Войти в систему
Войти с помощью соц. сетей:
Слава, и ныне: Единородный Сыне и Слове Божий, Безсмертен Сый, / и изволивый спасения нашего ради / воплотитися от Святыя Богородицы и Приснодевы Марии, / непреложно вочелове́чивыйся;/ распны́йся же Христе Боже, смертию смерть поправый, / един Сый Святыя Троицы, / спрославляемый Отцу и Святому Духу, спаси нас.
Диакон: Паки и паки миром Господу помолимся. Заступи, спаси, помилуй и сохрани нас, Боже, Твоею благодатию.
Хор: Господи, помилуй. Дважды.
Диакон: Пресвятую, Пречистую, Преблагословенную,
Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи, Господи.
Иерей: Яко благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь. Дважды.
Во Царствии Твоем помяни нас, Господи, / егда прии́деши во Царствии Твоем.
На 12: Блажени нищии духом, / яко тех есть Царство Небесное.
Блажени плачущии, / яко тии утешатся.
На 10: Блажени кротции,/ яко тии наследят землю.
Блажени алчущии и жаждущии правды, / яко тии насытятся.
На 8: Блажени милостивии, / яко тии помилова ни будут.
Блажени чистии сердцем, / яко тии Бога у́зрят.
На 6: Блажени миротворцы, / яко тии сы́нове Божии нарекутся.
Блажени изгна́ни правды ради, / яко тех есть Царство Небесное.
На 4: Блажени есте́, егда поно́сят вам, / и изжену́т, и рекут всяк зол глагол на вы, лжуще Мене ради.
Радуйтеся и веселитеся, / яко мзда ваша многа на небесех.
Слава Отцу и Сыну и Святому Духу.
И ныне и присно и во веки веков. Аминь.
Диакон: Премудрость, прости.
Хор: Прииди́те, поклони́мся и припадем ко Христу.
Спаси ны, Сыне Божий, воскресы́й из мертвых, поющия Ти: аллилуиа.
Тропари и кондаки.
Иерей: Яко Свят еси, Боже наш, и Тебе славу возсылаем, Отцу и Сыну и Святому Духу, ныне и присно.
Диакон: Господи, спаси благочестивыя и услыши ны.
Хор: Господи, спаси благочестивыя и услыши ны.
Диакон: И во веки веков.
Хор: Аминь.
Святый Боже, Святый Крепкий, Святый Безсмертный, помилуй нас. Трижды.
Слава Отцу и Сыну и Святому Духу, и ныне и присно и во веки веков. Аминь.
Святый Безсмертный, помилуй нас.
Святый Боже, Святый Крепкий, Святый Безсмертный, помилуй нас.
Диакон: Вонмем.
Иерей: Мир всем.
Чтец Апостола: И духови твоему.
Диакон: Премудрость.
Чтец: Прокимен, глас…
Глас 1: Буди, Господи, милость Твоя на нас, / якоже уповахом на Тя.
Глас 2: Крепость моя и пение мое Господь, / и бысть мне во спасение.
Глас 3: Пойте Богу нашему, пойте, / пойте Цареви нашему, пойте.
Глас 4: Яко возвеличишася дела Твоя, Господи, / вся премудростию сотворил еси.
Глас 5: Ты, Господи, сохраниши ны/ и соблюдении ны от рода сего и во век.
Глас 6: Спаси, Господи, люди Твоя/ и благослови достояние Твое.
Глас 7: Господь крепость людем Своим даст, / Господь благословит люди Своя миром.
Глас 8: Помолитеся и воздадите / Господеви Богу нашему.
В понедельник, гл. 4: Творяй ангелы Своя духи, / и слуги́ Своя пламень огненный.
Во вторник, гл. 7-й: Возвеселится праведник о Господе / и уповает на Него.
В среду, гл. 3-й: Величит душа Моя Господа,/ и возрадовася дух Мой о Бозе Спасе Моем.
В четверг, гл. 8-й: Во всю землю изыде вещание их, и в концы вселенныя глаголы их.
В пятницу, гл. 7-й: Возносите Господа Бога нашего,/ и покланяйтеся подножию ногу Его, яко свято есть.
В субботу, гл. 8-й: Веселитеся о Господе,/ и радуйтеся, праведнии.
В Богородичные праздники: Величит душа Моя Господа/ и возрадовася дух Мой о Бозе Спасе Моем.
Заупокойный, гл. 6-й: Души их / во благих водворятся.
Диакон: Премудрость.
Чтец: Деяний святых апостол чтение. [Или: Соборнаго послания Петрова (или: Иоаннова, причем не принято говорить, какое это послание – первое, или второе, или третье) чтение. Или: К римляном (К коринфяном; К галатом; К Тимофею и т. п.) послания святаго апостола Павла чтение].
Диакон: Вонмем.
Чтение Апостола.
Иерей: Мир ти.
Чтец: И духови твоему.
Диакон: Премудрость.
Чтец: Аллилуиа, аллилуиа, аллилуиа.
Хор: Аллилуиа. Трижды.
Чтец: произносит аллилуиарий.
Хор: Аллилуиа. Трижды.
Чтец: второй стих аллилуиария.
Хор: Аллилуиа. Трижды.
Диакон: Благослови, владыко, благовестителя святаго апостола и евангелиста (имя евангелиста).
Иерей: Бог, молитвами святаго, славнаго, всехвальнаго апостола и евангелиста (имярек), да даст тебе глагол, благовествующему силою многою, во исполнение Евангелиа Возлюбленнаго Сына Своего, Господа нашего
Иисуса Христа.
Диакон: Аминь.
Иерей: Премудрость, прости, услышим святаго Евангелиа. Мир всем.
Хор: И духови твоему.
Диакон: От (имя) святаго Евангелиа чтение.
Хор: Слава Тебе, Господи, слава Тебе.
Иерей: Вонмем.
Читается Евангелие.
Хор: Слава Тебе, Господи, слава Тебе.
Войти с помощью соц. сетей: