Войти в систему
Войти с помощью соц. сетей:
О святый Ангеле, хранителю и покровителю мой благий! С сокрушенным сердцем и болезненною душою предстою ти, моляся: услыши мя, грешнаго раба своего (имярек), с воплем крепким и плачем горьким вопиющаго; не помяни моих беззаконий и неправд, имиже аз, окаянный, прогневляю тя по вся дни и часы, и мерзостна себе творю пред Создателем нашим Господем; явися мне милосерд и не отлучайся мене, сквернаго, даже до кончины моея; возбуди мя от сна греховнаго и пособствуй твоими молитвами прочее время живота моего без порока преити и сотворити плоды достойны покаяния, паче же от смертных падений греховных соблюди мя, да не погибну во отчаянии и да не порадуется враг о погибели моей. Всем воистинну и усты исповедую, яко никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне, непотребнем, и паче всех грешнейшем, да не изъимет Преблагий души моея в день нечаяния моего и в день творения злобы. Не престай убо умилостивляя премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и, имиже весть судьбами, да спасет мя; да накажет мя зде по Своей неизреченней милости, но да не обличит и не истяжет мя онамо по Своему нелицеприятному правосудию; да сподобит мя покаяние принести, с покаянием же Божественное Причащение достойне прияти, о сем паче молю и таковаго дара всеусердно желаю. В страшный же час смерти неотступен буди ми, благий хранителю мой, прогоняя мрачныя демоны, имущия устрашити претрепетную душу мою: защити мя от тех ловления, егда имам преходити воздушныя мытарства, да храним тобою, безбедно достигну рая, ми вожделеннаго, идеже лицы святых и Горних Сил непрестанно восхваляют всечестное и великолепое имя в Троице славимаго Бога, Отца, и Сына и Святаго Духа, Емуже подобает честь и поклонение во веки веков. Аминь.
Ангеле Божий, хранителю мой святый, на соблюдение мне от Бога с небес данный! Прилежно молю тя: ты мя днесь просвети, и от всякаго зла сохрани, ко благому деянию настави, и на путь спасения направи. Аминь.
Святый Ангеле, предстояй окаянной моей души и страстной моей жизни, не остави мене грешнаго, ниже отступи от мене за невоздержание мое. Не даждь места лукавому демону обладати мною, насильством смертнаго сего телесе: укрепи бедствующую и худую мою руку и настави мя на путь спасения. Ей святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего, и аще что согреших в прешедшую нощь сию, покрый мя в настоящий день, и сохрани мя от всякого искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь.
Часто люди не доверяют друг другу, не понимают друг друга. Нам кажется, что этот человек мыслит и думает как мы, и каким же горьким бывает разочарование, когда оказывается, что это не так! Все это – следствие того, что нечистые силы сеют семена вражды и отчуждения между людьми. Ниже приведены молитвы, которые помогут разрушить эти преграды и сблизиться с теми, кто вам дорог.
Покровитель мой, Ангеле небесный, светлый хранитель мой. К тебе взываю о помощи, ибо попал в беду тяжкую еси. А беда сия происходит от непонимания людского. Не могущи узреть моих добрых помыслов, люди гонят меня от себя. И уязвляется чрезвычайно сердце мое, ибо чист я перед людьми, и совесть моя чиста. Не замыслих ничего дурного, противного Богу, потому молю тебя, святый Ангеле Господень, защити меня от непонимания людского, пусть да уразумеют мои добрые деяния христианские. Пусть же поймут, что добра желаю им. Помоги мне, святый, обереги! Аминь.
Ангел Господень, иже вершишь волю Неба на земле, услышь меня, окаянного. Обрати на меня свой взор ясный, осени своим светом, помоги мне, душе христианской, против неверия людского. И яко же сказано было в Писании о Фоме неверующем, памятуй, святый. Так пусть же не будет мне ни недоверия, ни подозрения, никакого сомнения от людей. Ибо чист я перед людьми, яко же чист перед Господом Богом нашим. Поелику чего не слушах Господа, то о сем каюсь весьма, ибо сделал сие по недомыслию, но не злому умыслу пойти супротив слова Божия. Молю тебя, Ангеле Христов, святый защитник мой и покровитель, защити раба Божия (имя). Аминь.
Ангеле Христов святый, к тебе припадая молюся, хранителю мой святый, преданный мне на соблюдение души и телу моему грешному от святого крещения, аз же своею леностию и своим злым обычаем прогневах твою препричистую светлость и отгнах тя от себе всеми студными делы: лжами, клеветами, завистию, осуждением, презорством, непокорством, братоненавидением и злопомнением, сребролюбием, прелюбодеянием, яростию, скупостию, объядением без сытости и опивством, многоглаголанием, злыми помыслы и лукавыми, гордым обычаем и блудным взбешением, имый самохотение на всякое плотское вожделение, о злое мое произволение, его же и скоти безсловеснии не творят! Да како возможеши возрети на мя, или приступити ко мне, аки ко псу смердящему? Которыма очима, Ангеле Христов, воззриши на мя, оплетшася зле во гнусных делах? Да како уже возмогу отпущения просити горьким и злым моим и лукавым деяниям, в няже впадаю по вся дни и нощи и на всяк час? Но молюся ти припадая, хранителю мой святый, умилосердися на мя грешнаго и недостойного раба твоего (имярек), буди ми помощник и заступник на злаго моего сопротивника, святыми твоими молитвами, и Царствия Божия причастника мя сотвори со всеми святыми, всегда, и ныне, и присно, и во веки веков. Аминь.
Войти с помощью соц. сетей: