Молитва благодарственная святого праведного Иоанна Кронштадтского

Слава Тебе, Господи Иисусе Христе, Сыне Единородный Безначальнаго Отца, едине исцеляяй всяк недуг и всяку язю в людех, яко помиловал мя еси, грешнаго, и избавил еси мя от болезни моея, не попустив ей развитися и умертвите мене по грехом моим. Даруй мне отныне, Владыко, силу твердо творите волю Твою во спасение души моея окаянныя и во славу Твою со Безначальным Твоим Отцем и Единосущным Твоим Духом, ныне и присно и во веки веков. Аминь.

Благодарственная молитва великомученику и целителю Пантелеймону

Святый великомучениче, целителю и чудотворче Пантелеймоне, всеизрядный угодниче Божий и молитвенниче присный христиан православных! Достойно наречен еси Пантелеймоном, еже есть всемилостивый, яко, прияв от Бога благодать молитися за ны и болезни целити, ты богатно подаеши всем, к тебе притекающим, различный исцеления и вся к жизни временней и к спасению потребная; сего ради и мы, недостойнии, сподобившеся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усердие благодарим тя и подателя всех благ Господа Бога нашего о великих благодеяниих, от Него тобою нам бывших.

Приими убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас, немощных и грешных, твоей помощи и молитвеннаго ходатайства у Господа Бога нашего, Ему же подобает всякая слава, благодарение и поклонение, Отцу и Сыну и Святому Духу, ныне и присно и во веки веков. Аминь.

Литература

1. Молитвы утренние и на сон грядущий. М., 1912.

2. Д. И. Протопопов. Толковый молитвослов. СПб., 1915. Издание 12-е.

3. Протоиерей И. Бухарев. Краткое объяснение богослужения в вопросах и ответах. М., 1913.

4. Протоиерей Александр Соколов. Священная история Ветхого и Нового Заветов. СПб., 1896.

5. Православный молитвослов. Объяснения молитв. Издательство Московской Патриархии, М., 2001.

6. Служебник. Издательство Московской Патриархии. М., 2001.

7. Протоиерей Петр Смирнов. История. христианской Православной Церкви. СПб., 1903.

8. Священник Иоанн Анурьев. Объяснение церковных молитв детям. Первый год учения в начальных училищах. Вологда, 1884.