ПРИЛОЖЕНИЕ 1
Подпись в великой церкви внутри кругом сводов на ценинных образцах

Сказание о церковных таинствах, яко храм или церковь мир есть, сие святое место, Божие селение и соборный дом молитвы, собрание людское; святилище же тайны то есть олтарь, в нем же служба совершается; трапеза же есть Иерусалим, в нем же Господь водворися и седе, яко на престоле, и заклан бысть нас ради.

Предложение же Вифлеем есть, в нем же родися Господь.

Просфора три имать знамения: и по первому убо разуму знаменует овча, еже нас ради на заколение приходящее; по иному же разуму наше приведение, по другому же умышлению соборному Пречистую являет Богородицу, от нея же Агнец Божий родися.

Проскомидия ж двоякия праздники знаменует: рождение и заколение вкупе сотворяемо, начало и конец таинства изъявляет, с ними ж копие и губу, и трость спасенных страстей образы;

Звездица есть звезда возвестившая волхвом великий свет;

Покрывала таже суть яко на младенцы пелены и яко добродетели образование; теплота ж теплоты Духа Святаго нашествие;

Святаго же хлеба воздвижение, еже на небеса Вознесение, рекше в Вифлеем устроение, яко же да отсюду начнет в нем родися сосвященствовати святая таинства.

Антиминс же и потире сосуды честнии, с ними же жертвенное совершается, обаче ити по опасному видению Промысла, Божественное наслаждение, торжество достойных назнаменует.

Изобразися же сие таинство в лето 7176 году, сентября в 1 день.

Опись 1679 г. - I (5). С. 100 Разбивка на абзацы моя.