И́же доброде́телей подви́жник, я́ко и́стинный во́ин Христа́ Бо́га, на стра́сти вельми́ подвиза́лся еси́ в жи́зни вре́менней, в пе́ниих, бде́ниих же и поще́ниих о́браз быв твои́м ученико́м: те́мже и всели́ся в тя Пресвяты́й Дух, Его́же де́йствием све́тло укра́шен еси́. Но, я́ко име́яй дерзнове́ние ко Святеи́ Тро́ице, помина́й ста́до, е́же собра́л еси́ му́дре, и не забу́ди, я́коже обеща́лся еси́, посеща́я чад тво́их, Се́ргие, преподо́бне о́тче наш.