Глас 6-й

Иже Кресто́м огражда́еми, врагу́ противля́емся, не боя́щеся того́ кова́рства, ни лови́тельства: я́ко бо го́рдый упраздни́ся и попра́н бысть на дре́ве си́лою распя́таго Христа́. Крест Твой, Го́споди, освяти́ся: тем бо быва́ют исцеле́ния немощству́ющим грехми́, сего ра́ди Тебе́ припа́даем, поми́луй нас.

Глас 8-й

Го́споди, ору́жие на диа́вола Крест Твой дал еси́ нам, трепе́щет бо и трясе́тся, не терпя́ взира́ти на си́лу его́, я́ко мертвыя возставляет и смерть упраздни. Сего ради покланяемся погребению Твоему и востанию.