Войти в систему
Войти с помощью соц. сетей:
Православия ревнителю, благочестия наставниче и чистоты, ищущим спасения путеводительный свети льниче, монашествующих богодухновенное удобрение, преподобнаго Сергия духовный собеседниче, Стефане премудре, ученьми и добродеяньми твоими души просветил еси́ и пустыни населил еси. Моли Христа Бо́га спастися душам нашим.
О, великий и преславный угодниче Бо́жий, богоизбранный и богопрославленный, равноапостольный княже Владимире, святое и великодейственное орудие всеблагаго Промысла о спасении народа Российскаго! Ты отринул еси́ зловерие и нечестие языческое, уверовал еси́ во единаго истиннаго Триипостаснаго Бо́га, и восприяв святое крещение, просветил еси́ светом божественныя веры и благочестия царство Российское. Славяще убо и благодаряще премилосердаго Творца и Спаси́теля нашего, славим и благодарим и тя, великий пастырю и отче наш, яко тобою познахом спасительную веру Христову, и крестихомся во имя Пресвяты́я и Пребожественныя Троицы: тоюже верою избавихомся от праведнаго осуждения Бо́жия, вечнаго рабства диаволя и адова мучительства: тою верою восприяхом благодать всыновления Бо́гу и надежду наследования небеснаго блаженства. Ты еси́ первейший наш вождь к начальнику и совершителю нашего вечнаго спасения, Господу Иисусу Христу: ты еси́ ближайший предстоятель пред престолом Царя́ царствующих и теплый молитвенник и ходатай о земле Российстей, о народоправителех ея и о всехлюдех: ты еси́ первейший виновник благословений и милостей Божиих, почивающих на ней. И что́ еще речем? Не может язык наш изобразити величие и высоту благодеяний твоих, излиянныхна нас недостойных. Но, от неразумия и ослепления нашего, приемше толикия благодеяния, ни во что́ не вменихом я и отщетихомся спасительных плодов их. Омывшеся бо от греха в купели крещения и облекшеся в одежду чистоты и невинности, осквернихом сию богоданную одежду студными деяньми и помышленьми нашими: отрекшеся сатаны и аггелов его, паки порабощаемся ему, служаще идолам страстей наших, миру, плоти и злым обычаем века: сочетавшеся Христу, выну оскорбляем Его́ беззаконьми нашими, многообразными язвами гордости, зависти, злобы, злословия, невоздержания и презорства ко святей Церкви: прилепихомся всецело к суетным благам, аки мняще во веки пребывати на земли: не помышляем о небе, о душе, о смерти, о суде, о нескончаемой вечности. Сего́ ради воздвизаем на ся праведный гнев и осуждение Божие, купно же оскорбляем и преогорчеваем твою отчую любовь и попечение о нас: ты бо просветил еси́ нас святым крещением, во еже способствовати нам к получению небеснаго блаженства и земнаго благоденствия: мы же, неразумнии, злым произволением нашим сами себе подвергаем адовым мукам и временным бедствиям! Но, о, всеблагий отче и просветителю наш! милостив буди к нашим немощем, долготерпелив ко грехам и неправдам нашим: умоли премилосердаго Царя́ Небеснаго, да не прогневается на ны зело и не погубит нас со беззаконьми нашими, но да помилует и спасет нас, имиже весть судьбами: да всадит в сердце наше спасительный страх Свой, да просветит Свое́ю благодатию ум наш, во еже узрети нам бездну погибели, в нюже стремимся, оставити стези нечестия и заблуждений, обратитися же на путьспасения и истины, неуклонно исполняти заповеди Божии и уставы святыя Церкве. Моли, благосерде, человеколюбца Бо́га, да явит нам великую милость Свою: да избавит нас от нашествия иноплеменников, от внутренних нестроений, мятежей и раздоров, от глада, смертоносных болезней и от всякаго зла: да подаст нам благорастворение воздуха и плодоносие земли: да сохранит в судящих и начальствующих правду и милость: да даст духовным пастырем непорочность жития и ревность о спасении пасомых, всем же людем усердие в исполнении своих обязанностей, взаимную любовь и единомыслие, стремление ко благу отечества и святыя Церкве: да распространит свет спасительныя веры в земле нашей во все́х концах ея: да обратит к правоверию неверующих: да упразднит вся ереси и расколы: да, тако поживше в мире на земли, сподобимся с тобою вечнаго блаженства, хваляще и превозносяще Бо́га во веки веко́в. Ами́нь.
Како похвалим тебе, в земных владыках премужественный, Владимире; Како ти благодарение воздади́м, яко тобою познахом Го́спода и лести идольския избыхом, яко твоим повелением по всей земли Христос славится; како веровал еси; како взыскал еси́ Христа; Повеждьнам, рабом твоим, Откуду ти припахну воня Свята́го Ду́ха; Не видел еси́ Христа, не ходил еси́ по нем: како ученик его обретеся; Не видел еси́ апостола, пришедша в землю твою, не видел бесы изгоняюща именем Христо́вым, болящих исцеляюща, мертвых воскрешающа. Дивное чудо! Инии цари и властителе, видяще вся сия бывающа от святых муж, не вероваша, но паче на страсти и муки предаша их, ты же, о, блаженне, не видя и не слыша все́х сих притекл еси́ ко Христу, разумев, яко един есть Творец невидимым и видимым, небесным и земным и яко посла в мир, нашего ради спасения, возлюбленнаго Своего́ Сы́на. И сия помыслив, вшел еси́ во святую купель.
И ныне протекшим девятистом летом, призри на землю твою, виждь чад твоих. Виждь люди твоя, како живут, како храними суть Господем, како славят Христа, како покланяются имени Его. Виждь и грады величеством сияющыя, виждь церкви цветущыя, виждь христианство растущее, виждьи град твой Киев толикими угодники Божиими, во нетлении почивающими, блистающийся, и фимиамом облагоухаем, и хвалами и божественными пении святыми оглашаем. И сия вся видев, возрадуйся и возвеселися и похвали благая Бо́га, всем сим Строителя.
Видя, яко твое верное сеяние твоим ходатайством и заступлением не изсущено бысть зноем неверия, но дождем Бо́жия поспешения расположено бысть многоплодне, радуйся духом во владыках апостоле, не мертвыя телеси воскресивый, но души юны мертвыя воскресив! Радуйся, утешителю наш и наставниче благоверия! Ты бе, о честная главо, нагим одеяние, алчным кормитель, жаждущим утроб охлаждение, вдовицам помощник, странным покоище, обидимым заступник, убогим обогащение.
Сим благим делом на небесех возмездно приемля, и зрения сладкаго лица Бо́жия насыщаяся, не престай моляся о земли твоей и о чадех, в них же благоверно владычествова, да сохранит я в мире и благоверии, преданнем тобою, и да славится в земли нашей выну правоверие, и да не оставит нас Господь, аще и еже согрешаем Господу и Владыце нашему, аки новокуплении раби, во всем неугодяще Господину своему. К тебе руки наша воздеваем и молим тя: помолися Владыце все́х, да продлит донельже стоит мир, милость свою на отечествии нашем и людех Своих, ратныя прогоняя, мир утверждая, глад угобзая, цари наша, соделовая грозны странам, боляры наставляя, грады разселяя, Церковь святую возращая, достояние свое соблюдая, мужи и жены и младенцы спасая, да милостию Его́ носими, в единении веры вкупе весело и радостно славим Го́спода нашего Иисуса Христа, со Отце́м и со Пресвяты́м Ду́хом, Троицу нераздельну единобожественну, царствующу на небесех и на земли, ныне и присно и во веки веко́в. Ами́нь.
Войти с помощью соц. сетей: