Досто́йно есть я́ко вои́стинну блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без изстле́ния Бо́га Сло́ва ро́ждшую, су́щую Богоро́дицу Тя велича́ем.

Отче наш, Иже еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. (Трижды)

Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́на Ты в жена́х, и благослове́н Плод чре́ва Твоего́, я́ко Спа́са родила́ еси́ душ на́ших. (Трижды)

Ве́рую во еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, Иже от Отца рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, Имже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы, и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, Иже от Отца́ исходя́щаго, Иже со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Два поясных поклона с молитвой:

Го́споди Иису́се Христе́, Сы́не Бо́жий, поми́луй мя, гре́шнаго!

Один поясной поклон с молитвой:

Го́споди Иису́се Христе́, Сы́не Бо́жий, поми́луй нас, гре́шных!

Два поясных поклона с молитвой:

Го́споди Иису́се Христе́, Сы́не Бо́жий, Госпоже́ю Де́вою Мари́ею Богоро́дицею поми́луй мя, гре́шнаго!

Один поясной поклон с молитвой:

Го́споди Иису́се Христе́, Сы́не Бо́жий, Госпоже́ю Де́вою Мари́ею Богоро́дицею поми́луй нас, гре́шных!

Два поясных поклона с молитвою:

Преподо́бне о́тче наш, Серафи́ме, моли́ Бо́га о мне, гре́шном!

Один поясной поклон с молитвой:

Преподо́бне о́тче наш Серафи́ме, моли́ Бо́га о нас!

Затем, стоя на коленях, 12 поясных поклонов с молитвой:

Го́споди Иису́се Христе́, Бо́же наш, поми́луй нас, гре́шных!

12 поясных поклонов с молитвой:

Влады́чице моя́, Пресвята́я Богоро́дице, спаси́ нас, гре́шных!

12 поясных поклонов с молитвой:

Преподо́бне о́тче наш Серафи́ме, моли́ Бо́га о нас!

Также, стоя на коленях, 12 поясных поклонов с молитвой:

Богоро́дице Де́во, ра́дуйся, Благода́тная Мари́е, Госпо́дь с Тобо́ю, благослове́на Ты в жена́х и благослове́н Плод чре́ва Твоего́, я́ко Спа́са родила́ еси́ душ на́ших.

Встав с колен, прочесть молитвы:

Отче наш, Иже еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Милосе́рдия две́ри отве́рзи нам, Благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.

Го́споди, сподо́би мне умере́ть христиа́нскою кончи́ною, не оста́ви мене́, Го́споди, на Стра́шнем Суде́ Твое́м, и не лиши́ Ца́рствия Небе́снаго.

Цари́це Небе́сная, не оста́ви мене́!