Сотница из «Апокалипсиса» Иоанна Богослова

1. Откровение Иисуса Христа открыто было возлюбленному апостолу Иоанну через Ангела Божия, дабы показать, что должно быть (1, 1–3).

2. Иисус Христос есть свидетель верный, первенец из мертвых и князь царей земных, любящий ны и омывший нас от грех наших Кровию Своею, и сотворил есть нас цари и иереи Богу и Отцу Своему. Тому слава и держава во веки веков. Аминь (1, 5–6).

3. Се, грядет со облаки, и узрит Его всяко око и иже Его прободоша, и плач сотворят о Нем вся колена земная. Ей, аминь. Аз есмь Альфа и Омега, начаток и конец, глаголет Господь, Cый, и Иже бе, и Грядый, Вседержитель (1, 7–8).

4. Сам Господь говорит: Аз есмь Первый и Последний, и Живый. И бых мертв, и се, жив есмь во веки веков, аминь. И имам ключи ада и смерти (1, 17–18).

5. Таинство семи звезд и семи светильников есть семь Церквей с их Ангелами (1, 20).

6. Дух Святой глаголет церквам: побеждающему дам ясти от древа животнаго, еже есть посреде рая Божия (2, 7).

7. Буди верен даже до смерти, и дам ти венец живота. Побеждаяй не имать вредитися от смерти вторыя (2, 10–11).

8. Побеждающему дам ясти от манны сокровенныя, и дам ему камень бел, и на камени имя ново написано, егоже никтоже весть, токмо приемляй (2, 17).

9. Веру и любовь к Богу держите, дондеже прииду. И побеждающему и соблюдающему дела Моя до конца, дам ему власть на языцех, и упасет я жезлом железным, яко сосуды скудельничи сокрушатся, якоже и Аз приях от Отца Моего: и дам ему звезду утреннюю (2, 25–28).

10. Побеждаяй, той облечется в ризы белыя, и исповем имя его пред Отцем Моим и пред Ангелы Его (3, 5).

11. Яко соблюл еси слово терпения Моего, и Аз тя соблюду от годины искушения, хотящия приити на всю вселенную искусити живущия на земли (3, 10).

12. Се, гряду скоро: держи, еже имаши, да никтоже приимет венца твоего. Побеждающаго сотворю столпа в церкви Бога Моего, и напишу на нем имя Бога Моего и имя града Бога Моего, нового Иерусалима, сходящаго с небес от Бога Моего, и имя Мое новое (3, 11–12).

13. Яко ты еси окаянен и беден, и нищ и слеп и наг. Совещаю тебе купити от Мене злато разжжено огнем, да обогатишися, и одеяние бело, да облечешися, и да не явится срамота наготы твоея (3, 17–18).

14. Аз, ихже аще люблю, обличаю и наказую. Ревнуй убо и покайся. Се, стою при дверех и толку: аще кто услышит глас Мой и отверзет двери, вниду к нему и вечеряю с ним, и той со Мною (3, 19–20).

15. Побеждающему дам сести со Мною на престоле Моем, якоже и Аз победих и седох со Отцем Моим на престоле Его (3, 21).

16. И видел апостол Иоанн престол на небе и на нем седяща Сына Человеческого, и молнии, и громы, и гласы, и светильники, и двадцать четыре престола, и море и слышал пение чудное: Свят, Свят, Свят Господь Бог Вседержитель, Иже бе, и Cый, и Грядый. Достоин еси, Господи, прияти славу и честь и силу, яко Ты еси создал всяческая, и волею Твоею суть, и сотворена (4, 8, 11).

17. И видел апостол-тайнозритель, что никтоже можаше ни на небеси, ни на земли, ниже под землею разрешити печати книги Откровения о судьбах вселенной и Церкви, но только Иисус от колена Иудова, корень Давидов (5, 3–5).

18. И поют на небе песнь нову Христу Спасителю: Достоин еси прияти книгу и отверзти печати ея, яко заклался, и искупил еси Богови нас Кровию Своею от всякаго колена и языка и людий и племен, и сотворил еси нас Богови нашему цари и иереи, и воцаримся на земли (5, 9–10).

19. И тысячи тысяч разумных созданий взывали: Достоин есть Агнец заколенный прияти силу и богатство, и премудрость и крепость, и честь и славу и благословение (5, 11–12).

20. Седящему на престоле и Агнцу благословение и честь, и слава и держава во веки веков на небеси и на земли, и под землею и на мори, – так взывало всяко создание гласом великим (5, 12–13).

21. Ангел прииде и ста пред алтарем, имеяй кадилницу злату, и даны быша ему фимиами мнози, да даст молитвам святых всех на олтарь – ибо молитвами мир сохраняется (8, 3).

22. Горе, горе, горе живущим на земли, ибо угасает молитва и благочестие (8, 13).

23. И разрешени быша четыри Ангели при реце Евфрат, уготовани на час и день, и месяц и лето, да избиют третию часть человек (9, 15).

24. Во дни гласа седмаго Ангела скончается тайна Божия (10, 7).

25. И дам обема свидетелема Моима, и прорицати будут дний тысящу двесте и шестьдесят (11, 3).

26. Сии (Илия и Енох) суть две маслицы и два свещника пред Богом (11, 4).

27. И иже им неправду сотворит, огнь исходит из уст их и пояст враги их (11, 5).

28. И сии имут область затворити небо, да не снидет дождь (на землю) во дни прорицания их (11, 6).

29. И убиют их, и трупы их оставят на стогнах города великаго Иерусалима (11, 8).

30. И телеса их дни три и пол оставят непогребенными по злобе (11, 9–10).

31. Дух животен внидет в ня от Бога, и станут (оба) – Илия и Енох – на ногах своих, и страх велий нападет на зрящих их (11, 11).

32. И взыдоста оба на небо по гласу Божию на облацех, и бысть трус велий (11, 12–13).

33. И седмый Ангел воструби, и быша гласи велицы на небесех, глаголюще: бысть царство мира Господа нашего и Христа Его, и воцарится во веки веков (11, 15).

34. И был глас: Хвалим Тя, Господи Боже Вседержителю, Иже Cый и бе и Грядый, яко приял еси силу Твою великую и воцарился еси (11, 17).

35. И отверзеся храм Божий на небеси, и явися кивот завета Его в храме Его (11, 19).

36. И явися знамение: змий велик чермен, имея глав седмь и рогов десять, и на главах его седмь венец, и хобот его отторже третию часть звезд небесных (падших демонов). И Михаил Архангел, и Ангелы его брань сотвориша со змием (12, 1–7).

37. Змий великий, змий древний, нарицаемый диавол и сатана, и низвержены ангелы его на землю (12, 9).

38. Сего ради веселитеся, небеса и живущии на них. Горе живущим на земли и мори, яко сниде диавол к вам, имея ярость великую, ведый, яко время мало имать (12, 12).

39. И на земли поклонишася зверю, и дана быша ему уста глаголюща велика и хульна, и дана бысть ему область творити месяц четыредесять два (13, 5).

40. И отверзе уста своя в хуление к Богу, хулити имя Его и селение Его и живущих на небеси (13, 6).

41. И дано бысть ему брань творити со святыми и победити я (13, 7).

42. И дана бысть ему область на всяцем колене (людий) и на языцех и племенех (13, 7).

43. И поклонятся ему еси живущии на земли, имже не написана суть имена в книгах животных Агнца, заколенаго от сложения мира (13, 8).

44. И видех инаго зверя восходящаго от земли, и имеяше рога два, подобна агнчим (уподобляясь Предтече), и глаголаше яко змий (13, 11).

45. И власть перваго зверя всю творяше пред ним: и творяше землю и вся живущия на ней поклонитися первому зверю, емуже изцелена бысть язва смертная (13, 12).

46. И сотворит чудеса велика, да и огнь сотворит сходити с небесе на землю пред человеки (13, 13).

47. И льстит живущия на земли, ради знамений, яже дана быша ему пред зверем творити, глаголя живущим на земли, сотворити образ зверю, иже иматъ язву оружную и жив бысть (13, 14).

48. И дано бысть ему дати дух образу зверину, да проглаголет икона зверина и сотворит, да иже аще не поклонятся образу звериному, убиени будут (13, 15).

49. И сотворит вся малыя и великия, богатыя и убогая, свободныя и работныя, да даст им начертание на десной руце или на челех их (13, 16).

50. Да никтоже возможет ни купити, ни продати, токмо кто имать начертание, или имя зверя, или число имени его (13, 17).

51. И видех Ангела паряща посреде небесе, имущаго Евангелие вечно благовестити живущим на земли и всякому племени и языку, и колену и людем, глаголюща: убойтеся Бога и дадите Ему славу, яко прииде час суда Его, и поклонитеся Сотворшему небо и землю, и море, и источники водныя (14, 6–7).

52. И третий Ангел вслед иде, глаголя: иже аще кто покланяется зверю и иконе его и приемлет начертание на челе своем или на руце своей, и той иматъ пити от вина ярости Божия (14, 9–10).

53. Зде есть терпение святых, иже соблюдают заповеди Божия и веру Иисусову (14, 12).

54. Блажени мертвии, умирающии о Господе отныне. Ей, глаголет Дух, да почиют от трудов своих: дела бо их ходят вслед с ними (14, 13).

55. И знамение явлено: море сткляно смешено со огнем, и победившия зверя и образ его, и начертание его, и число имени его, стоящия на мори стклянем, имущия гусли Божия, и пояху песнь Моисея раба Божия и песнь Агнчу, глаголюще: велия и дивна дела Твоя, Господи Боже Вседержителю, праведни и истинни путие Твои, Царю святых (15, 1–3).

56. Кто не убоится Тебе, Господи, и прославит имя Твое, яко един преподобен еси, яко вси языцы приидут и поклонятся пред Тобою, яко оправдания Твоя явишася (15, 4).

57. И се, отверзеся храм скинии свидения на небеси, и наполнися храм дыма от славы Божия и от силы Его (15, 5–8).

58. Первый Ангел излия фиал свой на землю, второй – в море, и третий излия фиал свой на реки и на источники водныя, глаголюще: праведен еси, Господи, Cый и Иже бе, и преподобен, яко сия судил еси, зане кровь святых и пророк излияша (16, 2–6).

59. Четвертый Ангел излия фиал свой на солнце: и дано бысть ему опаляти человеки огнем, зноем великим (16, 8–9).

60. Пятый Ангел излия фиал свой на престол зверин, и шестой излия на реку велику Евфрат: и изсяче вода ея, да уготовится путь царем сущим от восток солнечных (16, 10–12).

61. И видех из уст змия и из уст зверя и из уст лжаго пророка духи три нечистыя яко жабы исходящия: суть бо дуси демонстии творяще знамения, иже исходят к царем всея вселенныя, собрати я на брань в день той великий Бога Вседержителя (16, 13–14).

62. Блажен бдяй и блюдый ризы своя, да не наг ходит (16, 15).

63. И собра их на место нарицаемое еврейски Армагеддон (16, 16).

64. Седмый Ангел излия фиал свой на воздух, и бысть трус велик и град (16, 17–21).

65. Жена, сидящая на звере с семью главами и десятью рогами, с надписанием на челе ея: тайна, Вавилон великий – есть град великий, иже имать царство над цари земными (17, 3–4, 18).

66. Седмь глав горы суть седмь, идеже жена (город) седит на них (17, 9).

67. И десять рогов – десять царей суть, яко цари царство на един час приимут (17, 12).

68. Воды, идеже любодейца (город) седит, людие и народи суть, и племена и языцы (17, 15).

69. И десять рогов, сии любодейцу возненавидят, и запустевшу сотворят ю и нагу, и плоть ея снедят, и сожгут ю (град) огнем (17, 16).

70. Бог бо дал есть в сердца их, сотворити волю Его, и дати царство Свое зверю, дондеже скончаются глаголы Божии (17, 17).

71. Ангел возопи: Паде, паде Вавилон великий. И слышах глас с небесе: изыдите из нея, града, людие Мои, да не причаститися грехом ея и от язв ея да не вредитеся, яко прилепишася греси ея даже до небесе, и помяну Бог неправды ея (18, 1–5).

72. И глас изыде от престола: пойте Богу нашему, вси раби Его и боящиися Его, и малии и велицыи, аллилуиа. Блажени званнии на вечерю брака Агнча – сия словеса истинна Божия суть (19, 5–6, 9).

73. И видех Иоанн небо отверсто, и се, конь бел, и седяй на нем Верен и Истинен, и Правосудный и Воинственный, и облечен в ризу червлену кровию. И нарицается имя Его Слово Божие (19, 11–13).

74. И имя – Царь царем и Господь господем (19, 16).

75. И видех зверя и цари земныя и вои их собраны сотворити брань с Седящим на кони. И ят быстъ зверь и с ним лживый пророк, сотворивый знамения пред ним, имиже прельсти приемшия начертание зверино и покланяющияся иконе его: жива ввержена быста оба в езеро огненное горящее жупелом (19, 19–20).

76. Воскресение первое, толкуют отцы, есть Крещение водой и Духом во имя Отца и Сына и Святаго Духа, а воцарение со Христом на тысячу лет – время от Крещения Самого Христа и сошествия Святого Духа до дня земной Церкви и воскресения общего.

77. Воскресшие душой в Крещении, по учению свт. Иоанна Златоуста, не боятся смерти второй, посему блажен и свят, иже имать часть в воскресении первем: на нихже смерть вторая не имать области, но будут иерее Богу и Христу и воцарятся с Ним тысящу лет – период Церкви Христовой на земле (20, 6).

78. И егда скончается тысяща лет, разрешен будет сатана от темницы своея и изыдет прельстити языки сущия на четырех углех земли, Гога и Магога, собрати их на брань, ихже число яко песок морский. И взыдоша на широту земли и обыдоша святых стан и град возлюбленный. И сниде огнь от Бога с небесе и пояде я (20, 7–9).

79. И диавол льстяй их ввержен будет в езеро огненно и жупелно, идеже зверь и лживый пророк, и мучени будут день и нощь во веки веков (20, 10).

80. И видех мертвецы стояща пред Богом, и суд прияша мертвецы от написаных в книгах, по делом их. И даде море мертвецы своя, и смерть и ад даша своя мертвецы, и суд прияша по делом своим, и смерть и ад ввержена быста в езеро огненное. И се, есть вторая смерть. И иже не обретеся в книзе животней написан, ввержен будет в езеро огненное (20, 12–15).

81. И видех Иоанн небо ново и землю нову, и Иерусалим сходящ от Бога с небесе: се, скиния Божия с человеки, и вселится с ними, и тии людие Его будут, и Сам Бог будет с ними Бог их. И отымет Бог всяку слезу от очию их, и смерти не будет ктому: ни плача, ни вопля, ни болезни не будет ктому (21, 1–4).

82. И рече Седяй на престоле: се, нова вся творю. Совершишася. Аз семь Альфа и Омега, начаток и конец (21, 5–6).

83. Аз жаждущему дам от источника воды животныя туне (21, 6).

84. Побеждаяй наследит вся, и буду ему Бог, и той будет Мне в сына (21, 7).

85. Страшливым же и неверным, и скверным и убийцам, и блуд творящим и чары творящим, идоложерцем и всем лживым, часть им в езере горящем огнем и жупелом, еже есть смерть вторая (21, 8).

86. И Ангел показа град великий, святый Иеру салим низходящ с небесе от Бога, имущ врат дванадесять (21, 10–12).

87. Долгота и широта и высота его равна суть, на стадий дванадесять тысящ (21, 16).

88. И размери стену его во сто и четырeдесять и четыри лакти, в меру человеческу, яже есть Ангела (21, 17).

89. И храма не видех в нем: Господь бо Бог Вседержитель храм ему есть, и Агнец (21, 22).

90. И град не требуя солнца и луны, да светят в нем, слава бо Божия просвети его, и светильник его Агнец (21, 23).

91. И языцы спасени во свете его пойдут, и царие земстии принесут славу и честь свою в него (21, 24).

92. И врата его не имут затворитися во дни, нощи бо не будет ту (21, 25).

93. И принесут славу и честь языков в него, токмо написанныя в книгах животных Агнца (21, 26–27).

94. И показа чисту реку воды животныя, светлу яко кристалл, исходящу от престола Божия и Агнча (22, 1).

95. Посреде стогны его и по обаполы реки древо животное, еже творит плодов дванадесяте, на кийждо месяц воздая плод свой: и листвие древа во изцеление языком, и престол Божий и Агнеч будет в нем, и раби Его послужат Ему (22, 2–3).

96. И узрят лице Его, и имя Его на челех их. И нощи не будет тамо, и не потребуют света от светилника, ни света солнечнаго, яко Господь Бог просвещает я, и воцарятся во веки веков (22, 5).

97. Не запечатлей словес пророчествия книги сея, яко время близ есть. Обидяй да обидит еще, и скверный да сквернится еще, и праведный правду да творит еще, и святый да святится еще (22, 10–11).

98. И се, гряду скоро, и мзда Моя со Мною, воздати коемуждо по делом его. Аз еcмь Альфа и Омега, начаток и конец, первый и последний (22, 12–13).

99. Блажени творящии заповеди Его, да будет область им на древо животное, и враты внидут во град. И Дух и невеста глаголют: прииди, и слышай да глаголет: прииди. И жаждяй да приидет, и хотяй да приимет воду животную туне (22, 14, 17).

100. Ей, гряду скоро, аминь, – глаголет свидетельствуяй сия.

Ей, гряди, Господи Иисусе. Благодать Господа нашего Иисуса Христа со всеми вами. Аминь (22, 20–21).