Го́споди Иисусе Христе Бо́же наш, святаго апостола Твоего Петра от уз и темницы без всякаго вреда свободивый, приими от нас, недостойных рабов Твои́х, усердное моление сие, и простив нам вся согрешения наша, помяни рабов Твои́х (имя), в темницу всажденных, даруя им оставление прегрешений их, и молитвами святаго первоверховнаго апостола Петра, святаго праведнаго Симеона Богоприимца и святаго праведнаго Иосифа Прекраснаго, яко человеколюбец всесильною Твое́ю десницею от всякаго злаго обстояния их избави и на свободу изведи, яко милостив и человеколюбец Бог еси, и Тебе славу возсылаем Отцу, и Сыну и Святому Духу, ныне и присно и во веки веков. Ами́нь.