(празднование 2/15 июня)

О святы́й уго́дниче Божий, великому́чениче Иоа́нне! По́двигом добрым подвиза́вся на земли́, восприя́л еси́ на небесе́х вене́ц правды, его́же угото́вал есть Господь всем лю́бящим Его. Те́мже взира́юще на святы́й твой о́браз, ра́дуемся о пресла́внем сконча́нии жи́тельства твоего́ и чтим святу́ю па́мять твою. Ты же, предстоя́ Престо́лу Бо́жию, приими́ моле́ния наша и ко Всеми́лостивому Богу принеси́, о е́же прости́ти нам вся́кое прегреше́ние и помощи́ нам ста́ти проти́ву ко́знем диа́вольским, да изба́вльшеся от скорбе́й, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твоим, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Своих сла́вимаго Бога, Отца и Сына и Свята́го Духа, ныне и при́сно и во веки веков. Аминь.