Войти в систему
Войти с помощью соц. сетей:
Царице наша преблагая, надеждо наша, Пресвятая Богородице, приятелище сирых и странных заступнице, бедствующим помоще и озлобляемых покрове! Зриши нашу напасть, зриши нашу скорбь: отвсюду искушеньми одержими есмы, и несть избавляяй. Ты убо Сама помози нам, яко немощным, окорми нас, яко странных, настави нас, яко заблуждших, уврачуй и спаси нас, яко ненадежных. Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных. Призри на нас, грешных и во озлоблении сущих, покрый нас пречистым омофором Твоим, да избавлени будем от зол, обышедших нас, наипаче же от пианства, и да восхвалим всегда пресвятое имя Твое. Аминь.
Днесь притецем, вернии, к Божественному и пречудному образу Пресвятыя Бо-гоматере, напояющей верных сердца Небесною Неупиваемою Чашею Своего милосердия и людем верным чудеса показующей. Яже мы видяще и слышаще духовно празднуем и тепле вопием: Владычице Премилостивая, исцели наша недуги и страсти, молящи Сына Твоего, Христа Бога нашего, спасти души наша.
Бысть чрево Твое Святая Трапеза, имущая Небеснаго Хлеба, Христа Бога нашего, от Него же всяк ядый не умирает, якоже рече всех, Богородительнице, Питатель.
Величаем Тя, Пресвятая Дево, Мати Христа Бога нашего, и чтим образ Твой святый, от негоже источаеши исцеления всем, с верою к Тебе притекающим.
Пред иконой Пресвятой Богородицы «Неупиваемая Чаша» молятся об исцелении одержимых недугом страсти пьянства и запоя, наркомании и табакокурения.
Праведного Иова Многострадального (ок. 2000–1500 до Р.Х.).
Преподобного Михея Радонежского (1385).
Преподобного Иова Почаевского (1651).
О святый угодниче Божий праведный Иове. Подвигом добрым подвизався на земли, восприял еси на небесех венец правды, егоже уготовал еси Господь всем любящим Его; темже взирающе на святую икону твою, радуемся о преславнем скончании жительства твоего и чтем святую память твою. Ты же, предстоя престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавлынеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.
Память праведнаго Твоего Иова, Господи, празднующе, тем Тя молим: избави нас от наветов и сетей лукаваго диавола и спаси души наша, яко Человеколюбец.
Яко истинен и праведен, богочестив и непорочен, освящен же явлься, всеславне, Божий угодниче истинный, просветил еси мир в терпении твоем, терпеливейший и доблейший. Темже вси, богомудре, память твою воспеваем.
Величаем тя, святый праведный Иове, и чтим святую память твою, ты бо молиши за нас Христа Бога нашего.
Праведному Иову Многострадальному молятся об укреплении в терпении болезней и несчастий.
О преблажнне и Богомудре отче Михее! Ты истиннаго Пастыря Христа заповеди исполняя, всяко веселие, еже в мире, возненавидел еси и житие твое в слезах препровождал еси, телесныя страсти до конца умерщвляя и во всем последуя житию учителя твоего преподобнаго Сергия, с нимже и сподобился еси видети Небесную Царицу, Пресвятую Богородицу, посещающую вас и благодатне обещавающую, яко неотступна будет от места сего. О таковей, данней тебе благодати, ведуще мы, яко и ныне купно с Богоносным аввою твоим во обителях света обитаеши и Господу предстоиши, смиренно молим тя, к честней ране твоей припадающе: не престани вкупе с ним моляся о нас ко Господу нашему Иисусу Христу и Пречистей Его Матери, о еже сохранити страну нашу в мире и благопребывании, победу на враги даровати, всем же нам во благочестии и чистоте и взаимной любви тихое и безмолвное житие устроити, от глада, губительства, огня, меча, междоусобныя брани и от всякия беды и нужды нас избавити, да, спасени душею же и телом, единодушно славим в Троице славимаго Бога, Отца, и Сына, и Святаго Духа, ныне, и присно, и во веки веков. Аминь.
Иго Господне на рамо взем, последовал еси Христови со учителем своим преподобным Сергием, с нимже и сподобился еси видети Пресвятую Богородицу и слышал еси пресладкий глас Ея, яко обещася неотступна быти места сего, но, о преподобне Михее, молися о чтущих святую память твою.
Приидите, монашествующих собори и постников лицы, сошедшеся, похвалим блаженнаго Михея, спостника преподобнаго Сергия, с нимже предстоит Святей Троице и молится спастися душам нашим.
Войти с помощью соц. сетей: