Молитва преподобному отцу нашему Варнаве Гефсиманскому чудотворцу

О преподобне отче Варнаво, пастырю наш кроткий и утешительный, милостивый помощниче и теплый о нас молитвенниче! Ты измлада чадо благословения Божия быв, образ послушания родителем, повиновения господем и служения ближним показал еси. Заповеди Господни возлюбив, в Лавру Преподобного Сергия притекл еси и того верный ученик явился еси. Во обители же Божия Матере повелением настоятеля аввы Антония пребывая, дух смиренномудрия, кротости и терпения стяжал еси и дар рассуждения и прозрения помышлений душевных от Бога приял еси. Сего ради монашествующим духовный наставник, инокинем созидатель обители Иверския на Выксе-реце и всем страждущим и болезнующим целитель и попечитель милостивый даже до часа смертнаго был еси. По преставлении же твоем Бог многия милости почитающим память твою яви и иноком учителя тя верна дарова.

Темже молим тя, праведный отче, якоже и прежде ходатайствуй пред Богом молитвами твоими всем людем во всяцем звании дух утешительный стяжати и коемуждо потребная обрести: юным послушание и целомудрие страхом Божиим сохранити; в возрасте сущим – любовь Божию и согласие стяжати; алчущим – не токмо хлебом насущным, но и наипаче словом Божиим насытитися; плачущим – утешитися; изгнанником и странником – пристанище обрести; в темнице сущим – от уз свободитися; благочестивым – в Дусе Божием возрасти и смиренномудрия достигнути. Сшествуй нам во всех путех жизни нашея, паче же умоли Господа нашего о прощении прегрешений и неправд наших и к свету заповедей Божиих стопы наши направи, да единым сердцем и усты славим Пресвятую Троицу, Отца и Сына и Святаго Духа во веки веков. Аминь.

Тропарь, глас 5-й:

Измлада Христа Бога чисте возлюбив,/ сын утешения был еси,/ преподобне отче Варнаво./ По имени и житие твое бысть:/ коемуждо страждущему, и нищу, и царю/ пастырь кроток, утешитель и целитель явился еси./ Поминай нас, благодатный отче,/ да молитвами теплыми твоими/ Жизнодавец Бог дарует нам/ утешение и велию милость.

Молитва преподобному отцу нашему Серафиму Вырицкому чудотворцу

О, преподобне отче наш Серафиме, Вырицкия веси похвало и Церкве нашея украшение! Ты при жизни твоей помощник скорый был еси всем требующим твоего благодатного заступления. К тебе притекаху во обстояниих и нуждах сущии в надежде предстательства пастырскаго и покрова отеческаго. У прага келлии твоея свобождение от недугов приимаху вси страждущии, болящии и врачами оставленнии. У тебе облегчение известное обретаху вси грехми обремененнии. У тебе паки восставаху на путь жизни благочестивыя страстям своим преждее работавшии. У двери жилища твоего обновляхуся душею вси опечаленнии и угнетеннии многоразличными скорбми века сего скоротекущаго. У тебе, в веси Вырицстей, жемчуг веры обретаху вси, во тьму безбожия и злохуления погружении, воскресая душею к жизни новой, безконечной. Ты для многих был еси наставник богомудрый и прозорливый, насыщая глаголами божественными души жаждущия и гладом духовным томимыя. И никтоже от тебе тощ и неутешен отыде, но всем в сладость бысть зрение благоуветливаго лика твоего, всем в радость бываше слово твое, тихою любовию растворенное.

И ныне, пастырю наш добрый и Богом данный, не оставил еси нас, но даровал еси нам во утешение мощи твоя многоцелебныя! Сего ради припадаем ти и просим тепле: Приими нас, якоже чад твоих духовных, моляся о нас, грешных, да не ослабеет и не оскудеет в нас вера православная, единая истинная и спасительная, единая апостольская и чистая; да не угаснет в душах наших ревность святая о жизни богоугодней; да не охладеет в сердцах наших любы к Церкви Христовой, в Ней же все наше спасение; да не увлечет нас мир сей лукавый в сети своя многоразличныя. Буди нам, отче наш Серафиме, защитник, молитвенник и путевождь к жизни вечной, да твоими ходатайствы поспешествуемы, достигнем и мы, недостойнии, чертогов обителей светлых, идеже вкупе с тобою и всеми святыми водворимся, прославляя Троицу Святую, Отца, Сына, и Святаго Духа во веки веков. Аминь.

Тропарь, глас 8-й:

Крест приим свой, преподобне, радуяся,/ нераздельным помыслом последовал еси Христу./ Был еси купец воистину преславный,/ яко не земное, но небесное сокровище стяжа./ Сего ради спасеся тобою мнози, чада твоя, их же возлюбил еси./ И ныне, отче Серафиме, молися покаяние нам даровати и в разум истины прииити.

Святой преподобный Серафим Вырицкий – великий молитвенник и печальник земли Русской.

Источники

1. Жизнеописание в Бозе почившего старца-утешителя отца Варнавы, основателя и строителя Иверско-Выксунского женского монастыря. Сергиев Посад. 1907.

2. Филимонов В. П. Святой преподобный Серафим Вырицкий и Русская Голгофа. СПб. 2001.

3. Описание Иверско-Выксунского женского монастыря Нижегородской губернии Ардатовского уезда с письмами отца Варнавы духовника обители. М. 1895.

4. Введенский Д. И. Старец-утешитель отец Варнава. Издание Гефсиманского скита. Троице-Сергиева Лавра. 1907.

5. Загадочные случаи из жизни царя Николая II. Церковная жизнь. Париж. 1922. № 6.

6. Серафим (Роуз), иеромонах. Святое Православие XX век. М. 1992.

7. Троицкое слово. 1990. № 5.

8. Иверский Выксунский женский монастырь. Троице-Сергиева Лавра. 1990.

9. Георгий (Тертышников), архимандрит. Преподобный Варнава, старец Гефсиманского скита. Свято-Троицкая Сергиева Лавра. 1996.

10. Филимонов В. П. Преподобный Варнава Гефсиманский – духовный отец преподобного Серафима Вырицкого. Православный летописец Санкт-Петербурга. №№ 1–2. СПб. 2001.

11. Ефрем, иеромонах. Иверский, что на Выксе, женский монастырь и его основатель иеромонах Варнава. Издание Иверской Выксунской обители. Сергиев Посад. 1912.

12. Собрание писем святителя Игнатия Брянчанинова епископа Кавказского и Черноморского. М. – СПб. 1995.

13. Отечник, составленный епископом Игнатием (Брянчаниновым). СПб. 1891.

14. Духовник Царской Семьи святитель Феофан Полтавский. М. 1994.

15. Митрополит Трифон (Туркестанов). Проповеди и молитвы. Материалы к жизнеописанию. М. 1999.

16. Обитель на Выксе и ее устроитель преподобный Варнава. М. 2001.

17. Филимонов В. П. Торжества по случаю прославления преподобного Серафима Вырицкого чудотворца. Церковный Вестник. № 10. СПб. 2000.

18. Воспоминания внучки преподобного Серафима Вырицкого Маргариты Николаевны Набоко. Рукопись. СПб.

19. Воспоминания духовной дочери преподобного Серафима Вырицкого Веры Константиновны Берхман. Рукопись. СПб.

20. Воспоминания духовной дочери старицы схимонахини Марии (Маковкиной) Клавдии Георгиевны Петруненковой. Рукопись. СПб.

21. Воспоминания духовной дочери преподобного Серафима Вырицкого Наталии Николаевны Симаковой. Рукопись. СПб.

22. Монашеское делание. М. 1991.

23. Три слова о монашестве. СПб. 1888.

24. Старчество по учению святых отцев и аскетов. Семипалатинск. 1900.

25. Воспоминания монахини Вероники (Котляревской). Русская жизнь. Сан-Франциско. 1955.

26. Сочинения епископа Игнатия (Брянчанинова). СПб. 1905.

27. Лествица преподобного отца нашего Иоанна. Свято-Троицкая Сергиева Лавра. 1898.

28. Жизнь пустынных отцев. Свято-Троицкая Сергиева Лавра. 1898.

29. Преподобного отца нашего аввы Дорофея душеполезные поучения и послания. Калуга. 1895.

30. Творения иже во святых отца нашего Тихона Задонского. М. 1889.

31. Писания преподобного отца Иоанна Кассиана Римлянина. М. 1892.

32. Отец Иоанн Журавский. Тайна Царствия Божия. Рига – СПб. 1995.

33. Невидимая брань. Блаженной памяти старца Никодима Святогорца. М. 1904.

34. Пастырские искушения. СПб. 1995.

35. Святой отец наш Максим Исповедник. О любви в четырех сотнях. М. 1845.

36. О благодати Божией. Творение святителя Феофана Полтавского. СПб. 1996.

37. В. Н. Лосский. Очерк мистического богословия Восточной Церкви. М. 1991.

38. Святитель Игнатий (Брянчанинов), епископ Ставропольский. О кончине мира. СПб. 1992.

39. Протоиерей Иоанн Ильич Сергиев (Кронштадтский). Созерцания и чувства христианской души. СПб. 1905.

40. Антонов В. В., Кобак А. В. Святыни Санкт-Петербурга. СПб. 1996.