(1/14 февраля)

О святы́й му́чениче Христов Три́фоне, услы́ши ны́не и на всякий час моле́ние нас, рабов Божиих (имена), и предста́тельствуй о нас пред Господом. Ты не́когда дщерь царе́ву во гра́де Ри́ме, от диа́вола му́чиму, исцели́л еси́: си́це и нас от лю́тых его ко́зней сохрани́ во вся дни жития́ нашего, наипа́че же в день после́дняго нашего издыха́ния предста́тельствуй о нас. Моли́ Господа, да сподо́бит и нас прича́стники бы́ти присносу́щнаго весе́лия и ра́дости, да с тобою ку́пно удостои́мся сла́вити Отца и Сына и Свята́го Уте́шителя Ду́ха во веки веков. Аминь.