Последование канонов преподобному Паисию Великому и святому мученику Уару
Общее начало канонов
Молитвами святы́х оте́ц наших, Господи Иисусе Христе Сыне Божий, помилуй нас, аминь.
Святы́й Боже, Святы́й Крепкий, Святы́й Безсмертный, помилуй нас (читается трижды с крестным знамением и поясным поклоном).
Слава Отцу и Сыну и Святому Духу, и ны́не и при́сно и во ве́ки веко́в, аминь.
Пресвята́я Тро́ице, помилуй нас; Господи, очи́сти грехи́ на́ша; Влады́ко, прости беззако́ния на́ша; Святы́й, посети́ и исцели́ не́мощи на́ша и́мене Твоего́ ра́ди.
Господи, помилуй (трижды).
Слава, и ныне.
Отче наш, Иже еси на Небесе́х, да святи́тся имя Твое, да прии́дет Царствие Твое: да будет воля Твоя, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставляем должнико́м нашим; и не введи́ нас во искуше́ние, но изба́ви нас от лука́ваго.
Господи, помилуй (12 раз).
Слава, и ныне.
Прииди́те, поклони́мся Царе́ви нашему Богу (поклон).
Прииди́те, поклони́мся и припаде́м Христу, Царе́ви нашему Богу (поклон).
Прииди́те, поклони́мся и припаде́м Самому́ Христу, Царе́ви и Богу нашему (поклон).
Псалом 142
Господи, услы́ши моли́тву мою, внуши́ моле́ние мое во и́стине Твоей, услы́ши мя в пра́вде Твоей: и не вни́ди в суд с рабо́м Твоим, яко не оправди́тся пред Тобою всяк живы́й. Яко погна́ враг ду́шу мою: смири́л есть в зе́млю живо́т мой: посади́л мя есть в те́мных, яко ме́ртвыя ве́ка. И уны́ во мне дух мой, во мне смяте́ся се́рдце мое. Помяну́х дни дре́вния, поучи́хся во всех де́лех Твоих, в творе́ниих руку́ Твоею поуча́хся. Возде́х к Тебе ру́це мои: душа́ моя яко земля́ безво́дная Тебе. Ско́ро услы́ши мя, Господи, исчезе́ дух мой: не отврати́ лица́ Твоего от мене́, и уподо́блюся низходя́щим в ров. Слы́шану сотвори́ мне зау́тра ми́лость Твою, яко на Тя упова́х: скажи́ мне, Господи, путь, в о́ньже пойду́, яко к Тебе взях ду́шу мою. Изми́ мя от враг мои́х, Господи, к Тебе прибего́х. Научи́ мя твори́ти во́лю Твою, яко Ты еси Бог мой: Дух Твой благи́й наста́вит мя на зе́млю пра́ву. Имене Твоего ра́ди, Господи, живи́ши мя пра́вдою Твое́ю: изведе́ши от печа́ли ду́шу мою: и ми́лостию Твоею потреби́ши враги́ моя и погуби́ши вся стужа́ющия души́ моей: яко аз раб Твой есмь.
Слава, и ныне. Аллилуия, аллилуия, аллилуия, слава Тебе, Боже (трижды). Господи, помилуй (12 раз). Слава, и ныне. Бог Господь и явися нам, благословен Грядый во имя Господне.
Стих 1: Испове́дайтеся Го́сподеви, я́ко Благ, яко в век ми́лость Его́.
Припе́в: Бог Господь и явися нам, благословен Грядый во имя Господне.
Стих 2: Обышедше обыдоша мя и именем Господним противляхся им.
Припе́в: Бог Господь и явися нам, благословен Грядый во имя Господне.
Стих 3: Не умру, но жив буду и повем дела Господня.
Припе́в: Бог Господь и явися нам, благословен Грядый во имя Господне.
Стих 4: Камень, Егоже небрегоша зиждущий, Сей бысть во главу у́гла, от Господа быть Сей и есть дивен во очесех наших. Благословен Грядый во имя Господне.
Затем читаем Канон святому, которому молимся (стр. 452 и 475).
Канон преподобному Паисию Великому о умерших без покаяния (Начало канона на стр. 448)
Тропарь, глас 2-й
Боже́ственною любо́вию от ю́ности распала́емь, преподо́бне, вся кра́сная, я́же в ми́ре, возненави́де, Христа́ Единаго возлюби́л еси́, Сего́ ра́ди в пустыню всели́ся, иде́же сподо́бися Боже́ственнаго посеще́ния, Его́же неудо́бь зре́ти и Ангельскима очи́ма, паде́, поклони́ся. Вели́кий же Дарода́тель, я́ко Человеколю́бец, рече́ к тебе́: не ужаса́йся, возлю́бленный Мой, дела́ твоя́ уго́дна Мне, се даю́ тебе дар: о ко́емли́бо гре́шнице помо́лишися, отпу́стятся ему греси́. Ты же в чистоте́ се́рдца твоего́ возгоре́ся, прие́м во́ду и прикосну́ся Hеприкоснове́нному, умы́ но́зе Его́ и, во́ду пив, да́ром чуде́с обогати́ся, боля́щия исцеля́ти, бе́сы от человек отгоня́ти и гре́шники от му́ки моли́твою свое́ю избавля́ти. О преподо́бне о́тче Паи́сие, молю́ тя, да умо́лиши и о мне, я́коже тебе́ Бог обетова́, и́бо от сих гре́шник пе́рвый аз есмь, да даст ми Господь время покая́ния и прости́т мое согреше́ние, я́ко Благи́й и Человеколю́бец, да со всеми и аз воспою́ Ему: аллилуия (тропарь читаем дважды).
Cлава, и ныне: Вся паче смысла, вся преславная Твоя, Богородице, таинства: чистоте запечатанной и де́вству храниму, Мати позна́лася еси нело́жна, Бога ро́ждши Истиннаго, Того моли спастися душа́м нашим.
Псалом 50
Помилуй мя, Боже, по вели́цей милости Твоей, и по множеству щедро́т Твоих очи́сти беззаконие мое. Наипа́че омы́й мя от беззако́ния моего́ и от греха́ моего очи́сти мя: яко беззаконие мое аз знаю, и грех мой предо мно́ю есть вы́ну. Тебе Единому согреши́х и лука́вое пред Тобою сотвори́х: я́ко да оправди́шися во словесе́х Твоих и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя. Се бо и́стину возлюби́л еси, безве́стная и тайная прему́дрости Твоея́ яви́л ми еси. Окропи́ши мя иссо́пом, и очи́щуся: омы́еши мя, и па́че сне́га убелю́ся. Слу́ху моему́ да́си радость и веселие: возра́дуются ко́сти смире́нныя. Отврати́ лице Твое от грех моих и вся беззако́ния моя очи́сти. Сердце чи́сто сози́жди во мне, Боже, и дух прав обнови́ во утро́бе моей. Не отве́ржи мене́ от лица Твоего́ и Духа Твоего Свята́го не отыми́ от мене́. Возда́ждь ми радость спасения Твоего́ и Ду́хом Влады́чним утверди́ мя. Научу́ беззако́нныя путе́м Твоим, и нечести́вии к Тебе обратя́тся. Изба́ви мя от крове́й, Боже, Боже спасения моего́: возрадуется язы́к мой правде Твоей. Господи, устне́ мои отве́рзеши, и уста́ моя возвестя́т хвалу́ Твою. Яко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Жертва Богу дух сокруше́н: сердце сокруше́нно и смире́нно Бог не уничижи́т. Ублажи́, Господи, благоволе́нием Твоим Сио́на, и да сози́ждутся сте́ны Иерусали́мския: тогда благоволи́ши жертву правды, возноше́ние и всесожега́емая: тогда возложа́т на олта́рь Твой тельцы́.
Канон, глас 6-й
Песнь 1
Ирмо́с: Помо́щник и Покрови́тель бысть мне во спасе́ние, Сей мой Бог, и просла́влю Его, Бог отца́ моего, и вознесу́ Его, сла́вно бо просла́вися.
Преподобне отче Паисие, моли Бога о нас.
Иже вся умудря́ющему Богу моли́ся, преподо́бне о́тче, о рабе́ своем, да отве́рзет ми устне́ недосто́йнии и дви́гнет ми язык недоуме́нный, тесноту́ же и худогла́сие, о́тче, разве́рзи благода́тию и́же в тебе́ Cвята́го Ду́ха к пе́нию чуде́с твои́х.
Преподобне отче Паисие, моли Бога о нас.
Начну́ у́бо достохва́льное и душеполе́зное житие́ твое от младе́нства, и́же дре́вле Египет вели́каго во проро́цех произнесе́ Моисе́я, и́же к Богу присвое́нием и вели́кими чудесы́ просла́вися, та́ко втори́цею просла́влен показа́ся Египет тебе́ ра́ди, о́тче Паи́сие, честны́м и́менем твоим и многими доброде́тельми обогати́ся, е́же дарова́ тебе Господь, Его́же моли́, да спасет ду́ши на́ша.
Слава: В Ца́рство Небе́сное вшед у́зким путе́м и приско́рбным по за́поведи Владыки своего Христа, преподо́бне о́тче Паи́сие, широ́кий и простра́нный путь возненави́дев, распростра́ньшийся мрак ума моего отжени́, да возмогу́ ма́лое мое моле́ние принести в пречестну́ю память твою.
И ныне: Дух сокруше́н пода́ждь ми, Блага́я, смире́нно се́рдце, уму́ же чистоту́, и житию́ исправле́ние, и прегреше́нием оставле́ние.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Песнь 3
Ирмо́с: Утверди́, Господи, на ка́мени за́поведей Твоих подви́гшееся се́рдце мое, я́ко Еди́н Свят еси и Господь.
Преподобне отче Паисие, моли Бога о нас.
Ка́меню ве́ры, Петру апо́столу, уподо́бился еси, распя́тся ми́рови во всей жизни своей, преподо́бне Паи́сие, и но́зе свои невозвра́тно к Небе́сному ше́ствию упра́вил еси, и Го́рняго Иерусали́ма дости́гл еси, со святы́ми предстоя́ Святе́й Тро́ице, моли́ о мне Еди́наго Блага́го Человеколю́бца.
Преподобне отче Паисие, моли Бога о нас.
Благочести́ваго ко́рене пресве́тлая о́трасль, тебе избра́ Господь, Ангел рече́ ма́тери твоей: сей Богу уго́ден. Ты же, от младе́нства крест свой взем, невозвра́тным путе́м Тому́ после́дова и возраста́ше ле́ты и ра́зумом, ку́пно и благода́тию Бо́жиею. Моли́ да́ти ми отпуще́ние грехо́в.
Слава: О Влады́ко Господи Иису́се Христе́, кто не удиви́тся Твоему человеколю́бию, егда́ прии́де жела́ние препо до́бному и́ноческое житие́ получи́ти к де́ланию за́поведей Твоих, Твое́ю благода́тию, я́ко а́гнец непоро́чен, изведе́ся в пусты́ню, и дости́же слове́сных ове́ц, и введе́ся к па́стырю, блаже́нному Па́мве, и облече́ся в и́ноческий о́браз, в не́мже утверди́ и мене́, Господи, молитвами преподо́бнаго Паи́сия, к де́ланию за́поведей Твоих.
И ныне: Лю́тых мя мук, и тьмы кроме́шныя, и гее́нны Твоими молитвами сводоби́, Дево, и́маши бо во́лю и си́лу, Господа ро́ждшая, Еди́наго Преблага́го.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Господи, помилуй (трижды).
Седален, глас 2-й
Ду́шу связа́в любо́вию Христо́вою и земна́я возненави́дев вся, му́дре, водвори́лся еси, о́тче преподо́бне, в пусты́нях и гора́х, ра́зумнаго дре́ва вкуси́в, сла́вне, Ангельски просия́л еси́. Те́мже и мрак проше́д пло́ти своея́, тьму отгна́л еси́ бесо́в, Паи́сие, и́нокующим пе́рвый, моли Христа Бога грехо́в оставле́ние пода́ти чту́щим любо́вию святу́ю па́мять твою́.
Слава, и ныне: Ско́рый покро́в, и по́мощь, и ми́лость покажи́ на рабе́ Своем, Чи́стая, и во́лны укроти́ су́етных помышле́ний, и па́дшую мою ду́шу возста́ви, Богородице, вем бо, вем, я́ко мо́жеши, ели́ко хо́щеши.
Песнь 4
Ирмо́с: Услы́ша проро́к прише́ствие Твое́, Господи, и убоя́ся, я́ко хо́щеши от Девы роди́тися и челове́ком яви́тися, и глаго́лаше: услы́шах слух Твой и убоя́хся, слава си́ле Твоей, Господи.
Преподобне отче Паисие, моли Бога о нас.
Законострада́льческое житие́ от мя́гких ногте́й восприе́м, богому́дре Паи́сие, даже до конца пребы́л еси, яко Бо460 же́ственен до́блественник, вене́ц прия́л еси побе́ды от всех Ца́рствующаго, моли́твами свои́ми избавля́ти от му́ки гре́шники, от них же пе́рвый есмь аз, не забу́ди мене́.
Преподобне отче Паисие, моли Бога о нас.
Иму́ще тя моли́твенника кре́пка, блаже́нне Паи́сие, и обе́щника печа́льным, предста́теля, и побо́рника, и хода́тая благоче́стна, от вся́ких спаса́емся бед, напа́стей и обстоя́ний.
Слава: Ве́лию суде́б бе́здну име́яй, Той тебе́ рече́: се бо даю́ ти дар, да вся, е́же про́сиши от Отца Моего во имя Мое, да́стся тебе, о ко́ем-ли́бо гре́шнице помо́лишися, оста́вятся греси́ того́; сего́ ра́ди припа́даю тебе, о́тче Паи́сие, име́я бе́здну согреше́ний, да отпу́стит твои́ми моли́твами, Иже тебе́ обетова́, яко Благ и Человеколю́бец.
И ныне: Глаго́л провеща́й, егда́ пра́во и́мам суди́тися, Богороди́тельнице, к Сыну Твоему, Пренепоро́чная, да обря́щу Тя тогда́ Прибе́жище и Заступле́ние, мук всех избавля́ющи.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Песнь 5
Ирмо́с: От но́щи у́тренююща, Человеколю́бче, просвети́, молю́ся, и наста́ви и мене́ на повеле́ния Твоя, и научи мя, Спасе, творити волю Твою.
Преподобне отче Паисие, моли Бога о нас.
Посто́м удруча́я тело свое, о́тче Паи́сие, иногда́ по причаще́нии Те́ла и Кро́ви Христо́вы, я́ко Ангел, седмьдеся́ть дней без пи́щи теле́сныя пребы́л еси́, Боже́ственную держа́ву неизрече́нную име́я, и возмо́г в себе́ живо́тную содержа́ти си́лу благода́тию, па́че пи́щнаго укрепле́ния, сла́ва держа́ве Твоей, Господи.
Преподобне отче Паисие, моли Бога о нас.
Яко Иоа́нн Крести́тель, у́зким и приско́рбным путе́м ходи́ти произво́лил еси, но той на Иорда́не, узре́в Зижди́теля своего, устраши́ся и вопия́ше: не смею приступи́ти, се́но, Огню́; ты же, о́тче Паи́сие, в пусты́ни иногда́ я́вльшагося Господа не моги́й Пречи́стаго лица́ Его́ зре́ти, паде́, тре́петом одержи́м. Он же ти рече́: не устраша́йся, сию́ пусты́ню напо́лню спо́стники тебе́. С ни́миже молим тя, о́тче: не забу́ди нас, моли́твенник твоих, поми́лованным бы́ти.
Слава: Аз бо в нача́ле моя пред Тобою зрю согреше́ния и о моих беззакониих молю Твое милосердие, да прости́ши и покры́еши благоутро́бием Твоим мно́жество грехо́в моих и даждь ми про́чее жизни сея́ время безгрешно проводити, да, удо́бь на спасения стезю́ поте́к, безпреткнове́нно к до́брому концу́ дости́гну Твое́ю по́мощию, кроме́ бо Твоея́ помощи и наставле́ния ничто́же соверши́ти, и милость у Тебе́ получи́ти кто может.
И ныне: Ра́бское приношу Ти моле́ние, неразу́мный аз, и к Твоему прибегаю благоутро́бному милосе́рдию, не отврати́ мене́, Чи́стая, посра́млена.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Песнь 6
Ирмо́с: Возопи́х всем се́рдцем моим к Ще́дрому Богу, и услы́ша мя от а́да преиспо́дняго и возведе́ от тли живот мой.
Преподобне отче Паисие, моли Бога о нас.
Безду́шная тварь, Иорда́н, своего Творца устыде́ся, вопия́ше: не могу Безгре́шнаго омы́ти. Святы́й же ви́де Господа, прие́м во́ду, прикосну́ся Неприкоснове́нному, умы́ но́зе Его и, пив во́ду, прия́ дар цели́ти неду́ги и прогони́ти от человек бе́сы, сего́ ра́ди и мы припа́даем тебе, о́тче: молитвами твоими помилуй нас от всяких бесо́вских наведе́ний.
Преподобне отче Паисие, моли Бога о нас.
По сло́ву Господа нашего Иисуса Христа, обрето́хом тя, о́тче Паи́сие, великое прибежище, и заступника, и те́пла моли́твенника о гресе́х наших, я́коже пе́рвее не отве́рже и́нока преста́вльшася и христиа́нства отчужди́вшася, и во глубину́ а́дову па́губным безве́рием низве́дся, и, егда́ ощути́вся, прите́кша к тебе, да умо́лиши Всеми́лостиваго. Ще́дрый же Господь яви́ся тебе и глаго́ла: уго́дниче Мой, добро́ есть Моей любви подо́бяся, пече́шися о грешных, изволя́яй му́ки прия́ти за их избавле́ние.
Преподобне отче Паисие, моли Бога о нас.
Принесе́ся молитва твоя и слезы к Богу, яко благово́нный фимиа́м и жертва непоро́чна и благоприя́тна, и мене́ не забу́ди хода́тайством твоим ко Пресвяте́й Богоро́дице, сле́зы умиле́ния да́си ми, омы́й грехо́в моих бе́здну, изба́ви мя от сме́ртныя глубины́, и ненаде́ющимся пода́ждь ве́лию милость, и прости им согрешения.
Слава: Весь недоуме́нием одержи́м е́смь, егда́ прииму́ во уме́ той час страшный испыта́ния Судии́ и Бога, и пла́чуся, и се́тую, и рыда́ю, помина́я бе́здну зол моих. Те́мже спаси́, Человеколю́бче, моли́твами Твоего уго́дника преподо́бнаго Паи́сия и изба́ви мя му́ки, яко Благоутро́бен.
И ныне: От се́рдца стена́ния приноша́ю Ти, Пренепоро́чная, Твое́ прося́ благопребы́тное заступле́ние. Помилуй всестра́стную мою ду́шу, умилосе́рдися, Мати Многоми́лостиваго Бога, изба́вити мя Суда́ и е́зера о́гненнаго.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Господи, помилуй (трижды).
Слава, и ныне.
Кондак, глас 2-й
Жите́йских молв оста́вль, безмо́лвное житие́ возлюби́л еси, Крести́телю подо́бяся все́ми о́бразы, с ни́мже тя почита́ем, о́тче отце́в Паи́сие.
Икос
Христо́в глас услы́шав, ше́ствовал еси́ во след Того́ за́поведей, наг жития́ быв, отве́рг попече́ния, и вся стяжа́ния, и име́ния, и бра́тий свои́х, и любве́ ма́тере, богоно́се Паи́сие, еди́н в пусты́нях Бо́гови бесе́дуя ра́зумом, дарова́ния прия́л еси́, е́же ми посли́, в пе́снех пою́щему, отце́в нача́льниче Паи́сие.
Песнь 7
Ирмо́с: Согреши́хом, беззако́нновахом, непра́вдовахом пред Тобо́ю, ниже́ соблюдо́хом, ниже́ сотвори́хом, я́коже запове́дал еси нам, но не преда́ждь нас до конца́, отце́в Боже.
Преподобне отче Паисие, моли Бога о нас.
Мно́гих грехо́в испо́лнен аз, и твоя́ молитва, я́ко кади́ло благово́нно, испра́вися, о́тче, бе́здну грехов моих потреби́, 467 и буя́ющее море зла́го жития́ иссуши́, и напое́ние гне́вное отжени́, и целому́дренный ум молитвами твоими утверди́, о́тче Паи́сие.
Преподобне отче Паисие, моли Бога о нас.
Наста́вника тя и моли́твенника те́пла иму́ще и ско́раго помо́щника, я́ко сте́ну тве́рду, и забра́ло недви́жимо, и воево́ду кре́пка и непобеди́ма, мо́лим тя: не забу́ди моли́твенник твоих, избавля́я от вся́кия печа́ли и наве́т вра́жиих.
Преподобне отче Паисие, моли Бога о нас.
О чу́до ве́лие, во еди́н от дней седя́щу ти, о́тче Паи́сие, в пеще́ре, бысть ти глас, глаго́ляй: мир тебе, возлю́бленному Моему́ уго́днику. Ты же, возста́в со стра́хом и тре́петом одержи́м, паде́, поклони́ся и рече́: се раб Твой, Господи. Сего́ ра́ди мо́лим тя: моли́ Человеколю́бца, да спасе́т ду́ши на́ша.
Слава: Даждь ми, Христе́, ра́зум и терпе́ние, е́же не осужда́ти согреша́ющих с киче́нием фарисе́йским, но, я́ко мытаре́во покая́ние, приими́ и, яко блу́днаго сы́на, Боже, ве́чери Твоея́ досто́йна мя яви́, молитвами преподо́бнаго Паи́сия, и грехов прощение ми да́руй.
И ныне: Возни́кни, о стра́стная душе́, возста́ни, окаянная, бий из глубины в пе́рси и испусти́ слез исто́чники, да тя поми́лует, окаянную, Милосе́рдая Ма́ти Христа Бога.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Песнь 8
Ирмо́с: Его́же во́инства Hебе́сная сла́вят и трепе́щут Херуви́ми и Cерафи́ми, вся́ко дыха́ние и тварь, по́йте, благослови́те и превозноси́те во вся ве́ки.
Преподобне отче Паисие, моли Бога о нас.
Благода́рно приноси́мое тебе пение сие́ не пре́зри, о́тче Паи́сие, но па́че приими́ и ра́дости духо́вныя испо́лни, да без закосне́ния поклоню́ся твоему о́бразу, иде́же е́сть напи́сан, исцеле́ния всем подава́ющ.
Преподобне отче Паисие, моли Бога о нас.
Всепреподо́бному житию́ поревнова́в богоуго́дных оте́ц, и́же от ве́ка пожи́вших, о́тче Паи́сие, во смире́нии и по́стничестве Христа́ ра́ди, всю жизнь свою му́ченически сконча́л еси́, и от бесо́в нападе́ния мно́го претерпе́л еси, и сих победи́в. Сего́ ра́ди молю́ тя, о́тче: бу́йство, я́рость и небреже́ние молитвами твоими отри́ни от мене́.
Преподобне отче Паисие, моли Бога о нас.
Влады́ко Христе́ Боже Всеще́дрый, и́миже ве́си судьба́ми, даждь ми ненави́дети дея́ния лука́ваго, Ты бо еси Бог наш, реки́й: проси́те и прии́мете. Даждь любовь от всея́ души моея́, молитвами преподо́бнаго отца́ Паи́сия, твори́ти во́лю Твою спаси́тельную.
Слава: Молю Ти ся: на мне, гре́шнем, долготерпи́, Влады́ко, и не посецы́ мене́, яко непло́дное дре́во, посече́нием сме́рт470 ным, во огнь отсыла́я, но плодоно́сна мя сотвори́, молитвами преподо́бнаго умоле́н быва́я, вре́мя покая́ния ми даждь, яко Человеколю́бец.
И ныне: Струи́ низпосли́ слез и стена́ния от души́ сотвори́ ми, Чи́стая, внегда́ припа́дати Твоему покро́ву, яко да обря́щу разреше́ние грехо́в мои́х Твое́ю ми́лостию.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Песнь 9
Ирмо́с: Еже ра́дуйся от Ангела прии́мшая и ро́ждшая Созда́теля Своего́, Де́во, спаси́ Тя велича́ющия.
Преподобне отче Паисие, моли Бога о нас.
Ско́рый помо́щник был еси, преподо́бне, еще́ в жи́зни сей, иногда́ у преподо́бнаго ста́рца ученику́ в преслуша́нии уме́ршу и веде́ну во ад, он же припа́даше, прося́, да умо́лиши Всеще́драго о ученице́ его. Ты же, я́ко ско́рый послу́шник и любве́ храни́тель, наде́жду возложи́ ко Всеще́дрому Богу, простре́ся на молитву, и Той, Многоми́лостив и во обе́тех нело́жный, во́лю к боя́щимся Его сотвори́ и, молитву твою услы́шав, изведе́ ду́шу от а́да. Того ра́ди и аз, недосто́йный, припа́дая, молю тя: о́тче преподо́бне, молитвами твоими изба́ви мя му́ки и огня негаси́маго.
Преподобне отче Паисие, моли Бога о нас.
Бы́вша мя бе́сом смех, челове́ком уничиже́ние, пра́ведным рыда́ние, Ангелом плач, оскверне́ние возду́ху, и земли́, и вода́м, те́ло окаля́х и ум оскверни́х па́че сло́ва дея́ньми, аз враг Богу бых. Увы́ мне, согреши́х! Молитвами преподо́бнаго Паи́сия прости́ мя.
Слава: Яко впады́й в разбо́йники и уя́звен, так и аз впадо́х от мно́гих грехо́в, и уя́звена ми есть душа́, к кому́ прибе́гну пови́нный аз, то́кмо к Тебе, Милосе́рдому душа́м Врачу́, приими́ моле́бника те́пла преподо́бнаго Паи́сия и молитвами его изле́й на мя вели́кую Твою ми́лость.
И ныне: Прегреше́ния моя́ умно́жишася, преще́нию и Суду́ досто́ин, Чи́стая, припа́дая, зову́ Ти: пре́жде конца́ пода́ждь ми очище́ние, и умиле́ние, и нра́вов исправле́ние.
Моли Бога о нас, преподобне отче Паисие Великий, яко мы усердно к тебе прибегаем, скорому помощнику и молитвеннику о душах наших.
Или: Избави от муки вечныя усопшаго раба своего (имярек), преподобне отче Паисие Великий, яко вси по Бозе к тебе прибегаем, ты бо молиши о нас Христа Бога нашего.
Задостойник: Владычице, приими́ молитву раб Своих и избави нас от вся́кия ну́жды и печали, Ты еси, Богородице, Оружие наше и Стена, Ты еси Заступница и к Тебе прибегаем; Тя и ныне на молитву призываем, да изба́виши нас от врагов наших. Возвеличим Тя вси, Всенепорочную Матерь Христа Бога, Юже осени Дух Пресвятый. (Поклон земной.)
Трисвятое по Отче наш…
Тропарь, глас 2-й
Боже́ственною любо́вию от ю́ности распала́емь, преподо́бне, вся кра́сная, я́же в ми́ре, возненави́де, Христа́ Еди́наго возлюби́л еси́, Сего́ ра́ди в пусты́ню всели́ся, иде́же сподо́бися Боже́ственнаго посеще́ния, Его́же неудо́бь зре́ти и Ангельскима очи́ма, паде́, поклони́ся. Вели́кий же Дарода́тель, я́ко Человеколю́бец, рече́ к тебе́: не ужаса́йся, возлю́бленный Мой, дела́ твоя́ уго́дна Мне, се даю́ тебе дар: о ко́ем-ли́бо гре́шнице помо́лишися, отпу́стятся ему греси́. Ты же в чистоте́ се́рдца твоего́ возгоре́ся, прие́м во́ду и прикосну́ся Hеприкоснове́нному, умы́ но́зе Его́ и, во́ду пив, да́ром чуде́с обогати́ся, боля́щия исцеля́ти, бе́сы от человек отгоня́ти и гре́шники от му́ки моли́твою свое́ю из474 бавля́ти. О преподо́бне о́тче Паи́сие, молю́ тя, да умо́лиши и о мне, я́коже тебе́ Бог обетова́, и́бо от сих гре́шник пе́рвый аз есмь, да даст ми Господь время покая́ния и прости́т мое согреше́ние, я́ко Благи́й и Человеколю́бец, да со всеми и аз воспою́ Ему: аллилуия.
Cлава: кондак, глас 2-й: Житейских молв оставль, безмолвное житие возлюбил еси, Крестителю подобяся всеми образы, с нимже тя почитаем, отче отцев Паисие.
И ныне: Вся паче смысла, вся преславная Твоя, Богородице, таинства: чистоте запечатанной и девству храниму, Мати позналася еси неложна, Бога рождши Истиннаго, Того моли спастися душам нашим.
Господи, помилуй (40 раз).
Честнейшую Херувим… Слава, и ныне. Господи, помилуй (трижды). Господи, благослови. Господи Иисусе Христе Сыне Божий, молитвами Пречистыя Твоея.
Господи, помилуй (трижды).
И читаем трижды тропарь с поклонами: Покой, Господи, душу усопшаго раба Твоего (имярек) (поклон), и елико в житии сем яко человек согреши, Ты же, яко Человеколюбец Бог, прости его и помилуй (поклон), вечныя муки избави (поклон), Небесному Царствию причастника учини (поклон) и душам нашим полезная сотвори (поклон).
Канон мученику Уару о умерших, не приняв Святого Крещения (Начало канона на стр. 448)
Тропарь, глас 4-й
Во́инством святых страстоте́рпец стра́ждущих законне, зря о́нех, показа́л еси му́жески крепость свою, и устреми́вся на страсть во́лею, и умре́ти вожделе́ за Христа, Иже приял еси по́честь побе́ды твоего страдания, Уаре, моли спастися душам нашим (дважды).
Слава, и ныне.
Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь, и Крест волею нас ради восприим, имже воскреси́в первозда́ннаго и спасе́ от смерти души наша.
Псалом 50
Помилуй мя, Боже, по вели́цей милости Твоей, и по множеству щедро́т Твоих очи́сти беззаконие мое. Наипа́че омы́й мя от беззако́ния моего́ и от греха́ моего очи́сти мя: яко беззаконие мое аз знаю, и грех мой предо мно́ю есть вы́ну. Тебе Единому согреши́х и лука́вое пред Тобою сотвори́х: я́ко да оправди́шися во словесе́х Твоих и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя. Се бо и́стину возлюби́л еси, безве́стная и тайная прему́дрости Твоея́ яви́л ми еси. Окропи́ши мя иссо́пом, и очи́щуся: омы́еши мя, и па́че сне́га убелю́ся. Слу́ху моему́ да́си радость и веселие: возра́дуются ко́сти смире́нныя. Отврати́ лице Твое от грех моих и вся беззако́ния моя очи́сти. Сердце чи́сто сози́жди во мне, Боже, и дух прав обнови́ во утро́бе моей. Не отве́ржи мене́ от лица Твоего́ и Духа Твоего Свята́го не отыми́ от мене́. Возда́ждь ми радость спасения Твоего́ и Ду́хом Влады́чним утверди́ мя. Научу́ беззако́нныя путе́м Твоим, и нечести́вии к Тебе обратя́тся. Изба́ви мя от крове́й, Боже, Боже спасения моего́: возрадуется язы́к мой правде Твоей. Господи, устне́ мои отве́рзеши, и уста́ моя возвестя́т хвалу́ Твою. Яко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Жертва Богу дух сокруше́н: сердце сокруше́нно и смире́нно Бог не уничижи́т. Ублажи́, Господи, благоволе́нием Твоим Сио́на, и да сози́ждутся сте́ны Иерусали́мския: тогда благоволи́ши жертву правды, возноше́ние и всесожега́емая: тогда возложа́т на олта́рь Твой тельцы́.
Канон, глас 6-й
Песнь 1
Ирмо́с: Яко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Богу побе́дную песнь пои́м, вопия́ше.
Святы́й мучениче Уаре, моли Бога о нас.
Яви́лся еси на высоте́ Христо́вы Це́ркве, Уа́ре, я́коже солнце светлое, блиста́ньми просвеща́я твоих боре́ний, блаже́нне, земна́я исполне́ния.
Святый мучениче Уаре, моли Бога о нас.
Боже́ственныя любве́, всеблаже́нне, объя́т сла́дким раче́нием, отве́рглся еси́ себе́ и ко вся́кой му́це пло́тстей устреми́лся еси, кре́пко подвиза́вся.
Слава: Смы́сленно Боже́ственных подви́жник ю́зами связа́в себе, страстоте́рпче, и ле́стныя разори́л еси у́зы кре́пким терпе́нием многих мук.
И ныне: Пресу́щественное Сло́во во Твоем чре́ве па́че сло́ва всели́ся и, роди́вся Боголе́пно, му́ченическия ли́ки, Чи́стая, приведе́, с ни́миже песносло́вим Тя. Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Песнь 3
Ирмос: Несть свят, якоже Ты, Господи Боже мой, вознесы́й рог ве́рных Твоих, Бла́же, и утверди́вый нас на ка́мени испове́дания Твоего.
Святый мучениче Уаре, моли Бога о нас.
Вшел еси ра́зумом крепким в му́жественныя по́двиги, утверди́вся наде́ждами бу́дущих благи́х и му́чеников Христо́вых всему́дрыми, блаже́нне, поучении.
Святый мучениче Уаре, моли Бога о нас.
Во́инство святы́х страстоте́рпец, стра́ждущих зако́нне зря, о́нех показа́л еси му́жескую кре́пость, примеша́яся многообра́зным, Уа́ре, му́кам.
Слава: В полце́ свяще́ннем, Уа́ре, яко до́блий во́ин, обре́лся еси́ и ссек мно́жество му́жества мече́м, му́дре, ра́тным, побе́дами сла́вим.
И ныне: Дево Мати Божия, моего́ уны́ния глубоча́йшую тьму и о́блаки страсте́й просвеще́нием, е́же в Тебе, молю́ Тя, благода́ти, отжени́.
Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Господи, помилуй (трижды).
Седален, глас 1-й
Стра́сти чеcтны́х ви́дев му́чеников и тех лобза́в у́зы любо́вию, на высоту́ восте́кл еси свиде́тельства, всечу́дне, на дре́ве бо пове́шен, ра́ны претерпе́л еси́, до́ндеже в ру́ки Господни ду́ха пре́дал еси́.
Слава, и ныне: Упова́ние христиа́н, Пресвята́я Де́во, Егоже родила́ еси Бога, па́че ума́ и слова, непреста́нно моли́ о воспева́ющих Тя пода́ти оставле́ние грехо́в наших всех и исправле́ние жития́, ве́рою и любо́вию при́сно сла́вящим Тя.
Песнь 4
Ирмо́с: Христос моя сила, Бог и Господь, Честна́я Церковь Боголе́пно пое́т, взыва́ющи, от смысла чи́ста, о Господе пра́зднующи.
Святый мучениче Уаре, моли Бога о нас.
Святы́ми я́звами удобряемь, красне́йший яви́лся еси, и Богу, Уа́ре, возлю́блен, Венча́вшему твой верх, досточу́дне.
Святый мучениче Уаре, моли Бога о нас.
На кресте́, сла́вне, растяза́емь и на земли́ простира́емь, лю́тыя боле́зни претерпе́л еси. Тем неболе́зненную жизнь насле́довал еси, веселяся.
Святый мучениче Уаре, моли Бога о нас.
Зако́нно ви́дяще Боже́ственнии му́ченицы стра́ждуща тя, блаже́нне, терпе́ния словесы́ укрепля́ху, с ни́миже страсти до́лгия соверши́в, ублажи́лся еси.
Слава: Хвала́ми венча́ем Боже́ственныя му́ченики, яже венча́ благода́ть Боже́ственная Боже́ственными увязе́нии, низло́жших вра́жия высо́кая мудрова́ния.
И ныне: От ти́ны страсте́й, Владычице, возведи́ и стра́стных помышле́ний, отчужда́ющих мя Бога Еди́наго Чи́стаго, да верою ублажа́ю Тя.
Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Песнь 5
Ирмо́с: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, Истиннаго Бога, от мрака греховнаго взыва́юща.
Святый мучениче Уаре, моли Бога о нас.
Укрепля́ешися манове́ньми Боже́ственными и неосла́бная терза́ния терпи́ши до́блим смы́слом, Уа́ре, растерза́я го́рдаго се́рдце, зло́бу соде́лавшаго.
Святый мучениче Уаре, моли Бога о нас.
Сла́вный му́ченик, ви́дя отпа́дающия на зе́млю своя́ пло́ти, ра́довашеся, ве́чнующая ума́ све́тлостию и Боже́ственная возда́ния предпрозира́я.
Слава: Пою́ Тя, Господи Боже, и славосло́влю, и покланя́юся, благи́х сподобля́яся, угото́ванных Тебе возлю́бльшим, му́ченик в страда́нии те́пле зовя́ше.
И ныне: Явльшися Херуви́м и Серафи́м яко вои́стинну святе́йши, Всенепоро́чная, вся, ве́рно Тя ныне освяща́ющия, освяти́ и спаси́ хода́тайством Твоим.
Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Песнь 6
Ирмо́с: Жите́йское море, воздвиза́емое зря напа́стей бу́рею, к ти́хому приста́нищу Твоему прите́к, вопию́ Ти: возведи́ от тли живо́т мой, Многоми́лостиве.
Святый мучениче Уаре, моли Бога о нас.
Глаго́лов небре́гл еси пребеззако́ннаго врага́ и пла́мень претерпе́л еси нестерпи́мых боле́зней терпели́вно, многострада́льне Уа́ре, моле́бниче о хва́лящих тя ве́рою.
Святый мучениче Уаре, моли Бога о нас.
Не преста́ше мучи́тель пребезу́мный, ра́нами неми́лостивно сдробля́я тя, до́ндеже в ру́ки Божия свяще́нную твою ду́шу преда́л еси, добро́тами просве́щшуся по́двиг твоих.
Слава: Возвы́сился еси, подо́бяся на дре́ве Христу́, и на том ви́ся, твою ду́шу пре́дал еси Богу, тя венчава́ющу, страстоте́рпче, зако́нно до́блествовавша.
И ныне: Упра́ви, Владычице, в пучи́не лю́тых, обурева́емую всегда́ смире́нную ду́шу мою́, и к ти́хому приста́нищу напра́ви, несомне́нным ра́зумом Тя блажа́щую.
Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Господи, помилуй (трижды).
Слава, и ныне.
Кондак, глас 4-й
Христу после́дуя, мучениче Уаре, Того испи́в ча́шу, и венце́м муче́ния увязе́ся, и со Ангелы ликовству́еши: моли непрестанно за ду́ши наша.
Икос
Воспомяни́ наша глаго́лы, светлый жителю Небесный, Христов славный великомучениче Уаре, вечному покою тезоимени́тый, и великими твоими страда́нии непроходи́мое и светлое поко́ище приобре́тый: от непрехо́дныя темни́цы, и томле́ния непрестаннаго, и ну́жды потщи́ся богоприятными твоими молитвами изба́вити рабы́ умиле́нныя, и́хже ради молим тя, предстоя́ще и во усе́рдии взыва́юще, испо́лни наша прошения, свя́те, и Христа Бога моли непрестанно за души наша.
Песнь 7
Ирмо́с: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Боже оте́ц наших.
Святый мучениче Уаре, моли Бога о нас.
Просвеще́на тя подвиго́в приложе́ньми, предо́брая Клеопа́тра, Уа́ре, ску́тала есть, обре́тши сла́ву тобо́ю, ве́ры досто́йну я́ве, ю́же показа́ те́пле в твое́ сконча́ние.
Святый мучениче Уаре, моли Бога о нас.
Излива́ющи на тя сле́зы и ми́ры тя честны́ми помазу́ющи, сокрыва́ет тя под земле́ю всечестна́я жена́, погре́бшаго пре́лесть лука́вую и из гро́ба блиста́ньми просвеща́юща нас.
Слава: Не престая́ше, преподо́бне, угожда́ющи тебе, Христо́ву уго́днику, приснопа́мятная, до́ндеже яви́лся еси хода́тай ей, му́дре, Ца́рствия Hебе́снаго, его́же сподо́бися тобо́ю с любе́знейшим сыном.
И ныне: Сокруше́на мя безчи́сленными согреше́нии, Дево, хода́тайством Твои́м обнови́, уврачу́ющи мою ду́шу и сло́во подаю́щи, вопи́ти: благослове́на, Яже Бога пло́тию ро́ждшая.
Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Песнь 8
Ирмо́с: Из пла́мене преподо́бным ро́су источи́л еси и пра́веднаго же́ртву водо́ю попали́л еси, вся бо твори́ши, Христе́, то́кмо е́же хоте́ти: Тя превозно́сим во вся ве́ки.
Святый мучениче Уаре, моли Бога о нас.
Ма́терних послу́шав, му́чениче, моле́б, Небе́сному во́инству све́тло во́инствуя, 488 о́трока честна́го и твоего́ неотсту́пна показал еси благосла́вия неизрече́нным милосе́рдием.
Святый мучениче Уаре, моли Бога о нас.
От Еги́пта тя бога́тство я́коже многоце́нное принесе́, му́чениче, разбогатя́щи многоце́нными дарми́, Клеопа́тра, целе́нии всю Палести́ну, любо́вию тя почита́ющую.
Слава: Веселя́ся, по́двиги твоя соверши́л еси, во́ине до́блий Вседержи́теля, и яко победи́тель от Него венча́лся еси, Уа́ре всеблаже́нне, му́чеников вели́кая сла́во.
И ныне: Грехи́ прилага́ю ко грехо́м и бу́дущаго не бою́ся Стра́шнаго Суда́: победи́, Чи́стая, души́ моея́ ослепле́ние и, мольбо́ю Твое́ю обрати́вши, мя спаси́.
Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Песнь 9
Ирмо́с: Бога челове́ком не возмо́жно ви́дети, на Hего́же не сме́ют чи́ни Ангельстии взира́ти: Тобою бо, Всечистая, яви́ся челове́ком Сло́во воплоще́нно, Его́же велича́юще, с Небе́сными вои́ Тя ублажа́ем.
Святый мучениче Уаре, моли Бога о нас.
Кре́пость низложи́л еси ратобо́рца, Боже́ственною я́ве си́лою препоя́сався, страда́льче до́блий Уа́ре. Тем тя хва́лим, врачева́ние оби́льное от твоих моще́й ве́рнии почерпа́юще.
Святый мучениче Уаре, моли Бога о нас.
Яко свет, яко у́тро, яко вели́кое со́лнце в земны́я простре́ся па́мять твоя́ концы́, светоно́сными просвеща́ющи сия́ньми твои́х честны́х по́двиг вся, прехва́льне, и мрак серде́ц отгоня́щи.
Святый мучениче Уаре, моли Бога о нас.
С тобо́ю сия́юща ви́девши сла́вою мно́гою своего́ сы́на, чадолюби́вая, всех Бога велича́ше; тебе же и́скреннейше, му́чениче, сла́вяще, велича́йшаго предста́теля, я́вственно обогати́вшися.
Слава: Земля́, на не́йже терпели́вейшее те́ло твое́, му́дре, лежит, Боже́ственне освяти́ся, но даждь моли́твами твоими нам разреше́ние грехо́в, жития́ исправле́ние, Уа́ре, и всех неудо́бных избавле́ние.
И ныне: Явлься, Дево, из Тебе Господь, све́тлаго о́блака, еги́петския куми́ры вся́ческой па́губе предаде́; мно́жество же страстоте́рпцев Сего́ носи́ти сподо́би, Сего́ подража́тели честны́м Его страда́нием.
Моли Бога о нас, святый мучениче Уаре, яко мы усердно к тебе прибегаем, скорому помощнику и молитвеннику о душах наших.
Или: Избави от бед рабы своя, святый мучениче Уаре, яко вси по Бозе к тебе прибегаем, ты бо молиши о нас Христа Бога нашего.
Задостойник: Владычице приими молитвы раб Своих и избави нас от всякия нужды и печали, Ты еси, Богородице, Оружие наше и Стена, Ты еси Заступница, и к Тебе прибегаем; Тя и ныне на молитву призываем, да избавиши нас от врагов наших. Возвеличим Тя вси, Всенепорочную Матерь Христа Бога, Юже осени Дух Пресвятый. (Поклон земной.)
Трисвятое по Отче наш.
Тропарь, глас 4-й
Во́инством святых страстоте́рпец стра́ждущих законне, зря о́нех, показа́л еси му́жески крепость свою, и устреми́вся на страсть во́лею, и умре́ти вожделе́ за Христа, Иже приял еси по́честь побе́ды твоего страдания, Уаре, моли спастися душам нашим.
Слава: кондак, глас 4-й: Христу после́дуя, мучениче Уаре, Того испи́в ча́шу, и венце́м муче́ния увязе́ся, и со Ангелы ликовству́еши: моли непрестанно за ду́ши наша.
И ныне: Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь и, Крест волею нас ради восприим, имже воскресив первозданнаго и спасе от смерти души наша.
Господи, помилуй (40 раз).
Честнейшую Херувим. Слава, и ныне: Господи, помилуй (трижды). Господи, благослови.
Господи Иисусе Христе Сыне Божий, молитвами Пречистыя Твоея Матере и святаго мученика Уара и всех святых помилуй и спаси нас, яко Благ и Человеколюбец, аминь.
Господи, помилуй (трижды).
notes
