Избранные песнопения Пресвятой Богородице

Сперва создавши меня по образу и подобию Твоему, Божественная и вседетельная Троице, неслиянная Единице, и ныне вразуми, просвети и укрепи всегда верно творить волю Твою святую, благую и совершенную.

Воспеваем Тя, Трисолнечное естество, все осуществовавшее за благость, испрашивая оставление прегрешений и избавление от напастей, бед и скорбей.

Слове Божий, соестественное сияние Вседержителя Бога, сотвори во мне, якоже обетовал еси, богодетельное вселение со Отцем Твоим и Духом, и страшным мене покажи бесам и страстям.

Трисветлая богоначальная Единице, разгони весь мрак грехов и страстей моих сладчайшими слияниями светлых лучей Твоих и соделай меня храмом и скиниею неприступной славы Твоей.

Создатель естества человеческого, Триипостасный Боже, яко всевидец, видишь все мое ныне неможение. Темже ущедри раба Твоего и к жизни лучшей паки возведи.

Волителю милости, помилуй верующих в Тя, Боже Трисолнечный, и избави прегрешений, страстей и бед рабов Твоих.

Единый неизменный Триипостасный Господи! Ты всегда настраиваешь ангельския воинства к непреложению. Яви и мое сердце непреложным, да славлю Тя тепло и воспеваю благочестно.

Неприступная Троице, соприсносущная и собезначальная, ни в чем, кроме личных свойств, не разнствующая в Себе, разори воздействием Твоим всякий злой на меня совет демонов и соблюди меня невредимым от стужения вражеского.

Воссияй в сердцах воспевающих Тя трисиянным светом, Триипостасный Боже, и дай разум — во всем уразумевать и исполнять едину волю Твою, благую и совершенную, и всегда величать и славить Твою безмерную благость.

Тленное естество земнородных поет Тя, трисветлаго Создателя, единаго неизменнаго, и вопиет Ти, Владыко: избавь меня всеразличнаго пременения и спаси мя.

Яви меня, Владыко, пресветлым храмом Трисияннаго Божества Твоего, разогнав лютое мое омрачение греховное, светодательными Твоими осияниями.