(30 июля/12 августа)

О пресла́вный уго́дниче Христов Иоа́нне Во́ине! Храбр был еси́ в ра́тех, враго́м прогони́тель и оби́димых засту́пник, ныне же и всем правосла́вным христиа́ном ско́рый помо́щник явля́ешися. Помяни́ нас, гре́шных и недосто́йных, и заступи́ в беда́х и ско́рбех и печа́лех и во всякой злой напа́сти, и от всякаго зла́го и оби́дящаго челове́ка защити́ нас: тебе бо дана́ бысть от Бога благода́ть моли́тися за нас, гре́шных (имена), зле стра́ждущих.

О вели́кий побо́рниче, враго́в прогони́телю, христолюби́ваго во́инства покрови́телю и оби́димых засту́пниче, Иоа́нне Во́ине! Не забу́ди нас, гре́шных, моля́щихся тебе и твоея по́мощи и неоску́дныя ми́лости прося́щих, и сподо́би нас, гре́шных и недосто́йных, неизрече́нная блага́я от Бога получи́ти. Я́ко Тому́ подоба́ет всякая сла́ва, честь и поклоне́ние, Отцу и Сыну и Свято́му Ду́ху, ныне и присно и во веки веков. Аминь.