Пророчества Псалтири о Воскресении Христовом

1. Воскресени, Господи, спаси мя, Боже мой: яко Ты поразил еси вся враждующыя ми всуе, зубы грешников сокрушил еси (Пс. 3, 8).

2. Воскресени, Господи, гневом Твоим, вознесися в концах враг Твоих, и востани, Господи Боже мой, повелением, имже заповедал еси (Пс. 7, 7).

3. Воскресени, Господи, да не крепится человек, да судятся языцы пред Тобою (Пс. 9, 20).

4. Воскресени, Господи Боже мой, да вознесется рука Твоя, не забуди убогих Твоих до конца (Пс. 9, 33).

5. Страсти ради нищих и воздыхания убогих ныне воскресну, глаголет Господь: положуся во спасение, не обинюся о нем (Пс. 11, 6).

6. Яко не оставиши душу мою во аде, ниже даси преподобному Твоему видети истления (Пс. 15, 10).

7. Воскресени, Господи, предвари я и запни им: избави душу мою от нечестиваго, оружие Твое от враг руки Твоея (Пс. 16, 13–14).

8. Востани, вскую спиши, Господи? воскресени, и не отрини до конца (Пс. 43, 24).

9. Воскресени, Господи, помози нам, и избави нас имене ради Твоего (Пс. 43, 27).

10. Да воскреснет Бог, и расточатся врази Его, и да бежат от лица Его ненавидящии Его (Пс. 67, 2).

11. Воскресени, Боже, суди земли: яко Ты наследиши во всех языцех (Пс. 81, 8).

12. Ты воскрес ущедриши Сиона: яко время ущедрити его, яко прииде время (Пс. 101, 14).

13. Востани, слава моя, востани, псалтирю и гусли: востану рано (Пс. 107, 3).

14. Воскресени, Господи, в покой Твой, Ты и кивот святыни Твоея (Пс. 131, 8).