Покаяния основание, прописание умиления, образ утешения, духовнаго совершения, равно Ангелом житие твое бысть, преподобне: в молитвах убо и пощениих, и в слезах пребывая, отче Иоанне, моли Христа Бога о душах наших.
Кондак
Ангельскому житию поревновав преподобне, вся земная оставив, ко Христу притекл еси, и Того заповедьми ограждаяся явился еси столп непоколебим от вражиих нападений. Тем зовем ти: радуйся, отче Иоанне, светило пресветлое.
