По традиции Сестричества св. мч. Татианы испытуемые сестры и помощницы сестер посвящаются на всенощном бдении после возгласа священника «Милостию и щедротами…» на полиелее. После оглашения места их будущего послушания и степени посвящения, освящения сестрических головных платов (платков), над ними вычитывается молитва «О том, чтобы с любовию ухаживать за болящими или введенными».

Господи, Иисусе Христе, Сыне Бога Живаго, Агнче Божий, вземляй грехи мира, Пастырю добрый, положивый душу Твою за овцы Твоя, Небесный врачу душ и телес наших, исцеляяй всякий недуг и всякую язву в людех Твоих! Тебе припадаю, помози мне, недостойной рабе Твоей. Призри, Многомилостиве на делание и служение мое, даждь мне быти верною в мале; послужити болящим Тебе ради, носити немощи немощных и не себе, но Тебе Единому угождати во вся дни живота моего. Ты бо рекл еси, о, Сладчайший Иисусе: «Понеже сотвористе единому от сих братии моих меньших, Мне сотвористе». Ей, Господи, суди мне, грешной, по сему глаголу Твоему, яко да сподоблюся творити благую Твою волю во отраду и утешение искушаемых, недугующих раб Твоих, ихже искупил еси честною Твоею Кровию. Низпосли мне благодать Твою, попаляющую во мне страстей терние, призвавый мя, грешную, на дело служения о Имени Твоем; без Тебе не можем творити ничесоже: посети убо нощию и искуси сердце мое внегда предстояти ми у возглавия болящих и низверженых; уязви душу мою Твоею любовию, вся терпящую и николиже отпадающую. Тогда возмогу, Тобою укрепляема подвигом добрым подвизатися и веру соблюсти, даже до последнего моего издыхания. Ты бо си Источник исцелений душевных же и телесных, Христе Боже наш, и Тебе, яко Спасителю человеков и Жениху душ, грядущему в полунощи, славу и благодарение и поклонение возсылаем, ныне, и присно, и во веки веков. Аминь.

После окончания молитвы служба продолжается обычным чином.

Сестры милосердия, посвящающиеся и возводимые на иерархическую ступень посвящаются более торжественно, чем испытуемые, по заамвонной молитве на Божественной литургии или по отпусте.

По отпусте Божественной литургии священник выходит на середину храма перед уготовленным на столе сестрическим облачением и аналоем и творит начало:

Иерей возглас: Яко Твое есть Царство…

Чтец: Аминь. Господи, помилуй (12 раз). Слава и ныне… Приидите, поклонимся… (трижды) Псалом 50-й. По сем: Аллилуиа, аллилуиа, аллилуиа, слава Тебе, Боже. (Трижды)

Лик: Господи, помилуй.

О еже благословити доброе намерение рабов Своих (или — раба Своего) (имярек): и благоизволити благополучно начати и спешно, кроме всякаго препятствия, во славу Свою скончати, силою, действом и благодатию Пресвятаго Духа, Господу помолимся.

О еже труждающымся делателем благопоспешство в сем подати, и дела рук их исправити и в совершение силою, действом и благодатию Пресвятаго Духа спешно произвести, Господу помолимся.

О еже ко благому тщанию рабов Своих (или — раба Своего) (имярек), благопоспешство со всяким довольством, силою, действом и благодатию Пресвятаго Своего Духа подати, Господу помолимся.

О еже приставити делу сему и делателем Ангела-хранителя, еже невидимо отразити вся противныя вещи, видимых и невидимых врагов, и во всем благопоспешство, к сооружению же мудрость, и к совершению силу, силою, действом и благодатию Пресвятаго Своего Духа подати, Господу помолимся.

Таже: О избавитися нам… И прочая.

Иерей возглас: Яко подобает Тебе всякая слава…

По сем диакон: Глас 4-й: Бог Господь…

Тропарь:

Творче и Создателю всяческих, Боже, дела рук наших, к славе Твоей начинаемая, Твоим благословением спешно исправи, и нас от всякаго зла избави, яко Един всесилен, и Человеколюбец.

Глас 4-й:

Агница Твоя, Иисусе, Татиано зовет велиим гласом: Тебе, Женише мой, люблю, и Тебе ищущи страдальчествую и сраспинаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою. Но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Слава, глас 3-й:

И ныне, глас 6-й:

Диакон: Вонмем. Премудрость. Вонмем.

Чтец: Прокимен, глас 4-й:

Стих: И призри на рабы Твоя и на дела Твоя.

Братие, якоже всегда послушаете мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте. Бог бо есть дейстуяй в вас, и еже хотети, и еже деяти о благоволении. Вся творите без роптания и размышления, да будете неповиннии и цели, чада Божия непорочна посреде рода строптива и развращена, в нихже являетеся якоже светила в мире, слово животно придержаще, в похвалу мне в день Христов.

По Апостоле: Аллилуиа. (Трижды)

Диакон: Премудрость, прости, услышим Святаго Бвангелиа.

Иерей: Мир всем.

Лик: И духови твоему.

Иерей: От Матфея Святаго Евангелиа чтение.

Лик: Слава Тебе, Господи, слава Тебе.

Диакон: Вонмем.

Во время оно призвах Иисус обанадесять ученики Своя, даде им власть на дусех нечистых, яко да изгонят их, и целити всяк недуг и всяку болезнь. Сия обанадесять посла Иисус, заповеда им, глаголя: на путь язык не идите и во град самарянский не внидите: идите же паче ко овцам погибшым дому Израилева: ходяще же проповедуйте, глаголюще, яко приближися Царствие Небесное: болящыя изцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите. (Мф. 10, 5–8)

Кондак: Не имамы…

Достойно есть.

Диакон: Господу помолимся.

Лик: Господи, помилуй.

Священник: Создателю и Содетелю человеческаго рода, Дателю благодати духовныя, Подателю вечнаго спасения, Сам, Господи, поели Духа Твоего Святаго с вышним благословением, призри, Господи, на сестрические облачения сии, яко да вооружена силою небеснаго заступления хотящим их употребляти, помощна будут к телесному спасению и заступлению и помощи, о Христе Иисусе Господе нашем. Аминь.

После молитвы священник трижды кропит сестрические облачения.

Далее следует поименное оглашение сестер милосердия с указанием имени сестры, на каком отделении, какой больницы благословлено послушание, степень посвящения (испытуемая, помощница сестры, сестра милосердия).

Получив облачение из рук священника, сестра следует к посвященным сестрам. Те помогают ей облачиться и по очереди христосуются с ней трижды, после чего новопосвященная сестра занимает свое место. После посвящения всех сестер те из них, которые решили принести «Обет милосердия» Богу, становятся рядом с аналоем.

Священник зачитывает «Обет» по предложениям.

Во имя Отца и Сына и Святаго Духа. Аминь.

Я, недостойная раба Божия (имярек), вступая в общину сестер милосердия во имя Святой мученицы Татианы даю обещание перед Богом, перед Святым Его Евангелием и Честным Крестом неуклонно выполнять обязанности сестры милосердия, стараться проходить это служение с искренним безкорыстием, смирением, самоотвержением, усердием, любовию к ближнему моему и послушанием поставленному надо мною начальству. По долгу христианского служения буду заботиться не только о телесном здравии, но и о душевном спасении тех, кто вверен моему попечению, молиться за них Богу и Господу нашему Иисусу Христу и Пречистой Матери Его, Радости всех скорбящих, и по моим возможностям свидетельствовать о вере и стараться располагать людей к вере, молитве и покаянию.

Где бы и в каком бы положении я ни оказалась, буду до конца своей жизни стараться помогать болящим и страждущим.

Да поможет мне Господь Бог благодатию Своею. Во свидетельство твердого намерения свято исполнять вышеперечисленные обязанности и в утверждение моего обещания целую Святое Евангелие и Крест Спасителя моего Господа Иисуса Христа. Аминь.

Диакон глаголет ектению.

Помилуй нас, Боже, по велицей милости Твоей, молимтися, услыши и помилуй.

Прилагает и сия:

Призри, Человеколюбче, милостивым Твоим оком на рабы Твоя (или — на рабу Твою) (имярек), ко Твоему благоутробию верою припадающыя (или — припадающю), и, услышав моления их (или — ея), благое намерение и дело их (или — ея) благослови, и благополучно начати и спешно кроме всякаго препятствия во славу Твою совершити, яко Всесильному Царю молимтися, услыши и помилуй.

Во всем поспешествуяй всем во благое, Господи, милостивно и рабом Твоим (или — рабе Твоей) (имярек), поспешствуй, Спасе, и во благополучное совершение делу их (или — ея), спешно произвестися, благослови. Молимтися, Всеблагий Владыко, услыши и помилуй.

Ангела Твоего Хранителя пристави делу сему, Благоуветливе Господи, и о еже воспятити вся препятствия видимых и невидимых врагов, поспешство же во всем ко благополучному совершению делающим сотворити, молимтися, Преблагий Спасе, услыши и помилуй.

Во славу Твою вся творити повелевая, Господи, рабом Твоим (или — рабе Твоей) (имярек), ко Твоей славе дело свое начинающим (или — начинающей), благословением Твоим поспешство благополучное с довольством к совершению подаждь, здравие им (или — ей) со благоденствием даруя, молимтися, Вседаровитый Творче, услыши и помилуй.

Иерей возглас: Услыши ны, Боже, Спасителю наш:

Диакон: Господу помолимся.

Лик: Господи, помилуй.

Иерей же чтет молитву сию:

Господи, Иисусе Христе, Боже наш, приими усердное моление наше и благослови благое намерение и дело рабов Твоих (или — рабы Твоей) (имярек), о еже благополучно начати, и без препятствия всякаго ко славе Твоей совершити. Делателем благопоспеши и дела рук исправи, и в совершение силою Пресвятаго Твоего Духа спешно произвести сотвори. Твое бо есть, еже миловати и спасати ны, Боже наш, и Тебе славу возсылаем, со безначальным Твоим Отцем и Пресвятым Твоим Духом, ныне и присно и во веки веков.

Лик: Аминь.