л еси́, преблаже́нне, во услы́шание всех: «Всецеле́бная си́ла моя́ и сла́ва – Христо́с есть, истинный Бог, Влады́ка всех, ме́ртвыя воскреша́яй и всяк неду́г отгоня́яй». За таково́е испове́дание ублажа́юще тя, глаго́лем:
Ра́дуйся, уста́ громогла́сная Божества́ Христо́ва; ра́дуйся язы́че медото́чный, веща́яй Его́ домострои́тельство.
Ра́дуйся, вити́е превы́сшаго богосло́вия; ра́дуйся, се́ятелю му́дрый благоче́стия.
Ра́дуйся, сладкозву́чная ве́ры свире́ль; ра́дуйся, сла́вный пропове́дниче Правосла́вия.
Ра́дуйся, пре́жде сме́рти яви́вый ди́вная; ра́дуйся, по сме́рти соверша́яй чу́дная.
Ра́дуйся, зри́телю сла́вы Христо́вой; ра́дуйся, послу́шателю моля́щихся тебе́.
Ра́дуйся, пода́телю ми́лости тоя́ тре́бующим; ра́дуйся, хода́таю благ почита́ющим па́мять твою́.
Ра́дуйся, великому́чениче и цели́телю Пантелеи́моне.
Ми́ро излия́ся на ду́шу твою́, богому́дрый целе́бниче, от Уте́шителя Ду́ха; те́мже по сме́рти честны́я оста́нки твоя́, благоуха́нием свои́м страсте́й злосмра́дие отгоня́я, исцеле́ние пода-́ ют вопию́щим ве́рою Бо́гу: Аллилу́ия.
Егда́ узре́ша идольстии чти́тели многоле́тна разсла́блена, моли́твою твое́ю, свя́те, воздви́гнута и ходя́ща, мно́зи уве́роваша во Христа́; жрецы́ же бесо́встии, за́вистию снеда́еми, подвиго́ша царя́ на ярость. Тебе́ убо неща́дно за Христа́ стру́жему и опаля́ему бы́вшу, со умиле́нием зове́м:
Ра́дуйся, наслажде́ния земна́я презре́вый; ра́дуйся, благ веще́ственных превы́сший.
Ра́дуйся, яко вся кра́сная ми́ра сего́ ни во что же вмени́л еси́; ра́дуйся, яко сла́ву скоротеку́щую с себе́ отря́сл еси́.
Ра́дуйся, неулови́м пребы́вый ловле́нии велиа́ра; ра́дуйся, победи́вый мучи́теля кова́рства.
Ра́дуйся, не пощади́вый за Христа́ жи́зни своея́; ра́дуйся, враг яви́выйся вражде́бныя пло́ти.
Ра́дуйся, многобо́жия широту́ утесни́вый; ра́дуйся, Боже́ственною си́лою идолы попра́вый.
Ра́дуйся, остре́йшая стрело́, язвя́щая враги́; ра́дуйся, предста́телю, заступа́яй ве́рующия.
Ра́дуйся, великому́чениче и цели́телю Пантелеи́моне.
Странноле́пно явля́шеся тебе́ Госпо́дь, ободря́я и соблюда́я в муче́ниих за имя Его́: во образе бо пресви́тера Ермола́я, клоко́чущее олово, в не́же вве́ржен был еси́, охлади́, и в мо́ри отреши́в ве́лий ка́мень от вы́и твоея́, изведе́ неврежде́нна на зе́млю. Ты же, па́ки предста́в пред царя́, торже́ственне пел еси́ Христу́ Бо́гу: Аллилу́ия.
Ве́сь умне на Небеси́ водворя́яся, и ни́зу на земли́ су́щих не оставля́еши, сопребыва́я с на́ми всечестно́ю главо́ю твое́ю, вели́кий страстоте́рпче Христо́в, прие́мля от Го́спода и подая́ просвеще́ние и освяще́ние вопию́щим тебе́ такова́я:
Ра́дуйся, прему́дрости Боже́ственныя испо́лненный; ра́дуйся, промышле́ния Бо́жия о нас таи́нниче.
Ра́дуйся, богому́дренных умо́в услажде́ние; ра́дуйся, боголюби́вых душ увеселе́ние.
Ра́дуйся, пресве́тлый Христо́в би́сере; ра́дуйся, освяще́нный душе́ю и те́лом.
Ра́дуйся, во дво́рех перворожде́нных на Небеси́ всели́выйся; ра́дуйся, в присноблаже́нных обита́яй черто́зех.
Ра́дуйся, све́та Тро́ическаго зри́телю; ра́дуйся, в моли́твах к Бо́гу те́плый о нас предста́телю.
Ра́дуйся, просвеще́ние душа́м подава́яй; ра́дуйся, скорбя́щим утеше́ние низпосыла́яй.
Ра́дуйся, великому́чениче и цели́телю Пантелеи́моне.
Вся́кое естество́ удиви́ся, Пантелеи́моне, сия́нию в тебе́ благода́ти и бога́тству доброде́телей: ангелоподо́бней чистоте́ твое́й, вели́кому му́жеству в лю́тых страда́ниях, кре́пкой любве́ ко Христу́ и мно́гому сострада́нию к лю́дем, в ни́хже твори́ши пресла́вная, во еже пе́ти: Аллилу́ия.
Вити́я многовеща́нная не возмо́гут по достоя́нию восхвали́ти боре́ния твоя́, сла́вный добропобе́дниче, ка́ко непобеди́мою си́лою Бо́жиею юный ле́ты победи́ дре́вняго и иско́ннаго врага́ и посрами́ идольскую пре́лесть. Мы же, удивле́ния испо́лненнии, зове́м ти:
Ра́дуйся, ра́достное зре́лище Ангелов; ра́дуйся, благогове́йное удивле́ние челове́ков.
Ра́дуйся, кровь за Христа́ излия́вый и в сме́рти млеко́ источи́вый; ра́дуйся, те́ло за Него́ му́ченической сме́рти преда́вый.
Ра́дуйся, испове́дничества пра́вило; ра́дуйся, до́блий во́ине Царя́ царе́й.
Ра́дуйся, тьмы́ держа́вца победи́вый; ра́дуйся, побе́дою твое́ю Небе́сных и земны́х обвесели́вый.
Ра́дуйся, го́рняго ми́ра обита́телю блаже́нный; ра́дуйся, до́льняго ми́ра му́дрый стра́нниче.
Ра́дуйся, дре́во, украше́нное плода́ми благода́тных дарова́ний; ра́дуйся, нося́й добропобе́дныя ве́тви.
Ра́дуйся, великому́чениче и цели́телю Пантелеи́моне.
Сострада́ния испо́лнен, яко истинный подража́тель Пода́теля ми́лости Го́спода, честны́й страда́льче, Пантелеи́моном (си есть, всеми́лостивым) от Него́ преимено́ван еси́, на вся притека́ющия к тебе́ ми́лость излива́я, юже и нам неоску́дно источа́й, о тебе́ вопию́щим Бо́гу: Аллилу́ия.
Сте́ну тя тве́рду обре́т мучи́тель, ники́ими же му́ками победи́му, покуси́ся сокруши́ти кре́пость твою́ зубы́ звере́й и острия́ми мучи́лищнаго колеса́, оба́че и в сем ничто́же успе: си́ла бо Христо́ва лю́тость звере́й укроти́, а стра́шное ко́ло, на не́мже обраща́емо бе те́ло твое́, абие сокруши́ся. Тебе́ убо, непобеди́мому страстоте́рпцу, зове́м:
Ра́дуйся, честно́е Христо́во избра́ние; ра́дуйся, непоро́чное Бо́гови благоуха́ние.
Ра́дуйся, тве́рдый адама́нте Це́ркве; ра́дуйся, непоколеби́мый сто́лпе, досяза́яй до Небесе́.
Ра́дуйся, зве́ри ви́димыя укроща́яй; ра́дуйся, драко́нов неви́димых сокруша́яй.
Ра́дуйся, обагре́нный твое́ю за Христа́ кро́вию, срастворе́нною млеко́м; ра́дуйся, неувяда́емыя прие́мый венцы́.
Ра́дуйся, ра́дость причини́вый Ангелом и челове́ком; ра́дуйся, просла́вленный Бо́гом на Небеси́ и на земли́.
Ра́дуйся, небожи́телю, ликовству́яй с му́ченики; ра́дуйся, насыща́яйся лицезре́нием Христа́ пресла́дким.
Ра́дуйся, великому́чениче и цели́телю Пантелеи́моне.
Песнь исхо́дную прино́сим твоему́ за Христа́ заколе́нию свяще́нному, в не́мже вме́сте с кро́вию млеко́ истече́ от тебе́, великому́чениче, и ма́сличина, под не́юже усе́чен был еси́, испо́лнися цели́тельных плодо́в. Те́мже Христу́, ди́вно прославля́ющему сла́вящия Его́, те́пле вопие́м: Аллилу́ия.
Светоза́рная луча́ был еси́, богому́дре, во тьме многобо́жия седя́щим, путеводя́щая к Со́лнцу Пра́вды Христу́ Бо́гу, Ему́же моли́ся, во све́те за́поведей Его́ при́сно пребыва́ти и нам, сицева́я ра́достная тебе́ принося́щим:
Ра́дуйся, пресве́тлая звездо́, на мы́сленной тве́рди блиста́ющая; ра́дуйся, луча́, христоимени́тым лю́дем светя́щая.
Ра́дуйся, та́инственно облистава́емый от Со́лнца Христа́; ра́дуйся, умне зе́млю обтека́яй.
Ра́дуйся, селе́ние кра́сное Пресвята́го Ду́ха; ра́дуйся, сосу́де пречестны́й, излива́яй исцеле́ния.
Ра́дуйся, чистоты́ сокро́вище; ра́дуйся, ми́лости тезоимени́те.
Ра́дуйся, Ца́рствия Небе́снаго насле́дниче; ра́дуйся, ве́чныя сла́вы соприча́стниче.
Ра́дуйся, предста́телю бе́дствующим в мо́ри жите́йстем; ра́дуйся, безсре́брениче, помога́яй призыва́ющим тя с ве́рою.
Ра́дуйся, великому́чениче и цели́телю Пантелеи́моне.
Благода́ти оби́лие прия́л еси́, треблаже́нне, по оби́лию любве́ твоея́ ко Христу́ Бо́гу. Иже и яви́ тя многоцеле́бным исто́чником, безме́здно врачу́ющим душе́вныя и теле́сныя боле́зни притека́ющих к тебе́ с ве́рою и Бо́гу вопию́щих: Аллилу́ия.
Пою́ще многострада́льныя по́двиги твоя́ за Христа́, сла́вный страстоте́рпче, хва́лим долготерпе́ние твое́, ублажа́ем му́ченическую кончи́ну, почита́ем и свяще́нную па́мять твою́, засту́пниче наш и цели́телю, и в похвалу́ сицева́я тебе́ зове́м:
Ра́дуйся, благоче́стия трубо́ благозву́чная; ра́дуйся, мечу́, посека́яй нече́стие.
Ра́дуйся, строга́нный на дре́ве за Распросте́ршаго ру́це Свои́ на дре́ве Кре́стнем; ра́дуйся, яко опаля́ем за Него́, пре́лести пещь погаси́л еси́.
Ра́дуйся, язвами твои́ми враги́ уязви́вый; ра́дуйся, кро́вию твое́ю то́ки идольския кро́ве изсуши́вый.
Ра́дуйся, в кипя́щее олово вве́рженный за Христа́; ра́дуйся, погруже́нный за имя Его́ в вода́х морски́х.
Ра́дуйся, промышле́нием Бо́жиим неврежде́н в сих пребы́вый; ра́дуйся, яко чрез огнь и во́ду муче́ния вшел еси́ в поко́й небе́сный.
Ра́дуйся, излива́яй неизсяка́емыя струи́ ми́лости ве́рным; ра́дуйся, благосострада́тельный врачу́, исцеле́ния благода́тная подава́яй.
Ра́дуйся, великому́чениче и цели́телю Пантелеи́моне.
О многострада́льный и преди́вный страстоте́рпче Христо́в и цели́телю наш Пантелеи́моне́ Ми́лостиво прие́м сие́ ма́лое от нас приноше́ние, от многообра́зных неду́гов исцели́ ны и предста́тельством твои́м сохрани́ от враг ви́димых и неви́димых и ве́чнаго муче́ния изба́витися нам Го́спода умоли́, да во Ца́рствии Его́ вы́ну воспева́ем: Аллилу́ия.
Этот кондак читается трижды, затем икос 1 и кондак 1.
О вели́кий Христо́в уго́дниче и пресла́вный целе́бниче, великому́чениче Пантелеи́моне́ Душе́ю на Небеси́ Престо́лу Бо́жию предстоя́й и Триипоста́сныя Его́ сла́вы наслажда́яйся, те́лом же и ли́ком святы́м на земли́ в Боже́ственных хра́мех почива́яй и да́нною ти свы́ше благода́тию разли́чные чудеса́ источа́яй. При́зри ми́лостивым тво-́ им оком на предстоя́щия лю́ди и честне́й ико́не уми́льно моля́щияся и прося́щия от тебé целе́бныя по́мощи и заступле́ния. Простри́ ко Го́споду Бо́гу на́шему те́плые моли́твы твоя́ и испроси́ душа́м на́шим оставле́ние согреше́ний на́ших. С ве́рою призыва́ем имя твое́, святы́й пра́ведный Пантелеи́моне, яко ты прия́л еси́ благода́ть от Го́спода Бо́га – неду́ги отгоня́ти и стра́сти исцеля́ти. Тебé убо про́сим: не пре́зри нас, недосто́йных, моля́щихся тебе́ и твоея́ по́мощи тре́бующих. Бу́ди нам в печа́лех уте́шитель, в неду́зех лю́тых стра́ждущим врач, напа́ствуемым ско́рый покрови́тель, очесéм неду́гующим прозре́ния да́тель, в ско́рбях пребыва́ющим гото́вейший предста́тель и исцели́тель: исхода́тайствуй всем вся, яже ко спасе́нию поле́зная, яко да твои́ми ко Го́споду Бо́гу моли́твами получи́вше благода́ть и ми́лость, просла́вим всех благи́х Исто́чника и Даропода́теля, Бо́га Еди́наго, в Тро́ице Святéй сла́вимаго, Отца́ и Сы́на, и Свята́го Ду́ха ны́не и при́сно и во ве́ки веко́в. Ами́нь.
Стpастоте́pпче святы́й и целе́бниче Пантелеи́моне, моли́ Ми́лостиваго Бо́га, да пpегpеше́ний оставле́ние пода́ст душа́м на́шим.
Подража́тель сый Ми́лостиваго и исцеле́ний благода́ть от Него́ прие́м, страстоте́рпче и му́чениче Христа́ Бо́га, моли́твами твои́ми душе́вныя на́ша неду́ги исцели́, отгоня́ при́сно борца́ собла́зны от вопию́щих ве́рно: спаси́ ны, Го́споди.
Велича́ем тя, страстоте́рпче святы́й, великому́чениче и целе́бниче Пантеле́ имоне, и чтим честна́я страда́ния твоя́, яже за Христа́ претерпе́л еси́.
Святой великомученик и целитель Пантелеимон родился в III веке в Вифании (Малая Азия) в городе Никомидия в семье знатного язычника Евсторгия и был назван Пантолеоном, что значит «во всем как лев». Мать мальчика, святая Еввула (память – 30 марта/12 апреля), тайно воспитывала сына в христианской вере, но она умерла совсем молодой, когда Пантолеон был еще ребенком и он быстро забыл ее наставления.
Отец отдал Пантолеона в языческую грамматическую школу, а затем в медицинскую школу одного из лучших врачей того времени Евфросина. Отрок обладал восприимчивым умом и легко усваивал то, чему его учили, он выделялся своим красноречием, поведением и необыкновенной красотой. Вскоре он превзошел своих сверстников и почти сравнялся с самим учителем. Знаменитый врач стал брать лучшего ученика с собой к императору Максимиану (284–305), который хотел оставить юношу при своем дворе и сделать впоследствии придворным врачом.
Время правления Максимиана отмечено в истории великим гонением, воздвигнутым жестоким императором на христианскую веру.
В это время в Никомидии тайно проживал чудом уцелевший после сожжения христиан старец пресвитер Ермолай. Из окна своего уединенного домика он много раз видел благообразного юношу и провидел в нем будущего угодника Божия. Однажды Ермолай пригласил юношу к себе и, расспросив его о родителях, вере, обо всем образе жизни, начал с ним беседу об основных истинах христианской веры: «Верь мне, Истинный и Всемогущий Бог есть един – Иисус Христос, и если ты будешь веровать в Него, то будешь исцелять всякие болезни одним призыванием Его пречистого имени» – так, по преданию, говорил святой Ермолай. С этих пор Пантолеон стал ежедневно приходить к старцу и слушать его наставления.
Однажды, возвращаясь от учителя, юноша увидел лежавшего на дороге мертвого ребенка, которого укусила змея. Из сострадания и жалости молодой человек стал просить
Господа о воскрешении умершего. При этом Пантолеон твердо решил, что если Господь исполнит его молитвенную просьбу, он станет христианином, примет Святое Крещение. И по действию Божественной благодати ребенок воскрес.
После этого чуда святой Ермолай крестил юношу и причастил его Святых Божественных Таин. Став христианином, Пантолеон часто беседовал со своим отцом, раскрывая ему лживость язычества и постепенно подготавливая к принятию христианства. Когда по молитвам юноши прозрел слепец, которого не смогли исцелить лучшие врачи, тогда и исцеленный, и отец святого – Евсторгий приняли Святое Крещение.
После смерти отца святой посвятил свою жизнь страждущим, больным, убогим и нищим, раздавая нуждающимся полученное им наследство. Многие, видя его дела и слушая его слова, стали христианами. Слава о милостивом и бескорыстном враче распространилась по городу, жители стали обращаться за помощью только к нему. Это вызвало зависть других врачей, они донесли императору, что святой – христианин и лечит христианских узников. Император уговаривал святого опровергнуть донос и принести жертву идолам. За отказ это сделать юношу предали жесточайшим мукам.
Сам Господь Иисус Христос в это время неоднократно являлся Пантолеону и укреплял его. Во всех истязаниях святой оставался невредимым. По повелению императора, святого великомученика привели в цирк на растерзание диким животным, но звери лишь лизали его ноги и, отталкивая друг друга, старались коснуться руки. Видя это, зрители поднимались с мест и кричали: «Велик Бог христианский́» Разъяренный император приказал воинам рубить мечами всех, кто славил Господа Иисуса и даже рубить зверей, не тронувших святого мученика. Затем император приказал отрубить великомученику голову. Один из воинов ударил святого мечом, но меч стал мягким, как воск, и не нанес никакой раны. Пораженные чудом, воины закричали: «Велик Бог христианский́» В это время Господь еще раз явился святому и назвал его Пантелеимоном (вместо прежнего имени Пантолеон). Пантелеимон означает многомилостивый. Палачи отказались продолжать казнь, но великомученик Пантелеимон повелел выполнить приказ императора. Тело святого было брошено в огонь, но осталось нетронутым, и было погребено христианами.
По словам святителя Иоанна Златоуста: «Благодать святых мужей не исчезает с их смертью, не слабеет с их кончиной, не разрешается в земле». Великомученик и целитель Пантелеимон и сегодня помогает тем, кто обращается к нему с молитвой. Частицы мощей великомученика разошлись по всему христианскому миру, а глава его хранится в Русском Пантелеимоновом монастыре на Святой Горе Афон. В этой обители собрано немало писем о чудесах, произошедших по молитвам святому.
Память великомученика и целителя
Пантелеимона совершается – 27 июля/9 августа.
Войти с помощью соц. сетей: