Милосердия двери отверзи нам, Благословенная Богородице, надеющиися на Тя, да не погибнем, но да избавимся Тобо́ю от бед, Ты бо еси спасение рода христианскаго.

Ра́дуйся, Едина Пречистая Мати Единаго Создателя, Го́спода, Бо́га и Спаса нашего, Иису́са Христа́!

Буди ми Ходатаица в день страшнаго испытания, егда предстану Престолу Нелицемернаго Судии, яко да огненнаго прещения муки избавлюся молитвами Твоими, Едина Благословенная.

Пресвятая Богородице, спаси нас!